NEPSE Trading

1 min read

ई–भिसा र राजस्व संकलनका लागि अन्तर्राष्ट्रिय कार्ड भुक्तानी सुविधा सुरु

ई–भिसा र राजस्व संकलनका लागि अन्तर्राष्ट्रिय कार्ड भुक्तानी सुविधा सुरु काठमाडौं । अब नेपालमा ई–भिसा (इलेक्ट्रोनिक ट्राभल अथोराइजेशन) तथा भिसा–अन–अरलाइभ सेवाको भुक्तानी अन्तर्राष्ट्रिय कार्डमार्फत गर्न सकिने भएको छ। नेपाल सरकारको राजस्व व्यवस्थापन सूचना प्रणाली (RMIS) मा अन्तर्राष्ट्रिय कार्ड भुक्तानी सुविधा सुरु गरिएको हो। यसका लागि महालेखा नियन्त्रक कार्यालय (FCGO), प्रवासन विभाग (DOI) र नेपाल क्लियरिङ्ग हाउस लिमिटेड (NCHL) बीच समन्वय गरिएको छ। यस प्रणालीमार्फत अन्तर्राष्ट्रिय पर्यटकहरूले प्रवासन विभागको अनलाइन पोर्टल र त्रिभुवन अन्तर्राष्ट्रिय विमानस्थलमार्फत भिसा शुल्क सहजै भुक्तानी गर्न सक्नेछन्।

NEPSE TRADING

·

21 Sep, 2025

एशियन लाइफ इन्स्योरेन्सको अवितरित हकप्रद शेयर लिलाम, आज अन्तिम दिन

Investor

1 min read

एशियन लाइफ इन्स्योरेन्सको अवितरित हकप्रद शेयर लिलाम, आज अन्तिम दिन

एशियन लाइफ इन्स्योरेन्सको अवितरित हकप्रद शेयर लिलाम, आज अन्तिम दिन काठमाडौं । एशियन लाइफ इन्स्योरेन्स कम्पनीले अवितरित हकप्रद शेयर लिलाममा ल्याएको छ। उक्त लिलाममा बोलपत्र पेश गर्ने आज (असोज ५) अन्तिम दिन रहेको कम्पनीले जनाएको छ। कम्पनीले गत असार २५ गतेदेखि साउन २० गतेसम्म १ बराबर ०.४२ अनुपातमा निष्कासन गरेको हकप्रद शेयरमा आवेदन नपरेका शेयरलाई लिलामी बिक्रीमा ल्याएको हो। यसअन्तर्गत संस्थापक समूहतर्फबाट ३० हजार ३८.५७ कित्ता र सर्वसाधारण समूहतर्फबाट ३ लाख २८ हजार ४७३.९१ कित्ता शेयर लिलाममा राखिएको छ। शेयरको न्यूनतम मूल्य प्रतिकित्ता १०० रुपैयाँ तोकिएको छ। लगानीकर्ताले सो वा सोभन्दा बढी मूल्य उल्लेख गरी बोलपत्र पेश गर्नुपर्नेछ। आवेदन गर्दा संस्थापक समूहका लागि न्यूनतम १ हजार कित्ता र सर्वसाधारण समूहका लागि न्यूनतम १०० कित्ता शेयरका लागि आवेदन दिनुपर्नेछ। अधिकतम संख्यामा भने कुनै सीमा तोकिएको छैन।

NEPSE TRADING

·

21 Sep, 2025

सागर डिष्टिलरीको आईपीओमा आवेदन दिने आज अन्तिम दिन

Investor

1 min read

सागर डिष्टिलरीको आईपीओमा आवेदन दिने आज अन्तिम दिन

सागर डिष्टिलरीको आईपीओमा आवेदन दिने आज अन्तिम दिन काठमाडौं । सागर डिष्टिलरी लिमिटेडले सर्वसाधारणका लागि निष्कासन गरेको आईपीओमा आवेदन दिने आज (असोज ५ गते) अन्तिम दिन रहेको छ। कम्पनीले भदौ ३० गतेदेखि आईपीओ निष्कासन सुरु गरेको थियो। कम्पनीले प्रतिशेयर १०० रुपैयाँ दरका १४ लाख ५२ हजार कित्ता आईपीओ सर्वसाधारणका लागि छुट्याएको हो। यो कम्पनीको जारी पुँजी ७२ करोड ६० लाख रुपैयाँको २० प्रतिशत हो। इन्फोमेरिक्स क्रेडिट नेपाल लिमिटेडले कम्पनीलाई ‘बी प्लस’ क्रेडिट रेटिङ प्रदान गरेको छ, जसले कम्पनीको क्रेडिट जोखिम बहन गर्ने क्षमता मध्यमस्तरको रहेको जनाउँछ।

NEPSE TRADING

·

21 Sep, 2025

ट्रेजरी बिलमा प्रतिस्पर्धा बढ्दा डिस्काउन्ट रेट २ प्रतिशतभन्दा तल

Investor

1 min read

ट्रेजरी बिलमा प्रतिस्पर्धा बढ्दा डिस्काउन्ट रेट २ प्रतिशतभन्दा तल

ट्रेजरी बिलमा प्रतिस्पर्धा बढ्दा डिस्काउन्ट रेट २ प्रतिशतभन्दा तल काठमाडौं । पछिल्ला दिनमा बैंकिङ प्रणालीमा अत्यधिक तरलता रहँदा सरकारी ऋणपत्र (ट्रेजरी बिल) खरिदमा अभूतपूर्व प्रतिस्पर्धा देखिएको छ। माग भन्दा कैयौँ गुणा बढी आवेदन परेपछि डिस्काउन्ट रेट २ प्रतिशतभन्दा तल झरेको छ। गत भदौ २३ गते बोलकबोल भएको ९१ दिने ट्रेजरी बिलमा डिस्काउन्ट रेट १.९९ प्रतिशत कायम भएको थियो। सो ८ अर्ब ५० करोड बराबरको बिल खरिदका लागि ६३ अर्ब ६० करोड बराबरको आवेदन परेको थियो, जसले प्रतिस्पर्धा झनै तीव्र भएको प्रमाणित गर्‍यो।

NEPSE TRADING

·

21 Sep, 2025

कमलपोखरीमा लगानीकर्ताको तनावग्रस्त भेला, नियामक नीतिमा तीव्र असन्तुष्टि

Investor

1 min read

कमलपोखरीमा लगानीकर्ताको तनावग्रस्त भेला, नियामक नीतिमा तीव्र असन्तुष्टि

कमलपोखरीमा लगानीकर्ताको तनावग्रस्त भेला, नियामक नीतिमा तीव्र असन्तुष्टि शेयर बजारमा आएको निरन्तर गिरावट र जेन–जेड आन्दोलनपछि बनेको नयाँ अन्तरिम सरकारलाई बजारले नपत्याउँदा लगानीकर्ताको असन्तुष्टि सडकदेखि भेलासम्म फैलिएको छ। शनिबार काठमाडौंको कमलपोखरीमा विभिन्न समूहका लगानीकर्ताहरू भेला भएर बजारको सुधारका विषयमा छलफल गरेका थिए। बजार घट्दा लगानीकर्ताको निद्रा हराम लगानीकर्ताहरूले लामो समयदेखि बजारमा आएको गिरावटलाई नियामक निकायका केही नीतिसँग जोडेर असन्तुष्टि पोखिरहेका छन्। उनीहरूका अनुसार ३ हजार बिन्दु नाघिसकेको बजार अहिले निरन्तर खस्किँदा लगानीकर्ताको निद्रा हराम भएको छ। जेन–जेड आन्दोलनपछि दस दिनसम्म बजार बन्द रह्यो। सो अवधि सकिएपछि बिहीबार बजार खुले पनि सुरुको दिनमै नकारात्मक सर्किट लागेर कारोबार स्थगित भयो। यस घटनाले लगानीकर्ताको मनोबल थप कमजोर बनाएको छ।

NEPSE TRADING

·

20 Sep, 2025

शेयर बजारमा ‘पहिरो’ थाम्न अर्थमन्त्रीको प्रयास

Investor

1 min read

शेयर बजारमा ‘पहिरो’ थाम्न अर्थमन्त्रीको प्रयास

शेयर बजारमा ‘पहिरो’ थाम्न अर्थमन्त्रीको प्रयास काठमाडौं । जेनजी आन्दोलनका कारण दस दिनसम्म बन्द भएको शेयर बजार बिहीबार (असोज २) खुलेपछि १६० अंकले ओरालो लाग्यो। बजार खुलेको पहिलो दिन नै तीन पटक नकारात्मक सर्किट लागेपछि कारोबार स्थगित भयो। इतिहासमै पहिलो पटक नेप्सेले एकैदिन १६० अंक गुमाउँदै २,५११.९१ बिन्दुमा झरेको हो।

NEPSE TRADING

·

20 Sep, 2025

Investor

1 min read

कमलपोखरीमा लगानीकर्ता भेला हुने

कमलपोखरीमा लगानीकर्ता भेला हुने काठमाडौं, असोज ४ – पुँजीबजार सुधार तथा आगामी कार्यदिशाबारे बृहत्तर छलफल गर्न लगानीकर्ताहरूको भेला आज हुने भएको छ। पुँजी बजारमा सक्रिय पाँचवटा लगानीकर्ताहरूको संघको पहलमा असोज ४ गते दिउँसो २ बजे कमलपोखरीमा कार्यक्रम आयोजना गरिने निर्णय गरिएको हो। आयोजक संघहरूले पुँजीबजारमा देखिएका चुनौती, सुधारका सम्भावना र भविष्यमा अपनाउनुपर्ने रणनीतिबारे विस्तृत छलफल हुने जानकारी दिएका छन्। भेलाले लगानीकर्ताको आवाजलाई एकजुट पार्दै बजार सुधारतर्फ ठोस पहल गर्ने अपेक्षा गरिएको छ। कार्यक्रममा सबै सरोकारवाला, लगानीकर्ता तथा पुँजीबजारसँग प्रत्यक्ष–अप्रत्यक्ष रूपमा संलग्न व्यक्तिहरूको उपस्थितिको लागि हार्दिक अनुरोध गरिएको छ।

NEPSE TRADING

·

20 Sep, 2025

शेयर बजारमा नेगेटिभ सर्किटपछि अर्थमन्त्री खनालले सुधारका लागि कार्यदल गठन

Top

1 min read

शेयर बजारमा नेगेटिभ सर्किटपछि अर्थमन्त्री खनालले सुधारका लागि कार्यदल गठन

नेगेटिभ सर्किटका कारण सेयर बजार स्थगित भएपछि अर्थमन्त्री रामेश्वर खनालले लगानीकर्ताको मनोबल वृद्धि गर्न कार्यदल गठन गरेका छन्। रुपेश केसीको संयोजकत्वमा बनेको कार्यदलले पाँच दिनभित्र सुधारका सुझाव बुझाउनेछ।

NEPSE TRADING

·

19 Sep, 2025

Top

<1 min read

नेपाली बजारमा सुनचाँदीको मूल्य वृद्धि

असोज ३ गते शुक्रबार नेपाली बजारमा सुन र चाँदी दुबैको मूल्य बढेको छ। छापावाल सुन प्रतितोला ८०० रुपैयाँले बढेर २ लाख १६ हजार पुगेको छ भने चाँदी प्रतितोला ६० रुपैयाँले बढेर २ हजार ५८० पुगेको छ।

NEPSE TRADING

·

19 Sep, 2025

संविधान दिवस तथा राष्ट्रिय दिवस २०८२ विशेष समारोहसहित मनाइँदै

Top

1 min read

संविधान दिवस तथा राष्ट्रिय दिवस २०८२ विशेष समारोहसहित मनाइँदै

संविधान दिवस तथा राष्ट्रिय दिवस २०८२ विशेष समारोहसहित मनाइँदै संविधान दिवस तथा राष्ट्रिय दिवस, २०८२ आज देशभर विभिन्न कार्यक्रम आयोजना गरी मनाइँदै छ। राष्ट्रपति रामचन्द्र पौडेलको प्रमुख आतिथ्यतामा बिहान साढे ८ बजे सैनिक मञ्च, टुँडिखेलमा दिवसको मूल समारोह आयोजना गरिएको हो। समारोहलाई प्रधानमन्त्री सुशीला कार्कीले सम्बोधन गर्ने कार्यक्रम रहेको छ। तर, अहिलेको विशेष राजनीतिक परिस्थितिलाई दृष्टिगत गर्दै यस वर्ष झाँकीलगायतका सांस्कृतिक कार्यक्रम भने स्थगित गरिएको छ। नेपालको संविधान २०७२ असोज ३ गते संविधानसभाबाट जारी गरिएको थियो। लामो संघर्ष र बलिदानपछि प्राप्त भएको यो संविधान मुलुकको ऐतिहासिक उपलब्धि मानिन्छ। दोस्रो संविधानसभाबाट लामो छलफल र विवादपश्चात तयार पारिएको संविधानलाई तत्कालीन राष्ट्रपति डा. रामवरण यादवले नयाँ बानेश्वरस्थित अन्तर्राष्ट्रिय सम्मेलन केन्द्रमा आयोजित संविधानसभा बैठकमा घोषणा गर्नुभएको थियो।

NEPSE TRADING

·

19 Sep, 2025

सेबनको ढिलाइले ऊर्जा क्षेत्रका लगानीकर्ताले गुमाए एक खर्बभन्दा बढी

Investor

1 min read

सेबनको ढिलाइले ऊर्जा क्षेत्रका लगानीकर्ताले गुमाए एक खर्बभन्दा बढी

सेबनको ढिलाइले ऊर्जा क्षेत्रका लगानीकर्ताले गुमाए एक खर्बभन्दा बढी धितोपत्र बोर्ड नेपाल (सेबन) ले शेयर निष्काशनमा ढिलाइ गर्दा ऊर्जा क्षेत्रका लगानीकर्ताले मात्र करिब एक खर्ब आठ अर्ब ५० करोड रुपैयाँ गुमाएको स्वतन्त्र ऊर्जा उत्पादकहरुको संस्था नेपाल (इप्पान)ले दाबी गरेको छ। इप्पानले आज सेबनलाई पठाएको पत्रमा २०८० साल जेठपछि आईपीओ र राइट शेयर निष्काशनमा ढिलाइ हुँदा ९७५ मेगावाट क्षमताका ४३ वटा आईपीओ र ७ वटा राइट शेयरसहित ५० कम्पनी प्रभावित भएको उल्लेख छ। यसै कारण २३ अर्ब २७ करोड रुपैयाँ बराबरको शेयर निष्काशन हुन नसकेको, १२ अर्ब ४० करोडभन्दा बढी ब्याज थपिएको, २४ अर्ब ३० करोड बराबरको लागत बढेको र ७१ अर्ब ७८ करोड रुपैयाँभन्दा बढी राजस्व गुमाएको दाबी गरिएको छ।

NEPSE TRADING

·

19 Sep, 2025

अरुण भ्याली हाइड्रोपावरको ८% बोनस शेयर र ०.४२१% नगद लाभांश घोषणा

Top

<1 min read

अरुण भ्याली हाइड्रोपावरको ८% बोनस शेयर र ०.४२१% नगद लाभांश घोषणा

अरुण भ्याली हाइड्रोपावर डेभलपमेन्ट कम्पनी लिमिटेड (AHPC) ले शेयरधनीहरूलाई ८ प्रतिशत बोनस शेयर र कर प्रयोजनका लागि ०.४२१ प्रतिशत नगद लाभांश दिने घोषणा गरेको छ। विद्युत नियमन आयोगको स्वीकृति र आगामी साधारण सभाले पारित गरेपछि मात्र वितरण हुने छ।

NEPSE TRADING

·

18 Sep, 2025

नेपाल ल्यूब आयलको २०% बोनस शेयर तथा लाभांश घोषणा, साधारण सभा असोज ३१ गते

Top

1 min read

नेपाल ल्यूब आयलको २०% बोनस शेयर तथा लाभांश घोषणा, साधारण सभा असोज ३१ गते

नेपाल ल्यूब आयल (NLO) ले २० प्रतिशत बोनस शेयर र कर प्रयोजनका लागि १.०५२६४ प्रतिशत नगद लाभांश वितरण गर्ने घोषणा गरेको छ। कम्पनीको ३४ औँ वार्षिक साधारण सभा असोज ३१ गते पुल्चोकस्थित द प्लाजामा हुनेछ। सभा तथा लाभांश वितरण प्रयोजनार्थ असोज १२ देखि ३१ सम्म बुकक्लोज हुनेछ, जसअनुसार असोज ९ गतेसम्म शेयरधनी बनेकाले मात्र लाभांश पाउने र सभामा सहभागी हुन सक्नेछन्।

NEPSE TRADING

·

18 Sep, 2025

Investor

1 min read

नेप्सेमा तेस्रो सर्किटपछि कारोबार बन्द

नेप्सेमा तेस्रो सर्किटपछि कारोबार बन्द काठमाडौं । शेयर बजारमा लगातार गिरावट आएपछि आज (बिहीबार) दिनभरको लागि शेयर कारोबार बन्द भएको छ। बजार खुलेको २ मिनेटमै नेप्से परिसूचक ४ प्रतिशतले घटेपछि पहिलो सर्किट ब्रेक लागेर २० मिनेटका लागि कारोबार रोकिएको थियो। सोही स्थगनपछि ११ बजेर २२ मिनेटमा बजार खुलेको एक मिनेटमै फेरि १ प्रतिशत घटेपछि दोस्रो सर्किट ब्रेक लागेर ४० मिनेटका लागि कारोबार स्थगित भएको हो। त्यसपछि १२ बजेर ३ मिनेटमा खुलेको बजार १२ बजेर ६ मिनेटमै फेरि १ प्रतिशत घट्दा तेस्रो सर्किट ब्रेक लागेको छ। नियमअनुसार तेस्रो सर्किट लागेपछि सो दिनको लागि शेयर कारोबार पूर्ण रूपमा बन्द हुन्छ। यससँगै आज दिनभर लगानीकर्ताले कारोबार गर्ने अवसर गुमाएका छन् भने बजारमा लगातारको गिरावटले साना लगानीकर्ता थप चिन्तित बनेका छन्।

NEPSE TRADING

·

18 Sep, 2025

Investor

1 min read

नेप्सेमा दोस्रो पटक नेगेटिभ सर्किट

नेप्सेमा दोस्रो पटक नेगेटिभ सर्किट काठमाडौं । बिहीबार शेयर बजारमा लगातार दोस्रो पटक नकारात्मक सर्किट लागेको छ। बजार खुलेको दोस्रो मिनेटमै नेप्से परिसूचक १०७.०४ अंक अर्थात् ४ प्रतिशतले घटेपछि पहिलो नकारात्मक सर्किट लागेर कारोबार २० मिनेटका लागि रोकिनु परेको थियो। २० मिनेटपछि पुनः खुलेको बजार केही मिनेटमै फेरि १३३.६३ अंक अर्थात् ५ प्रतिशतले घट्दा दोस्रो नकारात्मक सर्किट लागेको हो। यसपछि अब बजार ४० मिनेटका लागि रोकिएको छ। नियम अनुसार, बजार खुलेको पहिलो घण्टाभित्र परिसूचक ४ प्रतिशतले घटेमा वा बढेमा २० मिनेटका लागि रोकिन्छ भने दोस्रो घण्टाभित्र ५ प्रतिशतले घटेमा वा बढेमा ४० मिनेटका लागि रोकिने व्यवस्था छ। यस्तै, ६ प्रतिशतभन्दा बढी उतारचढाव भएमा सो दिनका लागि बजार पूर्ण रूपमा बन्द हुने प्रावधान छ।

NEPSE TRADING

·

18 Sep, 2025

नारायणी डेभलपमेन्ट बैंकको शतप्रतिशत हकप्रद शेयरमा आजदेखि आवेदन खुला

Top

1 min read

नारायणी डेभलपमेन्ट बैंकको शतप्रतिशत हकप्रद शेयरमा आजदेखि आवेदन खुला

नारायणी डेभलपमेन्ट बैंक लिमिटेडले आज (असोज २ गते)देखि शतप्रतिशत हकप्रद शेयर निष्काशन खुला गरेको छ। १:१ अनुपातमा निष्काशन हुने हकप्रदमार्फत २६ लाख २४ हजार ६७६ कित्ता शेयर प्रतिशेयर १०० रुपैयाँ अंकित मूल्यमा जारी हुनेछ। आवेदन असोज २२ गतेसम्म दिन सकिनेछ। इक्रा नेपालले बैंकलाई ‘सी प्लस’ रेटिङ्ग दिएको छ, जसले उच्च जोखिमको संकेत गर्दछ। बिक्री प्रबन्धक ग्लोबल आइएमई क्यापिटल लिमिटेड रहेको छ। बाँडफाँटपछि बैंकको चुक्ता पूँजी ५२ करोड ४९ लाख रुपैयाँ पुग्नेछ।

NEPSE TRADING

·

18 Sep, 2025

बजार खुलेको २ मिनेटमै नेप्सेमा नेगेटिभ सर्किट

Investor

<1 min read

बजार खुलेको २ मिनेटमै नेप्सेमा नेगेटिभ सर्किट

बजार खुलेको २ मिनेटमै नेप्सेमा नेगेटिभ सर्किट जेनेरेसन–जेड (Gen Z) आन्दोलनपछि देशमा भएको राजनीतिक परिवर्तनको सीधा प्रभाव शेयर बजारमा देखिएको छ। आज बजार खुलेको दुई मिनेटमै नेप्से परिसूचकमा ठूलो गिरावट आएको छ। बजार ४ प्रतिशत अर्थात १0७.०४ अंकले घटेपछि स्वचालित प्रणालीअनुसार कारोबार रोकिएको हो। यस अप्रत्याशित गिरावटसँगै साना लगानीकर्ताहरू आत्तिएका देखिएका छन्। बजारमा आएको अस्थिरता पछिल्लो राजनीतिक अनिश्चितता र लगानीकर्ताको मनोबलमा परेको नकारात्मक असरको परिणाम भएको विश्लेषकहरूले बताएका छन्।

NEPSE TRADING

·

18 Sep, 2025

मुक्तिनाथ विकास बैंकले १८.२० प्रतिशत लाभांश घोषणा गर्‍यो

Top

<1 min read

मुक्तिनाथ विकास बैंकले १८.२० प्रतिशत लाभांश घोषणा गर्‍यो

मुक्तिनाथ विकास बैंक लिमिटेडले गत आर्थिक वर्षको नाफाबाट कुल १८.२० प्रतिशत लाभांश वितरण गर्ने घोषणा गरेको छ। जसमा १३.५३ प्रतिशत बोनस शेयर र ४.६७ प्रतिशत नगद लाभांश (कर प्रयोजनार्थ सहित) समावेश छन्। यो लाभांश नेपाल राष्ट्र बैंकको स्वीकृति र आगामी साधारण सभाले पारित गरेपछि मात्र वितरण हुनेछ।

NEPSE TRADING

·

18 Sep, 2025

महासंघद्वारा आन्दोलनमा क्षतिग्रस्त संरचनाको निरीक्षण

Top

1 min read

महासंघद्वारा आन्दोलनमा क्षतिग्रस्त संरचनाको निरीक्षण

महासंघद्वारा आन्दोलनमा क्षतिग्रस्त संरचनाको निरीक्षण नेपाल उद्योग वाणिज्य महासंघले भदौ २३ र २४ गतेको आन्दोलनमा क्षतिग्रस्त निजी क्षेत्रका संरचनाको स्थलगत निरीक्षण गरेको छ । महासंघका अध्यक्ष चन्द्र प्रसाद ढकालको नेतृत्वमा गएको टोलीले होटल हिल्टन, कान्तिपुर मिडिया ग्रुप, गोल्छा ग्रुप, भाटभटेनी सुपरमार्केट र व्यवसायी उपेन्द्र महतोको सम्पत्तिको अवलोकन गरेको हो । निरीक्षणपछि अध्यक्ष ढकालले निजी लगानी सुरक्षित गर्ने वातावरण निर्माण तत्कालीन प्राथमिकता भएको बताउँदै दोषीमाथि कारबाही र पीडितलाई उचित क्षतिपूर्ति दिन सरकारसँग माग गरे । उनले यस्ता घटनाले व्यवसायिक वातावरणमा नकारात्मक असर पार्ने भएकाले शान्ति–सुरक्षामा ध्यान दिनुपर्नेमा जोड दिए । निरीक्षण टोलीमा महासंघका निवर्तमान अध्यक्ष शेखर गोल्छा, वरिष्ठ उपाध्यक्ष अन्जन श्रेष्ठ, उपाध्यक्ष सुरकृष्ण वैद्य, हेमराज ढकाल, ज्योत्सना श्रेष्ठलगायतको सहभागिता थियो ।

NEPSE TRADING

·

18 Sep, 2025

दक्षिण सुडानमा तेल आम्दानीको अर्बौँ डलर हिनामिना भएको संयुक्त राष्ट्रसंघको खुलासा

Investor

1 min read

दक्षिण सुडानमा तेल आम्दानीको अर्बौँ डलर हिनामिना भएको संयुक्त राष्ट्रसंघको खुलासा

दक्षिण सुडानमा तेल आम्दानीको अर्बौँ डलर हिनामिना भएको संयुक्त राष्ट्रसंघको खुलासा काठमाडौं । संयुक्त राष्ट्रसंघको एक ताजा रिपोर्टले दक्षिण सुडानका सरकारी अधिकारीहरूले देश स्वतन्त्र भएपछि तेलबाट कमाएको २५।२ अर्ब अमेरिकी डलरमध्ये अर्बौँ डलर हिनामिना गरेको तथ्य सार्वजनिक गरेको छ। मानवअधिकार आयोगको उक्त रिपोर्टअनुसार, जनताको स्वास्थ्य, शिक्षा र पूर्वाधार विकासमा खर्च गर्नुपर्ने रकम व्यक्तिगत लाभ र राजनीतिक सञ्जालमा दुरुपयोग गरिएको हो। रिपोर्टमा उल्लेख छ, “देशको लुटकै कारण जनताले भोक, रोग र मृत्युलाई भोग्नुपरेको छ।” सबैभन्दा ठूलो अनियमितता ‘ओइल फोर रोड्स’ कार्यक्रममा देखिएको छ। सन् २०२१ देखि २०२४ बीचमा छुट्याइएको २.२ अर्ब डलरमध्ये १.७ अर्ब डलरको हिसाब नभएको रिपोर्टमा उल्लेख छ। सो रकम उपराष्ट्रपति तथा सम्भावित राष्ट्रपति उत्तराधिकारी बेन्जामिन बोल मेलको स्वामित्वमा रहेका निर्माण कम्पनीमार्फत खर्च भएको दाबी गरिएको छ। हालै उनी राष्ट्रिय सुरक्षा सेवामा जनरल पदमा बढुवा भएका छन्।

NEPSE TRADING

·

17 Sep, 2025