Investor
1 min read
नारायणी डेभलपमेन्ट बैंकले १:१ हकप्रद सेयरको आवेदन अवधि कात्तिक ९ गतेसम्म थप्यो
नारायणी डेभलपमेन्ट बैंकले १:१ हकप्रद सेयरको आवेदन अवधि कात्तिक ९ गतेसम्म थप्यो नारायणी डेभलपमेन्ट बैंक लिमिटेड (NABBC) ले आफ्नो जारी १:१ अनुपातको हकप्रद सेयर निष्कासन तथा बिक्री अवधि थप गरेको छ । बैंकले यसअघि असोज २२ गतेसम्म आवेदन दिने समय तोकेको थियो, तर अब सो अवधि कात्तिक ९ गते, २०८२ (आइतबार) सम्मका लागि थप गरिएको छ । बैंकले आफ्ना सेयरधनीहरूका लागि २६ लाख २४ हजार ६७६ कित्ता हकप्रद सेयर प्रति सेयर रु. १०० अंकित दरमा जारी गरेको हो । यस हकप्रद सेयरको निष्कासन २०८२ असोज २ गतेदेखि खुला गरिएको थियो । बैंकको सञ्चालक समितिले असोज १० गते बसेको बैठकमा हकप्रद आवेदन अवधि थप गर्ने निर्णय गरेको हो । बैंकले अझै आवेदन नदिएका शेयरधनीहरूलाई कात्तिक ९ गतेभित्र आवेदन बुझाउन आग्रह गरेको छ ।
NEPSE TRADING
·8 Oct, 2025
