Top News
Stay informed and invest with latest NEPSE news and analysis.
2 min read
भारी वर्षाबाट ३२ जलविद्युत आयोजना प्रभावित — इलाममा सबैभन्दा बढी क्षति असोज १७ देखि १९ गतेसम्मको अविरल वर्षाले देशभरका जलविद्युत आयोजना प्रभावित पारेका छन्। ऊर्जा उत्पादकहरूको संस्था इप्पान (IPPAN) का अनुसार, हालसम्म संकलित प्रारम्भिक विवरणअनुसार १० जिल्लामा ३२ वटा जलविद्युत आयोजना क्षतिग्रस्त भएका छन्।
NEPSE TRADING
·7 Oct, 2025
1 min read
सरकारी बिदा फिर्ता भए पनि सेयर बजार आज नखुल्ने काठमाडौं । सोमबारका लागि गृह मन्त्रालयले सार्वजनिक बिदा फिर्ता लिए पनि आज नेपाल स्टक एक्सचेञ्ज (नेप्से) मा सेयर कारोबार नहुने भएको छ। नेप्सेका प्रवक्ता मुराहरि पराजुलीका अनुसार, बिदा घोषणा भएपछि अधिकांश कर्मचारी कार्यालय बाहिर भएकाले बजार सञ्चालन गर्न सम्भव नभएको हो। “बिदा भन्ने भएपछि सबै कर्मचारी बाहिर छन्। कार्यालय खुले पनि आज बजार खुला हुन सकेन,” उनले बताए। दसैँ बिदाका कारण नेप्से परिसूचक गत सोमबारदेखि बन्द रहेको थियो। बिदा सकिएसँगै आइतबारदेखि बजार खुल्ने भनिए पनि अविरल वर्षा र यातायात अवरुद्धका कारण सरकारले आइतबार र सोमबारका लागि सार्वजनिक बिदा दिएको थियो।
NEPSE TRADING
·6 Oct, 2025
1 min read
बिटक्वाइनको मूल्य कीर्तिमानी उचाइमा — अमेरिकी नीतिले बजारमा सकारात्मक असर काठमाडौं । विश्वकै सबैभन्दा ठूलो क्रिप्टोकरेन्सी बिटक्वाइनले नयाँ कीर्तिमान कायम गरेको छ। आइतबार अमेरिकी बजारमा यसको मूल्य झण्डै २.७ प्रतिशतले बढ्दै १ लाख २५ हजार २४५.५७ अमेरिकी डलर पुगेको छ, जुन हालसम्मकै उच्चतम स्तर हो। बिटक्वाइनको मूल्यवृद्धिमा अमेरिकी राष्ट्रपति डोनाल्ड ट्रम्प प्रशासनको क्रिप्टो–मैत्री नीति र संस्थागत लगानीकर्ताहरूको उच्च माग मुख्य कारणका रूपमा देखिएको छ। अगस्ट महिनाको मध्यतिर पनि बिटक्वाइन १ लाख २४ हजार ४८० डलरसम्म पुगेको थियो, जसपछि बजारमा पुनः उत्साह देखिएको हो।
NEPSE TRADING
·6 Oct, 2025
1 min read
३० दिनभित्र कर कार्यालयलाई क्षतिको जानकारी दिनुपर्ने — जेनजी आन्दोलनका पीडित उद्योगीलाई सरकारको सूचना २४ भदौमा जेनजी आन्दोलनका क्रममा आगजनी, तोडफोड तथा लुटपाटबाट क्षति बेहोरेका उद्योगी–व्यवसायीलाई ३० दिनभित्र कर कार्यालयमा क्षतिको विवरण दिन सरकारको निर्देशन आएको छ। मूल्य अभिवृद्धि कर (भ्याट) नियमावलीको नियम ३९क अनुसार आगजनी, चोरी, दुर्घटना वा ध्वंसात्मक गतिविधिका कारण सम्पत्तिमा हानि नोक्सानी भएमा करदाताले त्यस वस्तुमा तिरेको कर कट्टी गर्न पाउने व्यवस्था छ। तर, सो प्रयोजनका लागि घटना भएको ३० दिनभित्र सम्बन्धित कर अधिकृत समक्ष निवेदन दिनुपर्ने कानुनी प्रावधान छ।
NEPSE TRADING
·5 Oct, 2025
1 min read
सिटी होटलको ८०% हकप्रद शेयर आवेदन अवधि असोज २६ सम्म थप सिटी होटल लिमिटेड (CITY) ले भदौ २३ गतेदेखि बिक्रीमा राखेको ८०% हकप्रद शेयरमा आवेदन दिने अवधि थप गरेको छ। प्रारम्भिक रूपमा असोज १२ गते बन्द हुने समय तोकिए पनि, नयाँ सूचना अनुसार अब आवेदन अवधि असोज २६ गतेसम्म कायम हुनेछ। कम्पनीले हाल कायम चुक्ता पुँजी १ अर्ब ६७ करोड रुपैयाँमा आधारित रही १:०.८० अनुपातमा १ करोड ३१ लाख ९२ हजार कित्ता हकप्रद शेयर निष्काशन गर्दैछ। यसमार्फत १ अर्ब ६७ करोड रुपैयाँ बराबरको हकप्रद शेयर निष्काशन हुनेछ। हकप्रद बाँडफाँटपछि कम्पनीको चुक्ता पुँजी बढेर ३ अर्ब १ करोड रुपैयाँ पुग्नेछ। सिडिएससीको विवरण अनुसार हालसम्म ४६ हजार ७५४ आवेदकले १० लाख १९७ कित्ता (१० करोड रुपैयाँ बराबर) हकप्रद शेयरका लागि आवेदन दिएका छन्। यस हकप्रद निष्काशनको इश्यू म्यानेजर प्रभु क्यापिटल लिमिटेड रहेको छ। कम्पनीले यसअघि साउन २७ गते बुकक्लोज गरेको थियो। त्यस अनुसार सो मितिभन्दा अघि शेयरधनी रहेका लगानीकर्ताले मात्र आवेदन दिन सक्नेछन्।
NEPSE TRADING
·28 Sep, 2025
1 min read
मुक्तिनाथ विकास बैंकले १८.२०% लाभांशका लागि बुकक्लोज मिति तोक्यो मुक्तिनाथ विकास बैंक लिमिटेड (MNBBL) ले आगामी कार्तिक १५ गते १९औं वार्षिक साधारण सभा (AGM) गर्ने भएको छ। साधारण सभाले आर्थिक वर्ष २०८१/८२ का लागि प्रस्ताव गरिएको १८.२० प्रतिशत लाभांश अनुमोदन गर्नेछ। बैंकको ३५८औं सञ्चालक समिति बैठक भदौ ३१ गते बसेर हाल कायम चुक्ता पुँजी ७ अर्ब ४ करोड रुपैयाँबाट १३.५३ प्रतिशत बोनस शेयर र ४.६७ प्रतिशत नगद लाभांश (करसहित) वितरण गर्ने प्रस्ताव गरेको हो। साधारण सभामा अडिटरको प्रतिवेदनसहित नाफा–नोक्सान हिसाब, वित्तीय विवरण तथा नगद प्रवाह विवरण पारित गर्ने र आर्थिक वर्ष २०८२/८३ का लागि अडिटर नियुक्त गर्ने एजेन्डा पनि रहेको छ। बैंकले लाभांश र साधारण सभा प्रयोजनका लागि असोज ३१ गते बुकक्लोज गर्ने निर्णय गरेको छ। सो मितिभन्दा अघि नेप्सेमा कारोबार भई कायम रहेका शेयरधनीहरूले मात्र प्रस्तावित लाभांश पाउने र सभामा सहभागी हुन सक्नेछन्।
NEPSE TRADING
·28 Sep, 2025
1 min read
सगर डिष्टिलरीको आईपीओ बाँडफाँट सम्पन्न, भाग्यमानी १ लाख १९ हजार ६४ जनाले पाए १०/१० कित्ता सगर डिष्टिलरी लिमिटेडको आईपीओ बाँडफाँट आज इश्यू म्यानेजर मुक्तिनाथ क्यापिटल लिमिटेड, नक्साल, काठमाडौंमा सम्पन्न भएको छ। कम्पनीले भदौ ३० देखि असोज ५ गतेसम्म सर्वसाधारणका लागि ११ लाख ९० हजार ६४० कित्ता शेयर सार्वजनिक निष्काशन गरेको थियो। कम्पनीको चुक्ता पुँजी ७२ करोड ६० लाख रुपैयाँ रहेको छ, जसको २० प्रतिशत अर्थात १४ लाख ५२ हजार कित्ता (१४ करोड ५२ लाख रुपैयाँ बराबर) सर्वसाधारणका लागि निष्काशन गरिएको हो। यस मध्ये १० प्रतिशत अर्थात १ लाख ४५ हजार २०० कित्ता विदेशमा रहेका नेपालीका लागि, ३ प्रतिशत अर्थात ४३ हजार ५६० कित्ता कम्पनीका कर्मचारीका लागि, र ५ प्रतिशत अर्थात ७२ हजार ६०० कित्ता म्युचुअल फन्डका लागि छुट्याइएको थियो। बाँकी ११ लाख ९० हजार ६४० कित्ता शेयर सर्वसाधारणका लागि निष्काशन गरिएको थियो।
NEPSE TRADING
·28 Sep, 2025
<1 min read
आरएसडीसी लघुवित्तले ८% नगद लाभांश प्रस्ताव गर्यो आरएसडीसी लघुवित्त वित्तीय संस्था लिमिटेड (RSDC) ले आर्थिक वर्ष २०८१/८२ का लागि ८ प्रतिशत नगद लाभांश वितरण गर्ने प्रस्ताव गरेको छ। कम्पनीको सञ्चालक समितिको १७६औं बैठक असोज ११ गते बसेर हाल कायम चुक्ता पुँजी १ अर्ब ३ करोड रुपैयाँबाट ८ प्रतिशत दरले लाभांश वितरण गर्ने निर्णय गरेको हो। यसअनुसार कम्पनीले नगद लाभांश (कर सहित) ८ करोड २७ लाख रुपैयाँ बराबर वितरण गर्ने प्रस्ताव गरेको छ। यस लाभांश प्रस्तावलाई नेपाल राष्ट्र बैंकको स्वीकृति र कम्पनीको आगामी वार्षिक साधारण सभाको अनुमोदनपछि मात्र शेयरधनीहरुले प्राप्त गर्नेछन्। हाल बजारमा आरएसडीसी लघुवित्तको अन्तिम कारोबार मूल्य (LTP) ६५९.९० रुपैयाँ कायम रहेको छ।
NEPSE TRADING
·28 Sep, 2025
1 min read
रिभर फल्स पावरको हकप्रद शेयरमा आवेदन अवधि असोज २६ सम्म थप रिभर फल्स पावर लिमिटेडले भदौ २३ गतेदेखि निष्काशन तथा बिक्री खुला गरेको १०० प्रतिशत हकप्रद शेयरमा आवेदन दिने अवधि थप गरेको छ। कम्पनीले जानकारी गराएअनुसार अब यस हकप्रदमा असोज २६ गतेसम्म आवेदन दिन सकिनेछ। कम्पनीले हाल कायम एक कित्ता शेयर बराबर एक कित्ताको अनुपातमा हकप्रद शेयर निष्काशन गरेको हो। यसअनुसार कम्पनीले प्रति शेयर रु १०० अंकित मूल्यका ७० लाख कित्ता, अर्थात ७० करोड रुपैयाँ बराबरको हकप्रद शेयर निष्काशन गरिरहेको छ। हकप्रद प्रयोजनका लागि कम्पनीले साउन २६ गते बुकक्लोज गरेको थियो। त्यसअनुसार साउन २५ गतेसम्म नेप्सेमा कारोबार भई कायम शेयरधनीहरूले मात्र आवेदन दिन सक्नेछन्।
NEPSE TRADING
·28 Sep, 2025
1 min read
जेनजी आन्दोलनका कारण बीमा दाबी २३ अर्ब ३९ करोड पुग्यो गत भदौ २३ र २४ गते जेनजी पुस्ताले गरेको आन्दोलनका कारण मुलुकभरका भौतिक संरचनामा ठूलो क्षति पुगेको थियो। यसका लागि बीमा कम्पनीहरूमा हालसम्म रु २३ अर्ब ३९ करोड २७ लाख बराबरको बीमा दाबी परेको नेपाल बीमा प्राधिकरणले जनाएको छ। बीमा दाबीको आवेदन आउने क्रम अझै जारी रहेकाले यो रकम थप बढ्ने अनुमान गरिएको छ। बीमा प्राधिकरणको तथ्यांकअनुसार, हालसम्म कुल २,९८८ वटा बीमा दाबीका आवेदन दर्ता भएका छन्। तीमध्ये सम्पत्ति बीमा ५९४, मोटर बीमा २,२०९, इञ्जिनियरिङ तथा ठेक्का जोखिम बीमा १४४, परिवहन बीमा ११ र अन्य बीमाका ३० वटा दाबी परेको छ। प्रदेशगत हिसाबले सबैभन्दा बढी बीमा दाबी बागमती प्रदेशमा दर्ता भएको छ, जहाँ १,६०८ वटा आवेदन परेको छ। त्यसपछि कोशीमा ३७७, मधेशमा ३२३, गण्डकीमा २१९, लुम्बिनीमा २५४, कर्णालीमा २५ र सुदूरपश्चिममा १८२ वटा बीमा दाबी दर्ता भएका छन्।
NEPSE TRADING
·28 Sep, 2025
1 min read
नेपाल विद्युत प्राधिकरणको डेडिकेटेड तथा ट्रंकलाइन बक्यौता बुझाउन अल्टिमेटम नेपाल विद्युत प्राधिकरण (नेपा) ले डेडिकेटेड फिडर तथा ट्रंकलाइनमार्फत विद्युत लिएका उपभोक्ताहरुलाई बक्यौता बुझाउन कात्तिक १७ गतेसम्मको अन्तिम म्याद तोकेको छ। प्राधिकरणको वितरण तथा ग्राहक सेवा निर्देशनालयले आइतबार सूचना प्रकाशित गर्दै बक्यौता महशुल तोकिएको समयमा नबुझाउने उपभोक्तामाथि कारबाही हुने चेतावनी दिएको हो। सो सूचना प्राधिकरण सञ्चालक समितिको असोज १० गतेको निर्णयअनुसार प्रकाशित गरिएको उल्लेख छ।
NEPSE TRADING
·28 Sep, 2025
1 min read
नेपाल राष्ट्र बैंकको भदौ महिनाको मासिक बैलेन्ससिट सार्वजनिक नेपाल राष्ट्र बैंक ले आर्थिक वर्ष २०८२ को भदौ महिनाको मासिक वित्तीय विवरण (बैलेन्ससिट) सार्वजनिक गरेको छ। प्रकाशित विवरणअनुसार, भदौ मसान्तसम्म बैंकको जम्मा सम्पत्ति रु. २८ खर्ब ४६ अर्ब ५८ करोड रुपैयाँ पुगेको छ। अघिल्लो असार मसान्तमा यो रकम रु. २६ खर्ब ५९ अर्ब १३ करोड रुपैयाँ रहेको थियो।
NEPSE TRADING
·26 Sep, 2025
1 min read
एशियन लाइफ इन्स्योरेन्सको हकप्रद शेयर बोलकबोलको बोलपत्र असोज १० गते खुल्ने एशियन लाइफ इन्स्योरेन्स कम्पनी लिमिटेड ले आफ्नो हकप्रद शेयरमध्ये बाँकी रहेका सेयरहरू बोलकबोल (गोप्य शिल्ड टेन्डर) मार्फत विक्री गर्न लागेको छ। कम्पनीले १:०.४२ अनुपातमा जारी गरेको हकप्रद शेयरमा पर्याप्त आवेदन नपरेपछि संस्थापक समूहका ३०,०३८.५७ कित्ता र सर्वसाधारण समूहका ३,२८,४७३.९१ कित्ता हकप्रद शेयर बोलकबोल प्रक्रियाबाट बिक्री गर्ने भएको हो। यसका लागि आवेदन असोज ५ गतेसम्म माग गरिएको थियो। प्राप्त सबै बोलपत्रहरू असोज १० गते, शुक्रबार बिहान ८ बजे खोलिने भएका छन्। बोलपत्र खोल्ने स्थान मुक्तिनाथ क्यापिटल लिमिटेड, नक्साल, काठमाडौं तोकिएको छ। लगानीकर्ताले बोलपत्र खोलिएको प्रक्रिया प्रत्यक्ष हेर्नका लागि मुक्तिनाथ क्यापिटल लिमिटेडको Facebook Live मार्फत प्रसारण गरिने कम्पनीले जनाएको छ। यस बोलकबोल प्रक्रियाको बिक्री प्रबन्धक मुक्तिनाथ क्यापिटल लिमिटेड रहेको छ।
NEPSE TRADING
·26 Sep, 2025
1 min read
नेपाल ल्यूब आयल लिमिटेडको ३४औँ वार्षिक साधारण सभा असोज ३१ गते हुने नेपाल ल्यूब आयल लिमिटेड ले आफ्नो ३४औँ वार्षिक साधारण सभा असोज ३१ गते (अक्टोबर १७, २०२५, शुक्रबार) बिहान ११:३० बजे ललितपुरको द प्लाजामा गर्ने भएको छ। कम्पनी सञ्चालक समितिको ३८३औँ बैठकले गरेको निर्णयअनुसार साधारण सभामा विभिन्न एजेन्डामाथि छलफल हुने भएको छ।
NEPSE TRADING
·26 Sep, 2025
1 min read
बरुण हाइड्रोपावरको अविक्रीत हकप्रद शेयर बोलकबोलमा, २ दिन मात्रै बाँकी बरुण हाइड्रोपावर कम्पनी लिमिटेड ले आफ्ना अविक्रीत हकप्रद शेयरहरू बोलकबोल (गोप्य शिलबन्दी टेन्डर) मार्फत बिक्री गर्न लागेको छ। कम्पनीले बिक्रीका लागि आह्वान गरेको २,३८,४४३ कित्ता साधारण शेयर खरिद गर्न इच्छुक व्यक्ति, कम्पनी, संघसंस्था आदिबाट आवेदन माग गरेको हो। यो शेयर खरिदका लागि आवेदन दिने अवधि भदौ २९ गतेदेखि असोज १२ गतेसम्म रहेको छ। अब आवेदन दिनका लागि २ दिन मात्र बाँकी छ। इच्छुक आवेदकहरूले न्यूनतम प्रति शेयर मूल्य रु. १०० अंकित दरमा गोप्य शिलबन्दी बोलपत्र पेश गर्न सक्नेछन्। बोलपत्र आवेदन फाराम आरबिबि मर्चेन्ट बैंकिङ लिमिटेड, टेकु, काठमाडौं तथा राष्ट्रिय वाणिज्य बैंकका विभिन्न शाखा कार्यालयहरू (वीरगञ्ज, जनकपुर, नारायणगढ, बागलुङ, बुटवल, नेपालगञ्ज, सुर्खेत, धनगढी, विराटनगर, पोखरा लगायत) बाट प्राप्त गर्न र बुझाउन सकिने व्यवस्था गरिएको छ। बिक्री प्रबन्धक आरबिबि मर्चेन्ट बैंकिङ लिमिटेड ले संकलित बोलपत्रहरूलाई पछि तोकिएको मिति, समय र स्थान सार्वजनिक सूचना मार्फत जानकारी दिई राष्ट्रिय स्तरको पत्रिकामा प्रकाशित गरी खोलिने जनाएको छ। यसरी बोलकबोल मार्फत अविक्रीत शेयर बिक्री भएपछि कम्पनीको स्वामित्व संरचनामा नयाँ संस्थागत तथा व्यक्तिगत लगानीकर्ताको प्रवेश हुने अपेक्षा गरिएको छ।
NEPSE TRADING
·26 Sep, 2025
1 min read
एनएमबि सरल बचत फण्ड–ई को नेभ सार्वजनिक, भदौ मसान्तमा १०.३४ रुपैयाँ कायम एनएमबि क्यापिटल लिमिटेड अन्तर्गत सञ्चालित एनएमबि सरल बचत फण्ड–ई ले आर्थिक वर्ष २०८२ को भदौ मसान्तसम्मको शुद्ध सम्पत्ति मूल्य (NAV) सार्वजनिक गरेको छ। प्रकाशित विवरणअनुसार, भदौ मसान्तमा फण्डको नेभ प्रतिइकाई रु. १०.३४ कायम भएको छ। अघिल्लो साउन महिनामा फण्डको नेभ रु. १०.५० रहेको थियो।
NEPSE TRADING
·26 Sep, 2025
1 min read
पियोर इनर्जी लिमिटेडको सामूहिक लगानी कोषको शेयर लक–इन अवधि समाप्त हुँदै पियोर इनर्जी लिमिटेड ले सामूहिक लगानी कोषका लागि छुट्याइएको साधारण शेयरको लक–इन अवधि समाप्त हुने सूचना प्रकाशित गरेको छ। नेपाल धितोपत्र बोर्डको निर्देशनअनुसार कम्पनीले आ.व. २०८२ साल वैशाख ११ गते सार्वजनिक निष्काशनमार्फत १६ लाख कित्ता साधारण शेयर निष्काशन गरेको थियो। यसमध्ये बाँके जिल्लाका आयोजना प्रभावित स्थानीयलाई २ प्रतिशत (१ लाख ६० हजार कित्ता) र सामूहिक लगानी कोषलाई ५ प्रतिशत (७२ हजार कित्ता) शेयर वितरण गरिएको थियो। कम्पनीले जनाएको अनुसार, यी सामूहिक लगानी कोषका लागि छुट्याइएका शेयरहरूको लक–इन अवधि निष्काशन मितिले ६ महिना पूरा भएसँगै आगामी कार्तिक ११ गते (२०२५ अक्टोबर २८) मा समाप्त हुनेछ। यससम्बन्धी जानकारीका लागि कम्पनीले सम्पूर्ण नियामक निकाय, शेयरधनी तथा सरोकारवालाहरुलाई अवगत गराएको छ।
NEPSE TRADING
·26 Sep, 2025
1 min read
श्रीनगर एग्रीटेक इन्डष्ट्रीजले उद्योग प्रभावित क्षेत्रका लागि जारी साधारण शेयर बाँडफाँड सम्पन्न श्रीनगर एग्रीटेक इन्डष्ट्रीज लिमिटेड ले रुपन्देही र पाल्पा जिल्लाका उद्योग प्रभावित स्थानीय बासिन्दाहरूका लागि जारी गरिएको साधारण शेयरको बाँडफाँड सम्पन्न गरेको छ। नबिल इन्भेष्टमेन्ट बैंकिङ लिमिटेडको निष्काशन तथा बिक्री प्रबन्धकत्वमा कम्पनीले १,६३,१२५ कित्ता साधारण शेयर प्रति कित्ता रु. १०० अंकित दरमा निष्काशन गरेको थियो। यो शेयर २०८२ भदौ ११ गतेदेखि भदौ २५ गतेसम्म आवेदनका लागि खुला गरिएको थियो। तर, भदौ २३ गते Gen-Z आन्दोलनका कारण स्थानीय प्रशासनले निषेधाज्ञा/कर्फ्यु जारी गरेपछि दुई दिन संकलन केन्द्र बन्द हुन पुगेको थियो। त्यसपछि आवेदन दिने अवधि भदौ ३० र ३१ गतेसम्म थप गरिएको थियो।
NEPSE TRADING
·26 Sep, 2025
1 min read
एमबिएल इक्विटी फण्डको नेभ घट्दै १०.३६ रुपैयाँमा स्थिर एमबिएल इक्विटी फण्ड ले भदौ महिनाको नेभ (नेट एसेट भ्यालु) विवरण सार्वजनिक गरेको छ। माछापुच्छ्रे क्यापिटल लिमिटेडद्वारा सञ्चालित १२ वर्षे बन्द प्रकारको यो म्युचुअल फण्ड योजनाको नेभ भदौ मसान्तसम्म घटेर रु. १०.३६ पुगेको हो। अघिल्लो महिनामा नेभ रु. १०.६० रहेको थियो। कम्पनीले सार्वजनिक गरेको विवरणअनुसार, रु. १.२१ अर्बको प्रारम्भिक कोष आकार रहेको फण्डले सूचीकृत कम्पनीका सेयरमा रु. ९५.६१ करोड लगानी गरेको छ। त्यस्तै, रु. १२ करोड स्थायी निक्षेप योजनामा र रु. १६.०६ करोड बैंक मौज्दातमा रहेको छ। भदौ महिनामा फण्डले रु. ९५.४८ लाख घाटा ब्यहोरेको छ। तर अघिल्लो साउन महिनामा भने यसले रु. १.९३ करोड नाफा कमाएको थियो। फण्ड व्यवस्थापकका अनुसार, बजारमा देखिएको अस्थिरता र शेयरमूल्यमा आएको गिरावटले नेभमा असर पारेको हो।
NEPSE TRADING
·26 Sep, 2025
1 min read
आरबिबि मर्चेन्ट बैंकिङ लिमिटेडको दशौं वार्षिक साधारण सभा असोज ३१ गते हुने काठमाडौं, असोज १० – आरबिबि मर्चेन्ट बैंकिङ लिमिटेडले आफ्नो दशौं वार्षिक साधारण सभा बोलाएको छ। कम्पनीको सञ्चालक समितिको २१३औं बैठकले गरेको निर्णयअनुसार सभा आउँदो असोज ३१ गते, शुक्रबार (अक्टोबर १७, २०२५) का दिन दिउँसो २:०० बजे राष्ट्रिय वाणिज्य बैंकको केन्द्रीय कार्यालय, सिंहदरबार प्लाजामा बस्ने भएको हो।
NEPSE TRADING
·26 Sep, 2025