Top News
Stay informed and invest with latest NEPSE news and analysis.
1 min read
मंगलबार Nepal Stock Exchange (नेप्से) परिसूचक १०.२५ अंक घटेर २६६२.१४ विन्दुमा बन्द भएको छ। साताको सुरुदेखि नै घट्दो क्रममा रहेको बजारमा कारोबार रकम पनि घटेर ८ अर्ब ६१ करोड रुपैयाँमा सीमित भएको छ। अधिकांश उपसमूह घटेका छन् भने म्युचुअल फण्ड र व्यापार उपसमूह मात्र सामान्य बढेका छन्। विकास बैंक उपसमूह सर्वाधिक घट्दा बजार समग्रमा दबाबमा देखिएको छ।
NEPSE TRADING
·10 Feb, 2026
1 min read
नेपालको डिजिटल रूपान्तरणलाई गति दिन अन्तर्राष्ट्रिय विकास साझेदारले ५० मिलियन अमेरिकी डलर सहयोग स्वीकृत गरेका छन्। यस सहयोगबाट डिजिटल सार्वजनिक पूर्वाधार सुदृढ गर्ने, अनलाइन सेवा विस्तार गर्ने तथा डेटा सुरक्षा, ई–सिग्नेचर र डिजिटल लकरजस्ता प्रणाली विकास गर्ने लक्ष्य राखिएको छ। परियोजनाले सेवा प्रवाहलाई पारदर्शी, समावेशी र प्रभावकारी बनाउने अपेक्षा गरिएको छ। यसमा अर्को बहुपक्षीय विकास बैंकको ४० मिलियन डलर योगदानसहित संयुक्त सह–वित्तीय व्यवस्था रहनेछ।
NEPSE TRADING
·10 Feb, 2026
1 min read
माघ २७ गते मंगलबार नेपाली बजारमा सुनको मूल्य ९०० रुपैयाँले बढेर प्रतितोला ३ लाख ५ हजार ५०० रुपैयाँ पुगेको छ। भने, चाँदीको मूल्य तोलामा १० रुपैयाँले घटेर ५ हजार २४० रुपैयाँमा कारोबार भएको छ। अन्तर्राष्ट्रिय बजार र स्थानीय मागको प्रभावले सुन बढेको र चाँदी घटेको बताइएको छ।
NEPSE TRADING
·10 Feb, 2026
2 min read
घलेम्दी हाइड्रोको नोक्सानी बढ्यो, दोस्रो त्रैमासमा १ करोड ७० लाख घाटा घलेम्दी हाइड्रो लिमिटेडले चालु आर्थिक वर्ष २०८२/८३ को दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ। विवरणअनुसार कम्पनीको नोक्सानी अघिल्लो आर्थिक वर्षको सोही अवधिको तुलनामा उल्लेख्य रूपमा बढेको छ। गत आर्थिक वर्षको दोस्रो त्रैमाससम्म १६ लाख ९७ हजार रुपैयाँ नोक्सानीमा रहेको कम्पनीले चालु आवको सोही अवधिसम्म आइपुग्दा १ करोड ७० लाख रुपैयाँ घाटा व्यहोरेको छ। आम्दानीमा सामान्य वृद्धि भए पनि खर्च बढेकाले कम्पनीको खुद नोक्सानी थप बढेको हो।
NEPSE TRADING
·10 Feb, 2026
2 min read
होटल फरेष्ट इनको आईपीओमा झन्डै २३ लाख आवेदन, मागभन्दा आठ गुणा बढी आकर्षण होटल फरेष्ट इन लिमिटेडले सर्वसाधारणका लागि निष्काशन गरेको प्रारम्भिक सार्वजनिक निष्काशन (आईपीओ) मा उल्लेख्य आकर्षण देखिएको छ। माघ २२ गतेदेखि २६ गतेसम्म खुलेको आईपीओमा २३ लाख ३० हजार ८६ जनाको आवेदन परेको छ। बिक्री अवधि समाप्त हुने अन्तिम समयसम्म कुल २ अर्ब ६३ करोड ६० लाख ५० हजार रुपैयाँ बराबरको २ करोड ६३ लाख ६० हजार ५ सय कित्ता सेयरका लागि आवेदन परेको बिक्री प्रबन्धकले जनाएको छ। उपलब्ध सेयरभन्दा कैयौँ गुणा बढी माग देखिँदा कम्पनीको आईपीओमा लगानीकर्ताको उच्च चासो पुष्टि भएको छ।
NEPSE TRADING
·10 Feb, 2026
4 min read
करिब एक खर्ब विकास बजेट रोक्का हुँदा खर्च खुम्चियो, पूर्वाधार आयोजना प्रभावित सरकारले अनुत्पादक खर्च कटौती र मितव्ययिता कायम गर्ने नाममा करिब सवा एक खर्ब रुपैयाँ बराबरको विकास बजेट रोक्का गरेपछि त्यसको प्रत्यक्ष असर देखिन थालेको छ। चालु आर्थिक वर्ष २०८२/८३ को छ महिना पूरा हुँदासम्म विकास खर्च न्यून रहँदा पूर्वाधार निर्माण र आर्थिक गतिविधि प्रभावित बनेका छन्। गत पुस मसान्तसम्म चालु आवको आधा अवधि पूरा भइसकेको छ। यस अवधिमा अधिकांश विकासे निकायले अर्धवार्षिक समीक्षा गरिरहेका छन्। ती समीक्षामा विकास बजेट खर्च निकै कम भएको तथ्यांक सार्वजनिक हुँदै गएको छ, जसले सरकारको खर्च क्षमतामाथि प्रश्न उठाएको छ। मन्त्रिपरिषद्को गत असोज ४ गतेको निर्णयअनुसार करिब सवा एक खर्ब रुपैयाँ बराबरको विकास बजेट रोक्का गरिएको थियो। त्यसपछि अर्थ मन्त्रालयले विभिन्न मन्त्रालय र निकायलाई १५ बुँदे परिपत्र जारी गर्दै बजेट खर्चमा कडाइ गरेको थियो। परिपत्रपछि केही योजनाको बजेट फुकुवा भए पनि मन्त्रालयहरूले माग गरेअनुसार पर्याप्त रकम फुकुवा हुन सकेको छैन।
NEPSE TRADING
·10 Feb, 2026
2 min read
असुरक्षित इन्टरनेटबाट डिजिटल बैंकिङ गर्दा जोखिम बढ्ने, राष्ट्र बैंकको सतर्कता आग्रह डिजिटल बैंकिङ सेवाको प्रयोग तीव्र रूपमा बढ्दै गएसँगै असुरक्षित इन्टरनेट नेटवर्कमार्फत गरिने कारोबारले वित्तीय जोखिम बढाउने देखिएको भन्दै नेपाल राष्ट्र बैंकले सेवाग्राहीलाई विशेष सतर्कता अपनाउन आग्रह गरेको छ । राष्ट्र बैंकका अनुसार सार्वजनिक, निःशुल्क तथा अन्य असुरक्षित (Unsecured) वाइफाइ नेटवर्क प्रयोग गर्दा प्रयोगकर्ताको बैंकिङ विवरण अनधिकृत व्यक्तिको पहुँचमा पुग्ने सम्भावना उच्च हुन्छ । यस्ता खुला नेटवर्कमा साइबर अपराधी सक्रिय हुन सक्ने र पासवर्ड, पिन, ओटीपीजस्ता संवेदनशील विवरण चोरी भई दुरुपयोग हुन सक्ने खतरा रहेको केन्द्रीय बैंकको चेतावनी छ । डिजिटल बैंकिङ सेवामा बढ्दो निर्भरता सँगसँगै साइबर अपराधका घटना पनि बढिरहेका बेला राष्ट्र बैंकले सुरक्षित इन्टरनेट प्रयोगलाई प्राथमिकतामा राख्न आग्रह गरेको हो । बैंकका अनुसार असावधानी अपनाउँदा व्यक्तिगत आर्थिक नोक्सानी मात्र होइन, समग्र बैंकिङ प्रणालीप्रतिको विश्वासमा समेत असर पर्न सक्छ ।
NEPSE TRADING
·10 Feb, 2026
3 min read
सिडिएससी प्रमुखको नियुक्ति विवाद उच्च अदालत पाटनमा, संवैधानिक र कानुनी प्रश्न उठे सिडिएस एण्ड क्लियरिङ लिमिटेड (सिडिएससी) की प्रबन्ध निर्देशक तथा कार्यकारी प्रमुख प्रविन पन्दाकको नियुक्ति र निरन्तरतामाथि संवैधानिक तथा कानुनी प्रश्न उठाउँदै उच्च अदालत पाटनमा रिट दर्ता भएको छ। वरिष्ठ अधिवक्ता उत्तमबहादुर श्रेष्ठले आइतबार दायर गरेको रिटमा पन्दाकसहित नियुक्ति प्रक्रियामा संलग्न सात निकायलाई विपक्षी बनाइएको छ। रिट निवेदनमा पन्दाकको नियुक्ति गैरकानुनी भएको दाबी गर्दै त्यसबाट मुलुकको पूँजीबजार र वित्तीय प्रणालीमा गम्भीर असर परिरहेको उल्लेख गरिएको छ। निवेदनमा दोहोरो ISIN (इन्टरनेसनल सेक्युरिटिज आइडेन्टिफिकेसन नम्बर) विवादका कारण सेयर अभौतिकीकरण प्रक्रिया प्रभावित भएको, संस्थापक सेयर निष्क्रिय बनेको र लगानीकर्ताको अर्बौँ रुपैयाँ जोखिममा परेको दाबी गरिएको छ। न्यायाधीश अवनी मैनाली भट्टराईको इजलासले अन्तरिम आदेशको विषयमा छलफल गर्न चैत ८ गते दुवै पक्षलाई उपस्थित हुन आदेश दिएको छ। अदालतले सोही दिन पन्दाकको नियुक्ति प्रक्रिया र त्यसबाट उत्पन्न विवादको वैधताबारे प्रारम्भिक सुनुवाइ गर्ने अपेक्षा गरिएको छ।
NEPSE TRADING
·10 Feb, 2026
4 min read
सामाजिक सुरक्षा कार्यक्रम विस्तारको सरकारी योजना, कानुनी सुधारदेखि डिजिटल सेवा विस्तारसम्मको तयारी सरकारले सामाजिक सुरक्षा कार्यक्रमको दायरा व्यापक बनाउने उद्देश्यसहित बहुआयामिक योजना अघि सारेको छ । अर्थ मन्त्रालयले सार्वजनिक गरेको वित्तीय विकास रणनीतिमार्फत हाल सामाजिक सुरक्षा कार्यक्रममा समेटिन नसकेका विभिन्न क्षेत्रका नागरिकलाई समावेश गर्ने योजना अघि बढाएको हो । रणनीतिअनुसार सरकारी, सार्वजनिक, निजी तथा असङ्गठित क्षेत्रका श्रमिक, स्वरोजगारमा रहेका व्यक्ति र वैदेशिक रोजगारीमा रहेका नागरिकलाई सामाजिक सुरक्षा प्रणालीमा ल्याउने विषयमा विस्तृत अध्ययन गरिनेछ । यसका लागि विद्यमान कोषहरूबाट सञ्चालन भइरहेका कार्यक्रमहरूको पुनरावलोकन गरी एकीकृत सामाजिक सुरक्षा योजना विकास गर्ने कार्यनीति लिइएको छ । हाल सामाजिक सुरक्षा कार्यक्रममा नसमेटिएका नागरिकलाई समेट्न उपयुक्त संरचना निर्माण गर्ने र नयाँ कार्यक्रम सञ्चालन गर्ने सरकारको लक्ष्य छ । यसले औपचारिक रोजगारीबाहिर रहेका श्रमिकलाई पनि सामाजिक सुरक्षाको दायरामा ल्याउने अपेक्षा गरिएको छ ।
NEPSE TRADING
·10 Feb, 2026
3 min read
हिल्टन पुनर्बीमा विवादको छानबिन प्रतिवेदन अख्तियारमा, कारबाही टार्न प्राधिकरणलाई कठिन अन्तर्राष्ट्रिय होटल चेन हिल्टनसँग जोडिएको पुनर्बीमा विवादबारे नेपाल बीमा प्राधिकरणले तयार पारेको छानबिन प्रतिवेदन अन्ततः अख्तियार दुरुपयोग अनुसन्धान आयोगमा पुगेको छ । ठूलो आर्थिक चलखेल र संस्थागत कमजोरीको आशंकाबीच तयार पारिएको उक्त प्रतिवेदन अर्थ मन्त्रालयमार्फत आयोगमा पठाइएको हो । हिल्टन होटलको हुलदंगा तथा आतंकवाद जोखिमको पुनर्बीमामा अनियमितता भएको भन्दै अख्तियारमा उजुरी परेपछि यो प्रक्रिया अघि बढेको हो । उजुरीमा नेपाल बीमा प्राधिकरणले तोकेको व्यवस्था बाइपास गरी क्षति भइसकेपछि ब्याकडेटमा पुनर्बीमा पोलिसी जारी गरेर अर्बौँ रुपैयाँ बराबरको दाबी पास गराउने प्रयास भएको आरोप लगाइएको थियो । सोही उजुरीका आधारमा अख्तियारले गत कात्तिक ११ गते अर्थ मन्त्रालयमार्फत नेपाल बीमा प्राधिकरणलाई पुनर्बीमाको सम्पूर्ण प्रक्रिया छानबिन गर्न निर्देशन दिएको थियो ।
NEPSE TRADING
·10 Feb, 2026
2 min read
जीवन विकास लघुवित्त वित्तीय संस्थाको नाफा झन्डै दोब्बर, दोस्रो त्रैमासमा ३८ करोड ९० लाख आर्जन काठमाडौं — जीवन विकास लघुवित्त वित्तीय संस्थाले चालु आर्थिक वर्ष २०८२/८३ को दोस्रो त्रैमाससम्मको अपरिष्कृत वित्तीय विवरण सार्वजनिक गर्दै उल्लेख्य प्रगति देखाएको छ। विवरणअनुसार संस्थाले समीक्षा अवधिमा ३८ करोड ९० लाख रुपैयाँ खुद नाफा आर्जन गरेको छ, जुन गत आर्थिक वर्षको सोही अवधिको तुलनामा ८९.३७ प्रतिशतले बढी हो। गत आर्थिक वर्षको दोस्रो त्रैमाससम्म संस्थाले २० करोड ५४ लाख रुपैयाँ खुद नाफा कमाएको थियो। चालु वर्षमा नाफा झन्डै दोब्बर हुनुले लघुवित्तको सञ्चालन क्षमता र आम्दानी संरचनामा सुधार आएको संकेत गरेको विश्लेषकहरू बताउँछन्। समीक्षा अवधिमा कम्पनीको खुद ब्याज आम्दानी पनि बढेको छ। गत वर्षको सोही अवधिमा ९४ करोड ८१ लाख रुपैयाँ रहेको खुद ब्याज आम्दानी चालु वर्षमा बढेर १ अर्ब ४ करोड ६ लाख रुपैयाँ पुगेको छ। यो करिब ९.७६ प्रतिशतको वृद्धि हो। ब्याज आम्दानी बढ्नुले कर्जा विस्तार र असुली प्रणाली सुदृढ भएको देखाउँछ।
NEPSE TRADING
·9 Feb, 2026
2 min read
छ महिनामै ३ लाखभन्दा बढी नयाँ करदाता थपिए, कर दायरा उल्लेख्य रूपमा विस्तार काठमाडौं — चालू आर्थिक वर्ष ०८२/८३ को पहिलो छ महिनामा नेपालमा करदाताको संख्या उल्लेख्य रूपमा बढेको छ। आन्तरिक राजस्व विभागका अनुसार यस अवधिमा ३ लाख ६१ हजार ३ जना नयाँ सक्रिय करदाता थपिँदा कुल संख्या ७३ लाख ६० हजार ३ सय ५३ पुगेको छ। गत आर्थिक वर्ष ०८१/८२ को असार मसान्तसम्म सक्रिय करदाता संख्या ६९ लाख ९९ हजार ३ सय ५० रहेको थियो। पछिल्लो छ महिनामा करदाताको संख्या तीव्र रूपमा बढ्नु आर्थिक गतिविधि विस्तार र कर प्रशासनको प्रभावकारिता बढेको संकेत भएको विभागको भनाइ छ। विभागका अनुसार व्यावसायिक स्थायी लेखा नम्बर (प्यान)तर्फ पनि उल्लेख्य वृद्धि देखिएको छ। व्यावसायिक प्यान लिने करदाताको संख्या २० लाख ६० हजार ७ सय ५८ बाट बढेर २१ लाख १६ हजार पुगेको छ। यस अवधिमा मात्रै ५५ हजार २ सय ४२ नयाँ व्यावसायिक प्यान दर्ता भएका छन्। सबैभन्दा ठूलो वृद्धि व्यक्तिगत प्यानतर्फ देखिएको छ। व्यक्तिगत प्यान करदाताको संख्या ४९ लाख २ हजार ७ सय २२ बाट बढेर ५२ लाख ७ हजार ६ सय १२ पुगेको छ। छ महिनामा मात्र ३ लाख ४ हजार ८ सय ९० नयाँ व्यक्तिगत प्यान दर्ता भएको विभागले जनाएको छ। विदेशी रोजगारीमा जाने कामदारका लागि जारी गरिने डब्लु–प्यानको संख्या पनि बढ्दो क्रममा देखिएको छ। गत आर्थिक वर्षको असारसम्म ३५ हजार ८ सय ७० रहेको डब्लु–प्यान छ महिनामा ८ सय ७१ ले बढेर ३६ हजार ७ सय ४१ पुगेको छ।
NEPSE TRADING
·9 Feb, 2026
2 min read
राष्ट्रिय आर्थिक गणना सफल बनाउन सरकारी–निजी सहकार्य आवश्यक : सरोकारवाला काठमाडौं — राष्ट्रिय आर्थिक गणना २०८२ लाई प्रभावकारी रूपमा सम्पन्न गर्न सरकारी निकाय र निजी क्षेत्रबीच सहकार्य अपरिहार्य रहेकोमा सरोकारवालाहरूले जोड दिएका छन्। नेपाल उद्योग वाणिज्य महासङ्घ र राष्ट्रिय तथ्याङ्क कार्यालयको संयुक्त आयोजनामा सोमबार आयोजित राष्ट्रिय आर्थिक गणना २०८२ सञ्चालनसम्बन्धी अन्तरक्रियामा सहभागी उद्योगी–व्यवसायीहरूले गणनाको सफलताका लागि निजी क्षेत्रको सक्रिय सहभागिता आवश्यक रहेको बताएका हुन्। कार्यक्रममा उद्योगी–व्यवसायीहरूले देशभर सञ्चालनमा रहेका उद्योग, व्यापार तथा सेवा क्षेत्रसँग सम्बन्धित वास्तविक तथ्याङ्क संकलन गर्न सरकारी संयन्त्र र निजी क्षेत्रबीच समन्वय हुनुपर्ने धारणा राखे। उनीहरूका अनुसार सहकार्य बिना गणनाको लक्ष्य हासिल गर्न कठिन हुने देखिन्छ। राष्ट्रिय तथ्याङ्क कार्यालयले नेपालभर सञ्चालनमा रहेका आर्थिक क्रियाकलाप गर्ने प्रतिष्ठानहरूको आधारभूत विवरण सङ्कलन, प्रशोधन, विश्लेषण तथा प्रकाशन गर्ने उद्देश्यले राष्ट्रिय आर्थिक गणना २०८२ सञ्चालन गर्न लागेको हो। यस गणनाबाट देशको आर्थिक संरचना र गतिविधिको यथार्थ चित्र प्राप्त हुने अपेक्षा गरिएको छ।
NEPSE TRADING
·9 Feb, 2026
2 min read
होटल फरेष्ट इनको आईपीओमा आवेदन दिने आज अन्तिम दिन काठमाडौं — होटल फरेष्ट इन लिमिटेडले सर्वसाधारणका लागि निष्कासन गरेको प्रारम्भिक सार्वजनिक निष्कासन (आईपीओ) मा आवेदन दिने आज माघ २६ गते अन्तिम दिन रहेको छ। कम्पनीले माघ २२ गतेदेखि आईपीओ बिक्री खुला गरेको थियो। यसअघि वैदेशिक रोजगारीमा रहेका नेपालीका लागि निष्कासन गरिएको आईपीओ बाँडफाँट सम्पन्न गरिसकेपछि कम्पनीले दोस्रो चरणमा सर्वसाधारण लगानीकर्ताका लागि शेयर निष्कासन गरेको हो। कम्पनीले प्राथमिक चरणमा लक्षित वर्गका लागि शेयर वितरण गरी अहिले आम लगानीकर्तालाई अवसर दिएको जनाएको छ। कम्पनीले जारी पूँजी २ अर्ब रुपैयाँको २० प्रतिशत बराबर हुने ४० करोड रुपैयाँको ४० लाख कित्ता साधारण शेयर निष्कासन गर्न नेपाल धितोपत्र बोर्डबाट अनुमति पाएको थियो। सोमध्ये ४ लाख कित्ता वैदेशिक रोजगारीमा रहेका नेपाली, २ लाख कित्ता सामूहिक लगानी कोष र ८० हजार कित्ता कम्पनीका कर्मचारीका लागि छुट्याएर बाँडफाँट गरिसकिएको छ।
NEPSE TRADING
·9 Feb, 2026
3 min read
कर्जा वर्गीकरणमा कमजोरी देखिएपछि ठूला बैंकमाथि राष्ट्र बैंक कडा, थप प्रोभिजनिङको तयारी काठमाडौं — बंगलादेशी परामर्शदाता हौलादार युनुस एन्ड कम्पनीले गरेको कर्जा गुणस्तर परीक्षणमा नेपालका ठूला वाणिज्य बैंकहरूमा कर्जा वर्गीकरण र जोखिम व्यवस्थापनमा कमजोरी देखिएको छ। परीक्षणका क्रममा नियामकीय मापदण्डअनुसार कर्जा व्यवस्थापन नहुँदा थप जोखिम व्यवस्थापन आवश्यक रहेको निष्कर्ष निकालिएको हो। नेपाल राष्ट्र बैंकका अनुसार बैंकहरूले असल, सूक्ष्म निगरानी, कमसल, शंकास्पद र खराब कर्जाको वर्गीकरणमा सुधार नगरेमा थप प्रोभिजनिङ गर्न निर्देशन दिने तयारी भइरहेको छ। केन्द्रीय बैंकले बैंकहरूसँग स्पष्टीकरण लिएपछि मात्र आवश्यक कारबाही अघि बढाइने जनाएको छ। परामर्शदाता कम्पनीले गरेको लोन पोर्टफोलियो रिभ्युमा औसत निष्क्रिय कर्जा अनुपात ७.७० प्रतिशत देखिएको छ भने दुई बैंकको एनपीएल १० प्रतिशतभन्दा माथि पुगेको छ। परीक्षणमा ग्लोबल आइएमई, नबिल, नेपाल इन्भेष्टमेण्ट मेगा, राष्ट्रिय वाणिज्य, कुमारी, लक्ष्मी सनराइज, प्रभु, हिमालयन, एनएमबि र एनआईसी एशिया बैंक समावेश थिए।
NEPSE TRADING
·9 Feb, 2026
1 min read
मनाङ–लमजुङ सीमामा ३० मेगावाटको म्यार्दी जलविद्युत् आयोजना निर्माण हुने काठमाडौं — मनाङ जिल्लाको नासोङ गाउँपालिका र लमजुङ जिल्लाको मस्र्याङदी गाउँपालिकाको सीमामा कूल ३० मेगावाट क्षमताको म्यार्दी जलविद्युत् आयोजना निर्माण हुने भएको छ। आयोजनाको प्रक्रिया अगाडि बढाउँदै वन तथा वातावरण मन्त्रालयले वातावरणीय प्रभाव मूल्यांकन (ईआईए) प्रतिवेदन तयारीको काम सुरु गरेको छ। म्यार्दी खोला हाइड्रोपावर कम्पनी प्रालि आयोजनाको प्रस्तावक रहेको छ। यो आयोजना नदी प्रवाही प्रकृतिको हुने जनाइएको छ, जसअन्तर्गत नदीको प्राकृतिक बहावलाई उपयोग गरी विद्युत् उत्पादन गरिनेछ। आयोजनाबाट वार्षिक औसत १७३.४४ गिगावाट घण्टा विद्युत् उत्पादन हुने अनुमान गरिएको छ। आयोजनाबाट उत्पादन हुने विद्युत् १० किलोमिटर लामो १३२ केभी क्षमताको प्रसारण लाइनमार्फत धारापानीस्थित २२० केभी क्षमताको मनाङ हबमा जोडिनेछ। त्यसपछि राष्ट्रिय प्रसारण प्रणालीमा समावेश गरी देशभर आपूर्ति गरिने योजना रहेको छ।
NEPSE TRADING
·9 Feb, 2026
1 min read
छ महिनामा झन्डै ५ सय मेगावाट विद्युत् थप, जडित क्षमता ४ हजार ८६ मेगावाट पुग्यो काठमाडौं — पछिल्ला छ महिनाको अवधिमा नेपालले झन्डै पाँच सय मेगावाट विद्युत् राष्ट्रिय प्रसारण प्रणालीमा थप गरेको छ। ऊर्जा, जलस्रोत तथा सिँचाइ मन्त्रालयका अनुसार पुस मसान्तसम्म राष्ट्रिय ग्रिडमा ४९५ मेगावाट विद्युत् जोडिँदा देशको कुल जडित क्षमता ४ हजार ८६ मेगावाट पुगेको छ। मन्त्रालयका विवरणअनुसार गत असार मसान्तसम्म देशको जडित क्षमता ३ हजार ५९१ मेगावाट थियो। त्यसपछि असोज मसान्तमा बढेर ४ हजार ४६ मेगावाट पुगेको क्षमता पुससम्म थप विस्तार भएको हो। परीक्षण चरणमा रहेका आयोजना तथा वैकल्पिक ऊर्जाबाट उत्पादन भएको विद्युत् भने यस तथ्यांकमा समावेश गरिएको छैन।
NEPSE TRADING
·9 Feb, 2026
2 min read
ग्लोबल आइएमई लघुवित्तको नाफा १०.५१ प्रतिशतले घट्यो, इम्पेयरमेन्ट खर्चमा तीव्र वृद्धि Global IME Laghubitta Bittiya Sanstha Limited ले चालू आर्थिक वर्षको दोस्रो त्रैमासिक वित्तीय प्रतिवेदन सार्वजनिक गरेको छ। प्रतिवेदनअनुसार कम्पनीको खुद नाफा अघिल्लो वर्षको तुलनामा घटेको देखिएको छ, जसले लघुवित्त क्षेत्रको पछिल्लो चुनौतीपूर्ण अवस्थालाई प्रतिबिम्बित गरेको छ। समीक्षा अवधिमा कम्पनीले १० करोड ५९ लाख रुपैयाँ खुद नाफा आर्जन गरेको छ। गत आर्थिक वर्षको सोही अवधिमा कम्पनीले ११ करोड ८३ लाख रुपैयाँ नाफा कमाएको थियो। यस आधारमा नाफा करिब १०.५१ प्रतिशतले घटेको हो। यद्यपि नाफा घटे पनि कम्पनीको खुद ब्याज आम्दानीमा उल्लेख्य सुधार आएको छ। पुस मसान्तसम्म खुद ब्याज आम्दानी ४८ करोड ७६ लाख रुपैयाँ पुगेको छ, जुन गत वर्षको ३५ करोड ७ लाख रुपैयाँको तुलनामा करिब ३९ प्रतिशतले बढी हो। यसले कर्जा प्रवाह र ब्याज संकलनमा कम्पनीको सक्रियता बढेको संकेत गर्दछ।
NEPSE TRADING
·8 Feb, 2026
2 min read
सुपर खुदी हाइड्रोपावरको आइपिओ फागुन ४ देखि सर्वसाधारणका लागि खुला Super Khudi Hydropower Limited ले आगामी फागुन ४ गतेदेखि सर्वसाधारण लगानीकर्ताहरूका लागि प्रारम्भिक सार्वजनिक निष्कासन (आइपिओ) बिक्री गर्ने भएको छ। कम्पनीले यसअघि आयोजना प्रभावित क्षेत्रका स्थानीय बासिन्दा, वैदेशिक रोजगारीमा रहेका नेपाली तथा सामूहिक लगानी कोषका लागि छुट्याइएको सेयर निष्कासन गरी बाँडफाँट गरिसकेको छ। कम्पनीले आफ्नो जारी पुँजी १ अर्ब ५५ करोड रुपैयाँको २० प्रतिशत अर्थात ३१ करोड रुपैयाँ बराबरको ३१ लाख कित्ता सेयर आइपिओमार्फत निष्कासन गर्न Nepal Securities Board बाट अनुमति पाएको थियो। अनुमति प्राप्त सेयरमध्ये १५ लाख ५० हजार कित्ता आयोजना प्रभावित क्षेत्रका स्थानीय बासिन्दा, १ लाख ५५ हजार कित्ता वैदेशिक रोजगारीमा रहेका नेपाली तथा ७७ हजार ५०० कित्ता सामूहिक लगानी कोषका लागि बाँडफाँट भइसकेको छ।
NEPSE TRADING
·8 Feb, 2026
2 min read
नेप्सेको निर्देशनः लाभांशसम्बन्धी सूचना अब डिजिटल माध्यमबाट अनिवार्य नेपाल स्टक एक्सचेञ्ज (नेप्से) ले सूचीकृत सबै कम्पनी, सामूहिक लगानी कोष तथा सेयर रजिस्ट्रार कम्पनीलाई सेयरधनी र लगानीकर्तालाई लाभांशसम्बन्धी सूचना अनिवार्य रूपमा डिजिटल माध्यमबाट उपलब्ध गराउन निर्देशन दिएको छ। नेप्सेले शुक्रबार सबै सूचीकृत कम्पनी तथा सेयर रजिस्ट्रार कम्पनीहरूलाई परिपत्र जारी गर्दै सेयर, सामूहिक लगानी कोष तथा ऋणपत्रधनीलाई लाभांशसम्बन्धी सूचना इमेल र एसएमएसमार्फत उपलब्ध गराउनुपर्ने व्यवस्था लागू गरेको हो। नेप्सेका अनुसार अब कम्पनी तथा सामूहिक लगानी कोषहरूले इमेल र एसएमएसमार्फत स्टक सिम्बोल, लाभांश वितरण हुने आर्थिक वर्ष तथा लाभांशको दर र प्रतिशत स्पष्ट रूपमा उल्लेख गरी सूचना पठाउनुपर्नेछ। यसले लगानीकर्तालाई आफ्नो लगानीको प्रतिफलसम्बन्धी जानकारी समयमै उपलब्ध गराउने अपेक्षा गरिएको छ।
NEPSE TRADING
·8 Feb, 2026