Top News
Stay informed and invest with latest NEPSE news and analysis.
<1 min read
निर्वाचनपछि पहिलो कारोबार दिन नेप्से परिसूचक ६ प्रतिशतले बढेपछि तेस्रो सर्किट ब्रेक लागेर आजका लागि शेयर कारोबार बन्द भएको छ। दोस्रो सर्किटपछि खुलेको बजार केही सेकेन्डमै तीव्र रूपमा बढ्दा तेस्रो सर्किट लागेको हो।
NEPSE TRADING
·9 Mar, 2026
<1 min read
फरवार्ड माइक्रोफाइनान्स लघुवित्त वित्तीय संस्था लिमिटेड (FOWAD) ले आर्थिक वर्ष २०८१/८२ का लागि शेयरधनीलाई कुनै पनि लाभांश वितरण नगर्ने निर्णय गरेको छ। फागुन २४ गते बसेको सञ्चालक समितिको बैठकले सो आर्थिक वर्षको वित्तीय विवरण स्वीकृतिका लागि नेपाल राष्ट्र बैंकमा पेश गर्ने निर्णय समेत गरेको जनाएको छ।
NEPSE TRADING
·9 Mar, 2026
1 min read
निर्वाचनपछिको पहिलो कारोबार दिन नेप्सेमा तीव्र वृद्धि देखिँदै दोस्रो सर्किट ब्रेक लागेको छ। बजार खुलेको एक मिनेटमै ४ प्रतिशतले बढेर पहिलो सर्किट लागेपछि २० मिनेटका लागि कारोबार स्थगित गरिएको थियो। पुनः खुलेको बजार केही सेकेन्डमै ५ प्रतिशतले बढेपछि दोस्रो सर्किट लाग्दै कारोबार ४० मिनेटका लागि रोकिएको हो। सो समयसम्म नेप्से परिसूचक १३५.७२ अंकले बढेर २८४८.२२ विन्दुमा पुगेको थियो।
NEPSE TRADING
·9 Mar, 2026
1 min read
फागुन २५ गते, सोमबार नेपाली बजारमा सुन र चाँदी दुवैको मूल्य घटेको छ। नेपाल सुनचाँदी व्यवसायी संघका अनुसार छापावाल सुन प्रतितोला ३ हजार ७०० रुपैयाँले घटेर ३ लाख १३ हजार २०० रुपैयाँमा कारोबार भइरहेको छ। यस्तै, चाँदीको मूल्य पनि तोलामा ६५ रुपैयाँले घटेर प्रतितोला ५ हजार ४१० रुपैयाँमा कारोबार भइरहेको छ।
NEPSE TRADING
·9 Mar, 2026
1 min read
निर्वाचनपछिको पहिलो कारोबार दिन नेप्सेमा तीव्र उछाल देखिएको छ। बजार खुलेको एक मिनेटमै नेप्से परिसूचक ४ प्रतिशतले बढेपछि पहिलो सर्किट लाग्दै शेयर कारोबार २० मिनेटका लागि स्थगित गरिएको हो। यसअघि प्रि–ओपन सेसनमै नेप्से १.६४ प्रतिशतले बढेको थियो। सर्किटपछि बजार पुनः ११:२१ बजे खुल्नेछ।
NEPSE TRADING
·9 Mar, 2026
2 min read
एपोलो हाइड्रोपावर लिमिटेडले आयोजना प्रभावित क्षेत्रका स्थानीय बासिन्दाका लागि निष्कासन गरेको आईपीओमा आवेदन दिने म्याद चैत १० गतेसम्म थप गरेको छ। कम्पनीले जारी पूँजी ५७ करोड रुपैयाँको ३० प्रतिशत बराबर १४ लाख १० हजार कित्ता शेयर निष्कासन गर्ने अनुमति पाएकोमा पहिलो चरणमा ४ लाख ७० हजार कित्ता शेयर स्थानीय बासिन्दाका लागि जारी गरिएको हो। यस आईपीओमा न्यूनतम १० कित्ता र अधिकतम ४७ हजार कित्तासम्म आवेदन दिन सकिनेछ। कम्पनीले निर्माण गरिरहेको ६ मेगावाटको बुकु खोला जलविद्युत आयोजनाको अनुमानित लागत करिब १ अर्ब ३७ करोड रुपैयाँ रहेको छ।
NEPSE TRADING
·9 Mar, 2026
2 min read
रास्वपाको पक्षमा जनलहर, स्थिर सरकारको संकेतसँगै शेयर बजारमा सकारात्मक अपेक्षा काठमाडौं : प्रतिनिधिसभा सदस्य निर्वाचनको प्रारम्भिक मत परिणामले राष्ट्रिय स्वतन्त्र पार्टी (रास्वपा) को पक्षमा उल्लेखनीय जनसमर्थन देखिएको छ। करिब तीन वर्षअघि मात्रै स्थापना भएको रास्वपाले यस निर्वाचनमा अप्रत्याशित रूपमा बलियो उपस्थिति देखाउँदै बहुमत मात्र होइन, दुईतिहाइ नजिकको समर्थन समेत प्राप्त गर्ने सम्भावना देखिएको विश्लेषकहरूले बताएका छन्। प्रारम्भिक परिणाम र विभिन्न अनुमानहरूले रास्वपाको पक्षमा स्पष्ट जनलहर देखिएको संकेत गरेका छन्। विशेषगरी काठमाडौँ महानगरपालिकाको नेतृत्व गरिरहेका बालेन शाहलाई वरिष्ठ नेताका रूपमा अघि सार्दै भावी प्रधानमन्त्रीको रूपमा प्रस्तुत गरेपछि युवापुस्तामा रास्वपाप्रति आकर्षण झनै बढेको देखिएको छ। सामाजिक सञ्जालदेखि विभिन्न सार्वजनिक बहसहरूमा युवाहरूको उल्लेखनीय समर्थन देखिँदा निर्वाचन परिणाममा पनि त्यसको प्रभाव परेको विश्लेषण गरिएको छ। पछिल्लो मत परिणाम अनुसार पनि रास्वपा परम्परागत राजनीतिक दलहरूभन्दा अगाडि देखिएको छ।
NEPSE TRADING
·8 Mar, 2026
4 min read
राष्ट्र बैंकका दुई डेपुटी गभर्नर सोमबारबाट अवकाशमा, नयाँ नियुक्ति नयाँ सरकारको जिम्मामा नेपाल राष्ट्र बैंकका दुई डेपुटी गभर्नर डा. नीलम ढुंगाना तिम्सिना र बमबहादुर मिश्र सोमबारदेखि अवकाशमा जाँदै छन्। उनीहरूको पाँच वर्षे कार्यकाल समाप्त भएसँगै नेपाल राष्ट्र बैंकमा डेपुटी गभर्नरका दुई पद रिक्त हुने भएका छन्। दुवै जना २०७७ फागुन २५ गते डेपुटी गभर्नर नियुक्त भएका थिए। राष्ट्र बैंक ऐनअनुसार डेपुटी गभर्नरको कार्यकाल पाँच वर्षको हुने व्यवस्था छ। हालसम्म नयाँ डेपुटी गभर्नर नियुक्तिका लागि औपचारिक प्रक्रिया सुरु नभएको बताइएको छ। प्रतिनिधिसभा निर्वाचनका कारण लागू भएको निर्वाचन आचारसंहिताले गर्दा सरकारले तत्काल नियुक्ति प्रक्रिया अघि बढाउन नसकेको हो। अर्थ मन्त्रालयले नियुक्ति प्रक्रिया अघि बढाउने विषयमा निर्वाचन आयोगसँग परामर्श गरे पनि सम्भावित विवादको जोखिमलाई ध्यानमा राख्दै तत्काल नियुक्ति नगर्ने निर्णय गरिएको स्रोतले जनाएको छ। यस कारण अब डेपुटी गभर्नर नियुक्तिको जिम्मेवारी नयाँ सरकार गठन भएपछि मात्र अघि बढ्ने सम्भावना देखिएको छ।
NEPSE TRADING
·8 Mar, 2026
1 min read
फागुन २२ गते, शुक्रबार, नेपाली बजारमा सुन र चाँदी दुवैको मूल्य घटेको छ। नेपाल सुनचाँदी व्यवसायी संघका अनुसार छापावाल सुन प्रतितोला ४ हजार २०० रुपैयाँले घटेर ३ लाख १३ हजार ४०० रुपैयाँमा कारोबार भइरहेको छ। त्यस्तै चाँदीको मूल्य पनि ९५ रुपैयाँले घटेर प्रतितोला ५ हजार ४४५ रुपैयाँ कायम भएको छ ।
NEPSE TRADING
·6 Mar, 2026
1 min read
आज देशभर प्रतिनिधिसभा निर्वाचन, बिहान ७ देखि साँझ ५ बजेसम्म मतदान जेनजी आन्दोलनपछिको विशेष राजनीतिक परिस्थितिमा आज देशभर प्रतिनिधिसभा सदस्य निर्वाचनका लागि मतदान भइरहेको छ। बिहान ७ बजेदेखि सुरु भएको मतदान अपराह्न ५ बजेसम्म सञ्चालन हुने निर्वाचन आयोगले जनाएको छ। संघीय लोकतान्त्रिक गणतन्त्र स्थापनापछि यो प्रतिनिधिसभाको तेस्रो निर्वाचन हो। यसअघि २०७४ र २०७९ सालमा प्रतिनिधिसभा निर्वाचन सम्पन्न भएको थियो। यस निर्वाचनमा प्रत्यक्षतर्फ १६५ निर्वाचन क्षेत्र र समानुपातिकतर्फ ११० सिटका लागि मतदान भइरहेको छ। प्रत्यक्ष निर्वाचन प्रणालीतर्फ ६५ राजनीतिक दल प्रतिस्पर्धामा छन्। यसअन्तर्गत ३,०१७ पुरुष, ३८८ महिला र १ अन्य गरी कुल ३,४०६ उम्मेदवार मैदानमा रहेका छन्। समानुपातिकतर्फ भने १,३६३ पुरुष र १,७७२ महिला गरी कुल ३,१३५ उम्मेदवार प्रतिस्पर्धामा छन्।
NEPSE TRADING
·5 Mar, 2026
2 min read
मध्यपूर्वमा जारी युद्धका कारण भारतको ऊर्जा आपूर्तिमा प्रत्यक्ष असर पर्न सक्ने संकेत देखिएको छ। भारतको सबैभन्दा ठूलो तरलीकृत प्राकृतिक ग्यास (एलएनजी) आयातकर्ता पेट्रोनेट एलएनजीले केही अपरेसन अवरुद्ध हुन सक्ने चेतावनी दिएपछि ग्यास आपूर्ति कडा हुन सक्ने चिन्ता बढेको हो। कम्पनीले मंगलबार राति स्टक एक्सचेन्जमा दिएको जानकारीअनुसार होर्मुज जलडमरूमध्य हुँदै कतार इनर्जीको प्रमुख लोडिङ पोर्ट रास लाफानसम्म जहाजहरू सुरक्षित रूपमा पुग्न नसक्ने अवस्था सिर्जना भएको छ। कतार इनर्जीले यसै साता एलएनजी उत्पादन अस्थायी रूपमा स्थगित गरेको घोषणा गरिसकेको छ, जुन भारतीय बजारका लागि प्रमुख आपूर्तिकर्ता मानिन्छ।
NEPSE TRADING
·4 Mar, 2026
1 min read
मतगणना सुरु भएको २४ घण्टाभित्रै प्रत्यक्षतर्फको नतिजा सार्वजनिक गर्ने निर्वाचन आयोगको दाबी काठमाडौं । निर्वाचन आयोगले मतदान सम्पन्न भई मतगणना सुरु भएको २४ घण्टाभित्रै प्रतिनिधिसभाको पहिलो हुने निर्वाचित हुने (प्रत्यक्ष) प्रणालीतर्फको मत परिणाम सार्वजनिक गर्ने तयारी रहेको जनाएको छ। भौगोलिक विकटता हुँदाहुँदै पनि छिटोभन्दा छिटो मतपेटिका संकलन गरी नतिजा सार्वजनिक गर्ने लक्ष्य आयोगले राखेको हो। कार्यवाहक प्रमुख निर्वाचन आयुक्त रामप्रसाद भण्डारीले पहाडी तथा हिमाली क्षेत्रका कारण मतपेटिका संकलनमा केही समय लाग्ने सम्भावना भए पनि सकेसम्म छिटो संकलन गर्ने प्रयास भइरहेको बताए। उनका अनुसार दुर्गम क्षेत्रमा रहेका मतपेटिका संकलन गर्न आवश्यक परे नेपाली सेनाको हेलिकोप्टर प्रयोग गरिनेछ।
NEPSE TRADING
·4 Mar, 2026
1 min read
प्रतिनिधि सभा निर्वाचनअघिको अन्तिम कारोबार दिन नेप्से परिसूचक ३८.५२ अंकले बढेर २७१२.४९ विन्दुमा पुगेको छ। लगातार पाँच कारोबार दिनदेखि बजार उकालो लाग्दै आएको छ। यस दिन कारोबार रकम पनि बढेर ६ अर्ब २३ करोड रुपैयाँ नाघेको छ। सालपा विकास बैंकको शेयर सकारात्मक सर्किट लेभलमा कारोबार हुँदा पञ्चकन्या माइ हाइड्रोपावर, रिलायन्स स्पिनिङ्ग मिल्स र मोलुङ्ग हाइड्रोपावरको शेयर मूल्य उल्लेख्य रूपमा बढेको छ। १३ उपसमूहमध्ये १२ उपसमूहको परिसूचक बढ्दा जलविद्युत उपसमूह सर्वाधिक २.१३ प्रतिशतले उकालो लागेको छ।
NEPSE TRADING
·3 Mar, 2026
1 min read
मध्यपूर्वमा चर्किएको युद्ध र बढ्दो सैन्य तनावका कारण नेपालबाट हुने सबै अन्तर्राष्ट्रिय उडानहरू अनिश्चितकालका लागि स्थगित भएका छन्। युद्धग्रस्त देशहरूले आफ्नो एयर स्पेस बन्द गरेपछि त्रिभुवन अन्तर्राष्ट्रिय विमानस्थलबाट कुनै पनि अन्तर्राष्ट्रिय उडान सञ्चालन हुन सकेको छैन। विमानहरू विमानस्थलमै स्ट्यान्डबाइ अवस्थामा राखिएका छन् भने एयर स्पेस खुल्ने समयबारे कुनै निश्चित जानकारी छैन। उडान रोकिँदा वैदेशिक रोजगारी, अध्ययन र भ्रमणका लागि विदेश जान लागेका हजारौँ यात्रुहरू काठमाडौँमै अलपत्र परेका छन्।
NEPSE TRADING
·3 Mar, 2026
1 min read
काठमाडौं । इजरायल–अमेरिका र इरानबीच बढ्दो सैन्य तनावका कारण अन्तर्राष्ट्रिय बजारमा कच्चा तेलको मूल्य करिब ९–१० प्रतिशतले बढेको छ। ब्रेन्ट कच्चा तेलको मूल्य प्रति ब्यारेल झन्डै ८० डलरसम्म पुगेपछि नेपालमा पेट्रोल र डिजेलको मूल्य बढ्ने सम्भावनाबारे चासो बढेको छ। नेपाल भारतबाट पूर्ण रूपमा इन्धन आयातमा निर्भर भएकाले विश्व बजारमा मूल्य वृद्धि हुँदा त्यसको अप्रत्यक्ष असर नेपालमा पर्ने देखिन्छ। तर भारतले हाल खुद्रा इन्धन मूल्य स्थिर राख्ने नीति अपनाएकाले तत्काल मूल्य वृद्धि हुने सम्भावना कम रहेको बताइएको छ। मध्यपूर्व तनाव लम्बिएर तेल आपूर्ति मार्गमा अवरोध आए दीर्घकालीन रूपमा इन्धन मूल्यमा दबाब बढ्न सक्ने विश्लेषण गरिएको छ।
NEPSE TRADING
·3 Mar, 2026
1 min read
काठमाडौं । बैंकिङ प्रणालीमा अत्यधिक तरलता बढेपछि नेपाल राष्ट्र बैंकले ६ दिनका लागि १ खर्ब रुपैयाँ बजारबाट खिच्ने निर्णय गरेको छ। निक्षेप संकलन उपकरणमार्फत फागुन १९ गते बोलकबोल आह्वान गरिएको राष्ट्र बैंकले जनाएको छ। हाल बैंकहरूसँग ठूलो मात्रामा लगानीयोग्य पूँजी भए पनि कर्जा विस्तार अपेक्षाअनुसार बढ्न नसकेको देखिएको छ। निर्वाचनअघिको अवधिमा ब्याजदर स्थिर राख्न तथा बजार सन्तुलन कायम गर्न केन्द्रीय बैंकले तरलता व्यवस्थापनलाई प्राथमिकता दिएको विश्लेषण गरिएको छ।
NEPSE TRADING
·3 Mar, 2026
1 min read
फागुन १९ गते मंगलबार नेपाली बजारमा सुनको मूल्य बढेर प्रतितोला ३ लाख २८ हजार ६०० रुपैयाँ पुगेको छ, जुन अघिल्लो दिनको तुलनामा २ हजार ५०० रुपैयाँले बढी हो। नेपाल सुनचाँदी व्यवसायी महासंघका अनुसार अन्तर्राष्ट्रिय बजारको प्रभावका कारण सुनको मूल्य वृद्धि भएको हो। यता, चाँदीको मूल्य भने २०५ रुपैयाँले घटेर प्रतितोला ५ हजार ८१५ रुपैयाँमा झरेको छ।
NEPSE TRADING
·3 Mar, 2026
1 min read
मध्यपूर्वमा अमेरिका, इजरायल र इरानबीच बढ्दो सैन्य तनावका कारण विश्व वित्तीय बजारमा अनिश्चितता बढेको छ। इरान समर्थित ड्रोन आक्रमणको समाचारपछि लगानीकर्ताको जोखिमप्रतिको चिन्ता बढ्दै अमेरिकी सेयर बजारका फ्युचर्स सूचकहरू घटेका छन्। क्षेत्रीय द्वन्द्वका कारण कच्चा तेलको मूल्य बढ्दै विश्वव्यापी मुद्रास्फीति पुनः चर्किने सम्भावना देखिएको छ। विश्लेषकहरूका अनुसार तनाव लम्बिए आर्थिक वृद्धि सुस्त हुन सक्ने र ब्याजदर कटौती योजना प्रभावित हुन सक्छ।
NEPSE TRADING
·3 Mar, 2026
1 min read
विन नेपाल लघुवित्त वित्तीय संस्था लिमिटेड (WNLB) ले चालु आर्थिक वर्षको मुनाफाबाट शेयरधनीहरुलाई कुनै पनि लाभांश वितरण नगर्ने निर्णय गरेको छ। फागुन १७ गते बसेको सञ्चालक समितिको बैठकले लाभांश प्रस्ताव नगरी वित्तीय विवरण नेपाल राष्ट्र बैंकमा स्वीकृतिका लागि पठाउने निर्णय गरेको जनाएको छ। स्वीकृतिपछि उक्त विवरण वार्षिक साधारण सभामा पेश गरिनेछ।
NEPSE TRADING
·3 Mar, 2026
