NEPSEtrading

Make smarter moves backed by machine learning. Join thousands of traders leveraging AI to maximize profits.

nepsetrading.com is an online news portal that provides insights into trading and investment by analyzing the stock market and the global economy. We create charts based on the analysis of various indicators. Please do not rely solely on this information for investment decisions. Self-study is crucial. Use this information only as an educational and informational resource.

Marketminds Investment Group Private Limited

DOIB Registration certificate no.: 4680-2081/2082

Director & Editor-in-chief: Dipesh Ghimire · 9802363868, 9851119988

Koteshwor 32, Kathmandu
01-5253221 · +977 9709066745

Contact support

Subscribe to our newsletter

Weekly insights from the NEPSE market in your inbox.

Market

  • Stocks
  • Sectors

Company

  • About Us
  • Our Team
  • Terms of Use
  • Our Policy
  • Training
  • Contact Us

Help

  • Support
  • Report
  • FAQ

© 2026 nepsetrading.com. All rights reserved.
Owned and operated by Marketminds Investment Group Private Limited.

Charts powered by TradingView

  • Home
  • Latest
  • Trending
  • Stock
  • Education
  • International

    • Top News

    Stay informed and invest with latest NEPSE news and analysis.

    PreviousPage 86 / 195Next
    • मञ्जुश्री फाइनान्सले १५% नगद लाभांशको लागि Book Closure गर्ने घोषणा
      Investor

      1 min read

      मञ्जुश्री फाइनान्सले १५% नगद लाभांशको लागि Book Closure गर्ने घोषणा

      मञ्जुश्री फाइनान्सले १५% नगद लाभांशको लागि पुस्तक बन्द गर्ने घोषणा मञ्जुश्री फाइनान्स लिमिटेड (MFIL) ले १८औँ वार्षिक साधारण सभा आह्वान गरेको छ। कम्पनीले साधारण सभा आगामी असोज ३१ गते नयाँ बानेश्वर, थापागाउँस्थित थापागाउँ बैंक्वेटमा आयोजना गर्ने जनाएको छ। कम्पनीको सञ्चालक समितिको ३१०औँ बैठकले असोज ७ गते आ.व. २०८१/८२ को नाफाबाट १५% नगद लाभांश (कर सहित) वितरण गर्ने प्रस्ताव गरेको हो। हाल कायम रहेको रु. १ अर्ब ३५ करोड चुक्ता पुँजीमा सोही लाभांश वितरण गर्न लागिएको हो, जसअनुसार कर सहित रु. २० करोड २७ लाख बराबरको नगद लाभांश शेयरधनीलाई वितरण हुनेछ। साधारण सभामा लेखापरीक्षकको प्रतिवेदन पारित गर्ने, नाफा नोक्सान विवरण, वित्तीय विवरण र नगद प्रवाह विवरण अनुमोदन गर्ने, तथा आ.व. २०८२/८३ का लागि नयाँ लेखापरीक्षक नियुक्त गर्ने एजेन्डा पनि रहेका छन्। कम्पनीले असोज २२ गतेलाई पुस्तक बन्द मिति तोकेको छ। यसअघि नामसारी भएका शेयरधनीहरू लाभांश प्राप्त गर्न र साधारण सभामा सहभागी हुन योग्य हुनेछन्।

      NEPSE TRADING

      ·

      26 Sep, 2025

    • सुनचाँदीको मूल्य नयाँ उच्चमा
      Investor

      1 min read

      सुनचाँदीको मूल्य नयाँ उच्चमा

      सुनचाँदीको मूल्य नयाँ उच्चमा आज शुक्रबार सुनचाँदीको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार बिहीबार प्रतितोला २ लाख २१ हजार ३ सय रुपैयाँमा कारोबार भएको सुनको मूल्य आज १ हजार २ सय रुपैयाँले बढेर प्रतितोला २ लाख २२ हजार ५ सय रुपैयाँमा पुगेको छ। यसैगरी, चाँदीले पनि नयाँ रेकर्ड कायम गरेको छ। आज प्रतितोला चाँदीको मूल्य ५५ रुपैयाँले बढेर २ हजार ७४० रुपैयाँमा पुगेको महासंघले जनाएको छ। यो हालसम्मकै उच्च मूल्य भएको बताइएको छ। महासंघका अनुसार अन्तर्राष्ट्रिय बजारमा देखिएको उतारचढाव र मागमा आएको वृद्धि नै सुनचाँदीको मूल्य बढ्नुको प्रमुख कारण हो।

      NEPSE TRADING

      ·

      26 Sep, 2025

    • पुँजी बजार सुधार सम्बन्धी कार्यदलको प्रतिवेदन
      Investor

      2 min read

      पुँजी बजार सुधार सम्बन्धी कार्यदलको प्रतिवेदन

      पुँजी बजार सुधार सम्बन्धी कार्यदलको प्रतिवेदन अर्थमन्त्री रामेश्वर खनालले गठन गरेको चार सदस्यीय कार्यदलले पुँजी बजार सुधार सम्बन्धी प्रतिवेदन बुझाएको छ। कार्यदलको संयोजकमा नेपाल धितोपत्र बोर्ड (सेबोन) का कायममुकायम कार्यकारी निर्देशक रुपेश केसी रहेका छन्। अन्य सदस्यहरूमा नेपाल राष्ट्र बैंकका निर्देशक शरण अधिकारी, नेपाल स्टक एक्सचेन्ज (नेप्से) का कामु कार्यकारी निर्देशक निरन्जन फुयाँल तथा अर्थ मन्त्रालयका उपसचिव शरद निरौला रहेका छन्। निरौला सदस्य–सचिव तोकिएका थिए। यो कार्यदल जेनजी आन्दोलनपश्चात एक साताभन्दा बढी समय बन्द भएको र पुनः खुलेको बजार १६० अंकले घटेपछि तत्काल सुधारका लागि गठन गरिएको हो। पाँच दिनभित्र प्रतिवेदन बुझाउन कार्यादेश दिइएको कार्यदलले आज आफ्ना सुझावहरू अर्थमन्त्रीलाई बुझाएको हो।

      NEPSE TRADING

      ·

      26 Sep, 2025

    • एसवाई प्यानल नेपालको आईपीओमा आवेदन दिने अन्तिम दिन आज
      Top

      1 min read

      एसवाई प्यानल नेपालको आईपीओमा आवेदन दिने अन्तिम दिन आज

      साधारण शेयर (IPO) मा आवेदन दिने आज (असोज १०) अन्तिम दिन हो। कम्पनीले १ अर्ब ३० करोड ८९ लाख रुपैयाँ पूँजीको ४० प्रतिशत अर्थात ५२ लाख ३२ हजार कित्ता शेयर निष्काशन गर्न लागेको हो। यसमध्ये १० प्रतिशत अर्थात करिब ५ लाख कित्ता शेयर विशेष गरी विदेशमा रहेका नेपालीका लागि छुट्याइएको छ। लगानीकर्ताले न्यूनतम १० कित्ता र अधिकतम ५० हजार कित्तासम्म आवेदन दिन सक्नेछन्। प्रभु क्यापिटल लिमिटेड बिक्री प्रबन्धक रहेको छ।

      NEPSE TRADING

      ·

      26 Sep, 2025

    • धितोपत्र बोर्ड कर्मचारी संघद्वारा अर्थ मन्त्रालयको हस्तक्षेप विरुद्ध आपत्ति, निर्देशन तत्काल फिर्ता लिन माग
      Investor

      2 min read

      धितोपत्र बोर्ड कर्मचारी संघद्वारा अर्थ मन्त्रालयको हस्तक्षेप विरुद्ध आपत्ति, निर्देशन तत्काल फिर्ता लिन माग

      धितोपत्र बोर्ड कर्मचारी संघद्वारा अर्थ मन्त्रालयको हस्तक्षेप विरुद्ध आपत्ति, निर्देशन तत्काल फिर्ता लिन माग काठमाडौं । जेन जेड आन्दोलन (भदौ २३–२४) का उपलब्धिहरूलाई स्मरण गर्दै र देशव्यापी भ्रष्टाचारविरोधी अभियानलाई समर्थन जनाउँदै, नेपाल धितोपत्र बोर्ड (SEBON) का कर्मचारी संघहरूले शहीदहरूलाई श्रद्धाञ्जली अर्पण गर्दै घाइतेको शीघ्र स्वास्थ्यलाभको कामना गरेका छन्। संघहरूले वित्तमन्त्रीको नेतृत्वमा पूँजी बजार टास्कफोर्स गठन भएको अवस्थालाई स्वागत गर्दै पूँजी बजारको विकासका लागि आफ्नो प्रतिबद्धता दोहोर्‍याएका छन्। तर, स्वायत्त नियामकका रूपमा काम गर्ने SEBON पछिल्ला दिनमा अर्थ मन्त्रालयको अति हस्तक्षेपका कारण समस्यामा परेको कर्मचारी संघको आरोप छ। भदौ ३१ गते राजस्व सचिवमार्फत् आएको निर्देशनअनुसार बोर्डले स्थापना कालदेखि प्राप्त गर्दै आएको कर्मचारी सुविधा खारेज गर्ने र भुक्तानी भइसकेका रकम समेत फिर्ता गर्नुपर्ने आदेशले संघहरूलाई आक्रोशित बनाएको छ।

      NEPSE TRADING

      ·

      25 Sep, 2025

    • १२ निर्माण कम्पनी र आपूर्तिकर्ता कालोसूचीमा
      Investor

      <1 min read

      १२ निर्माण कम्पनी र आपूर्तिकर्ता कालोसूचीमा

      १२ निर्माण कम्पनी र आपूर्तिकर्ता कालोसूचीमा सरकारले १२ वटा निर्माण कम्पनी तथा आपूर्तिकर्तालाई कालोसूचीमा राखेको छ । सार्वजनिक खरिद अनुगमन कार्यालयले असोज ८ गतेको निर्णय अनुसार जारी गरेको सूचनामार्फत यी कम्पनीहरूलाई कालोसूचीमा राखिएको हो। कार्यालयले जनाएको अनुसार, कालोसूचीमा परेका कम्पनीहरूले अबदेखि सार्वजनिक निकायका कुनै पनि खरिद प्रक्रिया वा ठेक्कामा सहभागी हुन नपाउने व्यवस्था गरिएको छ।

      NEPSE TRADING

      ·

      25 Sep, 2025

    • इष्टर्न हाइड्रोपावरको ५५ लाख बढी सेयर लकइन अवधि खुल्दै
      Investor

      1 min read

      इष्टर्न हाइड्रोपावरको ५५ लाख बढी सेयर लकइन अवधि खुल्दै

      इष्टर्न हाइड्रोपावरको ५५ लाख बढी सेयर लकइन अवधि खुल्दै इष्टर्न हाइड्रोपावर लिमिटेडको ठूलो परिमाणमा रहेको सेयरको लकइन अवधि अब समाप्त हुन लागेको छ । २०८२ साल कार्तिक १६ गतेदेखि कम्पनीका संस्थापक, आयोजना प्रभावित स्थानीय तथा कर्मचारीसँग रहेका कुल ५५ लाख ४१ हजार २९५ कित्ता सेयर बजारमा बिक्री गर्न मिल्नेछ। कम्पनीका संस्थापकले धारण गरेका ४९ लाख ६० हजार कित्ता, आयोजना प्रभावित स्थानीयको नाममा रहेको ५ लाख ६९ हजार ६९५ कित्ता, र कर्मचारीसँग रहेको ११ हजार ६०० कित्ता सेयर यसअघि तीन वर्षका लागि लकइनमा राखिएका थिए। नेपालको सेयर बजार नियमअनुसार सार्वजनिक निष्काशनमार्फत बाँडफाँड भएको सेयरको ३ वर्षसम्म संस्थापक र कर्मचारीले सेयर बिक्री गर्न नपाउने व्यवस्था छ। तर, लकइन अवधि सकिएपछि उनीहरूले आफ्ना सेयर बिक्री गर्न पाउनेछन्। यद्यपि, कम्पनीका सञ्चालकले भने आफ्ना सेयर तत्काल बिक्री गर्न पाउने छैनन्।

      NEPSE TRADING

      ·

      25 Sep, 2025

    • दशैंअघि बैंकमा निक्षेप उकालो, लगानीयोग्य रकम १० खर्ब नाघ्यो
      Investor

      2 min read

      दशैंअघि बैंकमा निक्षेप उकालो, लगानीयोग्य रकम १० खर्ब नाघ्यो

      दशैंअघि बैंकमा निक्षेप उकालो, लगानीयोग्य रकम १० खर्ब नाघ्यो काठमाडौं । दशैं–तिहार नजिकिँदै गर्दा बैंक तथा वित्तीय संस्थाहरुमा निक्षेप तीव्रगतिमा बढ्दै हालसम्मकै उच्च स्तरमा पुगेको छ। नेपाल राष्ट्र बैंकका अनुसार असोज ५ गतेसम्म कुल निक्षेप ७३ खर्ब ७१ अर्ब नाघेको छ। वाणिज्य बैंकहरुको निक्षेप ६६ खर्ब २१ अर्ब तथा अन्य वित्तीय संस्थाहरुको निक्षेप ७ खर्ब ५१ अर्ब पुगेको छ। यस अवधिमा बैंकिङ प्रणालीमार्फत कुल ५६ खर्ब २९ अर्ब कर्जा प्रवाह भएको छ। वाणिज्य बैंकहरुले ५० खर्ब ६ अर्ब तथा अन्य वित्तीय संस्थाले ६ खर्ब २४ अर्ब कर्जा वितरण गरेका छन्। तर निक्षेप वृद्धिसँगै कर्जा लगानी सुस्त हुँदा सीडी रेसियो ७५.४२ प्रतिशतमा झरेको छ। यसरी करिब १० खर्ब ४ अर्ब रुपैयाँ लगानीयोग्य रकम बैंकिङ प्रणालीमा थुप्रिएको देखिन्छ।

      NEPSE TRADING

      ·

      25 Sep, 2025

    • शेयर बजार फेरि दबाबमा
      Investor

      1 min read

      शेयर बजार फेरि दबाबमा

      शेयर बजार फेरि दबाबमा काठमाडौं । जेनजी आन्दोलनपछि केही दिन आंशिक सुधार देखिएको शेयर बजार बुधबार पुनः दबाबमा परेको छ। मंगलबारसम्म १७० अंकको सुधार गर्दै लगानीकर्तामा आशा जगाएको नेप्से परिसूचक बुधबार भने २७.८९ अंकले घटेर २६५४.३५ बिन्दुमा झ¥यो। यस दिन कारोबार रकम पनि घट्यो। मंगलबार ५ अर्ब रुपैयाँभन्दा बढीको कारोबार भएको बजारमा बुधबार ४ अर्ब १२ करोड रुपैयाँबराबरको मात्र किनबेच भयो। विश्लेषकहरूका अनुसार नाफा सुरक्षित गर्ने प्रवृत्ति र दशैं खर्च व्यवस्थापनका कारण बजारमा बिक्रीको चाप बढेको हो।

      NEPSE TRADING

      ·

      24 Sep, 2025

    • ओईसिडीको प्रतिवेदन : विश्व आर्थिक वृद्धिदर क्रमशः घट्दै
      Investor

      1 min read

      ओईसिडीको प्रतिवेदन : विश्व आर्थिक वृद्धिदर क्रमशः घट्दै

      ओईसिडीको प्रतिवेदन : विश्व आर्थिक वृद्धिदर क्रमशः घट्दै काठमाडौं । आर्थिक सहयोग तथा विकास संगठन (ओईसिडी) ले सार्वजनिक गरेको पछिल्लो प्रतिवेदनले विश्व अर्थतन्त्रको वृद्धिदर क्रमशः घट्दै जाने प्रक्षेपण गरेको छ। प्रतिवेदनअनुसार सन् २०२४ मा ३.३ प्रतिशत रहेको आर्थिक वृद्धिदर सन् २०२५ मा ३.२ प्रतिशतमा झर्नेछ भने सन् २०२६ मा झनै घटेर २.९ प्रतिशतमा सीमित हुने अनुमान गरिएको छ। ओईसिडीका अनुसार वृद्धिदरमा आएको यस गिरावटका मुख्य कारणहरूमा अग्रिम व्यापार आपूर्ति प्रणालीको अन्त्य, भन्सार दरमा वृद्धि र नीतिगत अनिश्चितता रहेका छन्, जसले लगानी र अन्तर्राष्ट्रिय व्यापारलाई कमजोर बनाएको छ। यद्यपि दीर्घकालीन अनुमान कमजोर देखिए पनि सन् २०२५ को पहिलो छ महिनामा केही उदाउँदो अर्थतन्त्रहरूले अपेक्षाभन्दा राम्रो प्रदर्शन गरेका छन्। भन्सार बढ्नुअघि व्यापारीहरूले आपूर्ति तीव्र पारेका कारण उत्पादन र व्यापारमा अस्थायी वृद्धि देखिएको हो।

      NEPSE TRADING

      ·

      24 Sep, 2025

    • झापा इनर्जी लिमिटेडको आईपीओ बाँडफाँट सम्पन्न
      Investor

      1 min read

      झापा इनर्जी लिमिटेडको आईपीओ बाँडफाँट सम्पन्न

      झापा इनर्जी लिमिटेडको आईपीओ बाँडफाँट सम्पन्न काठमाडौं । झापा इनर्जी लिमिटेडले भदौ २० गतेदेखि ३० गतेसम्म सर्वसाधारणमा निष्काशन गरेको आईपीओ आज बाँडफाँट भएको छ। बिक्री प्रबन्धक हिमालयन क्यापिटल लिमिटेडका अनुसार आईपीओमा आवेदक मध्ये ४७ हजार ३ सय २७ जनाले १०–१० कित्ता र ६ जनाले ११–११ कित्ता शेयर प्राप्त गरेका छन्। बाँडफाँटको नतिजा हिमालयन क्यापिटल, मेरोसेयर एकाउन्ट, सीडीएस एण्ड क्लियरिङको वेबसाइट (https://iporesult.cdsc.com.np/) र कम्पनीको आधिकारिक वेबसाइट बाट हेर्न सकिनेछ। कम्पनीले प्रतिकित्ता १०० रुपैयाँ दरमा ९ लाख ५० हजार ४७५ कित्ता आईपीओ निष्काशन गर्न गत असार ३१ गते नेपाल धितोपत्र बोर्डबाट अनुमति पाएको थियो। यसअघि जारी पूँजीको १० प्रतिशत अर्थात् ३ लाख ८० हजार १९० कित्ता आयोजना प्रभावित क्षेत्रका स्थानीय बासिन्दा र १५ प्रतिशत अर्थात् ५७ हजार २९ कित्ता वैदेशिक रोजगारीमा गएका नेपालीलाई बिक्री गरी बाँडफाँट सम्पन्न भइसकेको छ।

      NEPSE TRADING

      ·

      24 Sep, 2025

    • नेप्सेमा कामना सेवा विकास बैंक र यूनिभर्सल पावरको सेयर मूल्य समायोजन
      Investor

      1 min read

      नेप्सेमा कामना सेवा विकास बैंक र यूनिभर्सल पावरको सेयर मूल्य समायोजन

      नेप्सेमा कामना सेवा विकास बैंक र यूनिभर्सल पावरको सेयर मूल्य समायोजन काठमाडौं । नेपाल स्टक एक्सचेञ्ज (नेप्से) मा दुई कम्पनीको सेयर मूल्य समायोजन गरिएको छ। नेप्सेले कामना सेवा विकास बैंक र युनिभर्सल पावर कम्पनीको सेयर मूल्य लाभांश वितरण र साधारण सभा प्रयोजनार्थ बुकक्लोज भएपछि समायोजन गरेको हो। नेप्सेका अनुसार, कामना सेवा विकास बैंकले १० प्रतिशत बोनस सेयर र युनिभर्सल पावर कम्पनीले ९ प्रतिशत बोनस सेयर घोषणा गरेपछि सेयर मूल्य समायोजन गरिएको हो। समायोजनपश्चात कामना सेवा विकास बैंकको सेयर मूल्य रु ४७७.७३ कायम भएको छ भने युनिभर्सल पावर कम्पनीको सेयर मूल्य रु ३८०.२८ कायम भएको छ। अघिल्लो कारोबार दिन अर्थात मंगलबार, दोस्रो बजारमा कामना सेवा विकास बैंकको सेयर प्रतिकित्ता रु ५२५.५० र युनिभर्सल पावरको सेयर रु ४१४.५० मा अन्तिम कारोबार भएको थियो। सोही मूल्यलाई आधार मानेर नेप्सेले समायोजन गरेको हो। यसरी समायोजित मूल्यलाई आधार बनाएर आजदेखि दोस्रो बजारमा यी कम्पनीहरूको कारोबार सुरु हुनेछ।

      NEPSE TRADING

      ·

      24 Sep, 2025

    • सांसद र राजनीतिक पदाधिकारीको स्वकीय सचिव सुविधा खारेज
      Investor

      1 min read

      सांसद र राजनीतिक पदाधिकारीको स्वकीय सचिव सुविधा खारेज

      सांसद र राजनीतिक पदाधिकारीको स्वकीय सचिव सुविधा खारेज काठमाडौं । सरकारले सांसद र राजनीतिक पदाधिकारीलाई दिइँदै आएको स्वकीय सचिवको सुविधा खारेज गर्ने निर्णय गरेको छ। अर्थ मन्त्रालयका अनुसार मन्त्रीस्तरीय निर्णयमार्फत यस्तो सुविधा हटाइने भएको हो। यस निर्णय अनुसार अबदेखि सांसदसहित अन्य राजनीतिक पदाधिकारीले स्वकीय सचिव राख्न पाउने छैनन्। तर, राष्ट्रपति, उपराष्ट्रपति, प्रधानमन्त्री, प्रतिनिधिसभाका सभामुख, राष्ट्रिय सभाका अध्यक्ष, प्रदेश प्रमुख तथा संघ–प्रदेश सरकारका मन्त्रीहरू भने स्वकीय सचिव राख्न सक्नेछन्। त्यस्तै, राष्ट्रपति, उपराष्ट्रपति, प्रधानमन्त्री, सभामुख र राष्ट्रिय सभाका अध्यक्ष बाहेक नेपाल सरकार, प्रदेश तथा स्थानीय तहका पदाधिकारीका लागि सल्लाहकार नियुक्ति गर्न पनि रोक लगाइने भएको छ।

      NEPSE TRADING

      ·

      24 Sep, 2025

    • शिव श्री हाइड्रोपावरले हकप्रद सेयर आवेदन अवधि असोज २३ गतेसम्म थप
      Top

      1 min read

      शिव श्री हाइड्रोपावरले हकप्रद सेयर आवेदन अवधि असोज २३ गतेसम्म थप

      शिव श्री हाइड्रोपावर कम्पनी लिमिटेड (SSHL) ले आफ्नो शतप्रतिशत हकप्रद सेयरमा आवेदन दिने अवधि असोज २३ गतेसम्म थप गरेको छ। कम्पनीले १:१ अनुपातमा १ करोड ४७ लाख ६४ हजार कित्ता हकप्रद सेयर प्रतिशेयर रू. १०० दरमा जारी गर्दैछ, जसले कम्पनीको चुक्ता पूँजी २ अर्ब ९५ करोड रुपैयाँ पुग्नेछ। संकलित रकम बैंक ऋण भुक्तानीमा प्रयोग गरिनेछ।

      NEPSE TRADING

      ·

      24 Sep, 2025

    • मञ्जुश्री फाइनान्सले १५% नगद लाभांश घोषणा
      Investor

      1 min read

      मञ्जुश्री फाइनान्सले १५% नगद लाभांश घोषणा

      मञ्जुश्री फाइनान्सले १५% नगद लाभांश घोषणा काठमाडौं । मञ्जुश्री फाइनान्स लिमिटेडले आफ्ना सेयरधनीहरूलाई गत आर्थिक वर्ष २०८१/८२ को नाफाबाट लाभांश वितरण गर्ने घोषणा गरेको छ। कम्पनीले हाल कायम चुक्ता पूँजीको १५ प्रतिशत नगद लाभांश दिने निर्णय गरेको हो। कम्पनीको असोज ७ गते मंगलबार बसेको सञ्चालक समितिको बैठकले आर्थिक वर्ष २०८१/८२ को संचित नाफा तथा वित्तीय विवरणको आधारमा नगद लाभांश वितरण गर्ने प्रस्ताव पारित गरेको हो। कम्पनीले प्रष्ट पारे अनुसार प्रस्तावित लाभांश नेपाल राष्ट्र बैंकबाट आवश्यक स्वीकृति लिएपछि मात्र कार्यान्वयन हुनेछ। त्यसपछि कम्पनीको आगामी वार्षिक साधारण सभाले पारित गरेपछि नगद लाभांश सेयरधनीहरूलाई वितरण गरिनेछ।

      NEPSE TRADING

      ·

      24 Sep, 2025

    • नेपाललाई जर्मनीदेखि रुससम्म व्यापारमा नाफा, नाफा हुने देश कुन कुन हुन ?
      Top

      1 min read

      नेपाललाई जर्मनीदेखि रुससम्म व्यापारमा नाफा, नाफा हुने देश कुन कुन हुन ?

      नेपालले केही मुलुकसँग नाफा कमायो, तर समग्र घाटा यथावत काठमाडौं । चालु आर्थिक वर्ष २०८२/८३ को पहिलो दुई महिनामा नेपालले धेरैजसो मुलुकसँग व्यापार घाटा खेप्दा पनि केही मुलुकसँग भने नाफा (Trade Surplus) कमाएको छ। भन्सार विभागका तथ्याङ्कअनुसार, १२६ देशहरूमध्ये करिब डेढ दर्जन मुलुकसँग नेपालको व्यापार नाफामा देखिएको छ। नेपालले सबैभन्दा ठूलो नाफा जर्मनीसँग कमाएको छ। यस अवधिमा जर्मनीसँगको आयात ७ अर्ब १६ करोड रुपैयाँमा सीमित रहँदा निर्यात भने ८ अर्ब ७२ करोड रुपैयाँ पुगेको छ। यसरी जर्मनीसँग मात्रै १ अर्ब ५६ करोड रुपैयाँभन्दा बढी नाफा भएको छ। जर्मनीतर्फ नेपाली कर्पेट, गार्मेन्ट्स, हस्तकलाका सामान र चिया–कफी जस्ता वस्तु प्रमुख निर्यात बनेका छन्।

      NEPSE TRADING

      ·

      23 Sep, 2025

    • भारतसँग मात्र १ खर्ब ३५ अर्ब घाटा : आयातमा निर्भरता झन् बढ्यो
      Investor

      1 min read

      भारतसँग मात्र १ खर्ब ३५ अर्ब घाटा : आयातमा निर्भरता झन् बढ्यो

      भारतसँग मात्र १ खर्ब ३५ अर्ब घाटा : आयातमा निर्भरता झन् बढ्यो काठमाडौं । चालु आर्थिक वर्ष २०८२/८३ को पहिलो दुई महिनामा नेपालले भारतसँगको व्यापारमा मात्रै १ खर्ब ३५ अर्ब रुपैयाँभन्दा बढी घाटा व्यहोरेको छ। भन्सार विभागका अनुसार यस अवधिमा भारतबाट १ खर्ब ७३ अर्ब ५४ करोड रुपैयाँको सामान आयात गरिएको छ भने निर्यात भने ३८ अर्ब ३५ करोड रुपैयाँमा सीमित रह्यो। भारतसँगको व्यापारिक सम्बन्ध परम्परागत रूपमा घनिष्ठ भए पनि नेपाल लगातार आयात–निर्भर बन्दै गएको तथ्याङ्कले देखाउँछ। पेट्रोलियम पदार्थ, गाडी, खाद्यान्न, औषधि, लत्ता कपडा लगायतका वस्तुमा भारत मुख्य आपूर्तिकर्ता बनेको छ। यता, नेपालले भारततर्फ प्रमुख रूपमा सोयाबिन तेल, चिया, अदुवा, मसला र कर्पेट निर्यात गरेको छ। तर निर्यात वृद्धिको गति आयात वृद्धिको तुलनामा न्यून रहँदा कुल घाटा अझै बढेको छ। विशेषज्ञहरूको भनाइमा, भारतसँगको व्यापार घाटा घटाउन नेपालले आयात प्रतिस्थापन गर्ने उत्पादनमा लगानी, निर्यात विविधीकरण र गुणस्तरीय उत्पादनमार्फत भारतीय बजारमा प्रवेश बढाउनुपर्ने आवश्यकता छ। नत्र, भारतसँगको निर्भरता अझ बढ्दै जाने र विदेशी मुद्रा सञ्चितिमा थप दबाब पर्न सक्ने चेतावनी उनीहरूले दिएका छन्।

      NEPSE TRADING

      ·

      23 Sep, 2025

    • गार्मेन्ट्स र कर्पेट अझै निर्यातको आधार, तर प्रतिस्पर्धा कडा
      Investor

      1 min read

      गार्मेन्ट्स र कर्पेट अझै निर्यातको आधार, तर प्रतिस्पर्धा कडा

      गार्मेन्ट्स र कर्पेट अझै निर्यातको आधार, तर प्रतिस्पर्धा कडा काठमाडौं । चालु आर्थिक वर्ष २०८२/८३ को पहिलो दुई महिनामा नेपालले गरेको कुल निर्यातमा परम्परागत वस्तु गार्मेन्ट्स र कर्पेट अझै पनि प्रमुख आधार बनेका छन्। भन्सार विभागका तथ्याङ्कअनुसार नन–निटेड गार्मेन्ट्स १४ अर्ब ९५ करोड रुपैयाँ, निटेड गार्मेन्ट्स ९ अर्ब १८ करोड रुपैयाँ, र मानव निर्मित फाइबर २० अर्ब रुपैयाँभन्दा बढी निर्यात भएको छ। त्यस्तै, हस्तनिर्मित कर्पेटको निर्यात १७ अर्ब ३३ करोड रुपैयाँ पुगेको छ। यी परम्परागत वस्तुहरूले अझै पनि ठूलो परिमाणमा विदेशी मुद्रा आर्जन गरिरहेका छन्। विशेष गरी युरोपेली मुलुकतर्फ कर्पेटको माग स्थिर रहेको छ भने गार्मेन्ट्स र कपडा दक्षिण एशिया र पश्चिमी मुलुकतर्फ निर्यात भइरहेको छ। तर, अन्तर्राष्ट्रिय बजारमा प्रतिस्पर्धा झन् कडा हुँदै गएको छ। बंगलादेश, भियतनाम र क्याम्बोडिया जस्ता मुलुकहरूले सस्तो मूल्यमा ठूलो मात्रामा कपडा उत्पादन गर्ने भएकाले नेपालका गार्मेन्ट्स उद्योग दबाबमा परेका छन्। उत्पादन लागत उच्च हुनु, प्रविधिगत आधुनिकीकरण नहुनु र आपूर्ति शृंखला कमजोर हुनु नेपालका गार्मेन्ट्स उद्योगका चुनौती मानिएका छन्।

      NEPSE TRADING

      ·

      23 Sep, 2025

    • ८.५९ प्रतिशतले बढ्यो व्यापार घाटा : आत्मनिर्भरता कसरी सम्भव?
      Investor

      1 min read

      ८.५९ प्रतिशतले बढ्यो व्यापार घाटा : आत्मनिर्भरता कसरी सम्भव?

      ८.५९ प्रतिशतले बढ्यो व्यापार घाटा : आत्मनिर्भरता कसरी सम्भव? काठमाडौं । चालु आर्थिक वर्ष २०८२/८३ को पहिलो दुई महिनामा नेपालको व्यापार घाटा ८.५९ प्रतिशतले बढेको छ। भन्सार विभागका अनुसार यस अवधिमा नेपालले ३ खर्ब ५ अर्ब रुपैयाँ बराबरको आयात गरेको छ भने निर्यात ४७ अर्ब ३१ करोड रुपैयाँमा सीमित भएको छ। यसरी कुल वैदेशिक व्यापार विस्तार भए पनि आयातको तुलनामा निर्यात न्यून भएकाले व्यापार घाटा अझै चुलिएको हो। गत वर्षको सोही अवधिमा पनि नेपालले ठूलो परिमाणमा आयात गरेको थियो तर यो वर्ष आयातमा १६ प्रतिशतभन्दा बढी वृद्धिसँगै घाटा अझ गहिरिएको विभागले जनाएको छ। निर्यातमा ८८ प्रतिशतको उल्लेख्य वृद्धि देखिए पनि त्यो मुख्यतया भटमासको तेल निर्यातका कारण भएको हो। यसरी एउटै वस्तुमा अत्यधिक निर्भरता कायम रहँदा निर्यात वृद्धिले व्यापार घाटा कम गर्ने क्षमता देखाउन सकेको छैन।

      NEPSE TRADING

      ·

      23 Sep, 2025

    • पेट्रोलियम आयातमा मात्रै ४५ अर्ब खर्च, वैकल्पिक ऊर्जा अपरिहार्य
      Investor

      1 min read

      पेट्रोलियम आयातमा मात्रै ४५ अर्ब खर्च, वैकल्पिक ऊर्जा अपरिहार्य

      पेट्रोलियम आयातमा मात्रै ४५ अर्ब खर्च, वैकल्पिक ऊर्जा अपरिहार्य काठमाडौं । चालु आर्थिक वर्ष २०८२/८३ को पहिलो दुई महिनामा मात्रै नेपालले ४५ अर्ब ३९ करोड रुपैयाँभन्दा बढी पेट्रोलियम पदार्थ आयात गरेको छ। भन्सार विभागका अनुसार पेट्रोलियम पदार्थ नै सबैभन्दा ठूलो आयात वस्तु बनेको छ, जसले कुल आयात रकममा ठूलो हिस्सा ओगटेको छ। नेपालको कुल आयात रकम ३ खर्ब ५ अर्ब रुपैयाँभन्दा बढी पुगेको अवस्थामा पेट्रोलियम पदार्थले मात्र झण्डै १५ प्रतिशत हिस्सा लिएको छ। पेट्रोलियममा यति ठूलो खर्चले विदेशी मुद्रा सञ्चिति र भुक्तानी सन्तुलनमा प्रत्यक्ष दबाब परेको विज्ञहरूको भनाइ छ। विकासशील मुलुक नेपालका लागि इन्धन आयातमा निर्भरता दीर्घकालीन रूपमा गम्भीर चुनौती मानिएको छ। अन्तर्राष्ट्रिय बजारमा पेट्रोलियमको मूल्य उतारचढावले अर्थतन्त्रलाई अस्थिर बनाइरहेको सन्दर्भमा, वैकल्पिक ऊर्जा स्रोततर्फ ध्यान दिन अपरिहार्य देखिएको छ।

      NEPSE TRADING

      ·

      23 Sep, 2025