NEPSE Trading

<1 min read

सन नेपाल लाइफ इन्स्योरेन्सको बीमाशुल्क भुक्तानीमा क्यासब्याक अफर

सन नेपाल लाइफ इन्स्योरेन्सको बीमाशुल्क भुक्तानीमा क्यासब्याक अफर काठमाडौं । सन नेपाल लाइफ इन्स्योरेन्सले आफ्ना ग्राहकका लागि क्यासब्याक अफर सार्वजनिक गरेको छ। अब बीमाशुल्क भुक्तानी ई–सेवा र खल्तीमार्फत गर्ने ग्राहकले विशेष सुविधा पाउने भएका छन्। कम्पनीका अनुसार, बीमालेख नवीकरण मिति अगावै वा नवीकरण मिति पछि सात दिनभित्र प्रिमियम भुक्तानी गर्ने ग्राहकले बीमाशुल्कको ०.५ प्रतिशत वा अधिकतम एक हजार रुपैयाँसम्म क्यासब्याक प्राप्त गर्नेछन्। यो अफर असोज १ गतेदेखि मंसिर २९ गते, २०८२ सम्म लागू हुने छ। कम्पनीले यस योजनाले डिजिटल भुक्तानीलाई प्रोत्साहन गर्ने र बीमा सेवा अझ सहज, सुरक्षित र ग्राहकमैत्री बन्ने विश्वास व्यक्त गरेको छ।

NEPSE TRADING

·

17 Sep, 2025

बुङ्गल हाइड्रो लिमिटेडको आईपीओ बाँडफाँड बिहीबार हुने

Investor

1 min read

बुङ्गल हाइड्रो लिमिटेडको आईपीओ बाँडफाँड बिहीबार हुने

बुङ्गल हाइड्रो लिमिटेडको आईपीओ बाँडफाँड बिहीबार हुने काठमाडौं । बुङ्गल हाइड्रो लिमिटेडको आईपीओ बाँडफाँड आउँदो बिहीबार हुने भएको छ। बिक्री प्रबन्धक हिमालयन क्यापिटलका अनुसार बिहीबार बिहान ९ बजे आईपीओ बाँडफाँड प्रक्रिया सम्पन्न गरिनेछ। कम्पनीले भदौ १६ गतेदेखि १९ गतेसम्म आम सर्वसाधारणका लागि १७ लाख १ हजार ५ सय कित्ता शेयर निष्काशन गरेको थियो। यस आईपीओमा करिब १ लाख ७० हजार १ सय ५० जनालाई मात्र शेयर प्राप्त हुने भएको छ। यसअघि कम्पनीले आयोजना प्रभावित स्थानीय बासिन्दा र वैदेशिक रोजगारीमा रहेका नेपालीहरूलाई आईपीओ निष्काशन गरी बाँडफाँड गरिसकेको छ। बुङ्गल हाइड्रो लिमिटेडले बझांगमा अवस्थित १०.७ मेगावाट क्षमताको सानीगाड जलविद्युत आयोजना निर्माण सम्पन्न गरी २०८० साल भदौ २ गतेदेखि व्यावसायिक उत्पादन सुरु गरिसकेको छ। कम्पनीका अध्यक्ष शिव प्रसाद घिमिरे हुन् भने अन्य सञ्चालकमा राजेश कुमार श्रेष्ठ, खगेश्वर बोहोरा, विरेन्द्र बहादुर मल्ललगायत रहेका छन्। बुङ्गल हाइड्रो लिमिटेड एसजी ग्रुपअन्तर्गतको कम्पनी हो।

NEPSE TRADING

·

17 Sep, 2025

भदौ मसान्तसम्म सरकारको बजेट खर्च ९.१७ प्रतिशत

Investor

1 min read

भदौ मसान्तसम्म सरकारको बजेट खर्च ९.१७ प्रतिशत

भदौ मसान्तसम्म सरकारको बजेट खर्च ९.१७ प्रतिशत काठमाडौं । चालु आर्थिक वर्ष २०८२/८३ को पहिलो दुई महिनामा सरकारको बजेट खर्च ९ दशमलव १७ प्रतिशत पुगेको छ। महालेखा नियन्त्रक कार्यालयका अनुसार भदौ मसान्तसम्म कुल १९ खर्ब ६४ अर्ब ११ करोड विनियोजन गरिएको बजेटमध्ये १ खर्ब ८० अर्ब १७ करोड ४ लाख खर्च भएको हो। खर्च संरचना हेर्दा, चालुतर्फ ११ खर्ब ८० अर्ब ९८ करोड विनियोजन गरिएकोमध्ये १ खर्ब १४ अर्ब १८ करोड ७२ लाख खर्च भएको छ, जुन ९ दशमलव ६७ प्रतिशत हो। त्यस्तै, पुँजीगततर्फ ४ खर्ब ७ अर्ब ८८ करोड विनियोजन भए पनि अहिलेसम्म ६ अर्ब ३५ करोड ३३ लाख मात्र खर्च भएको छ, जसको प्रतिशत १ दशमलव ५६ पर्छ। वित्तीय व्यवस्थातर्फ भने ३ खर्ब ७५ अर्ब २४ करोड विनियोजन भएकोमा ५९ अर्ब ६२ करोड ९९ लाख खर्च भइसकेको छ, जुन १५ दशमलव ८९ प्रतिशत हो।

NEPSE TRADING

·

17 Sep, 2025

Investor

1 min read

कर तिर्ने समय एक महिना थपियो

कर तिर्ने समय एक महिना थपियो काठमाडौं । सरकारले कर तिर्ने समयसीमा एक महिना थप गरेको छ। आन्तरिक राजस्व विभागका महानिर्देशक मदन दाहालका अनुसार, भदौ २५ गतेभित्र बुझाइसक्नुपर्ने साउन महिनाको कर अब एक महिना पछि बुझाउन सकिने भएको हो। “कर तिर्ने समय एक महिना थप्ने निर्णय भइसकेको छ। यसबारेको सूचना छिट्टै राजपत्रमा प्रकाशित हुनेछ,” दाहालले जानकारी दिए। विद्यमान कानुनअनुसार मूल्य अभिवृद्धि कर (भ्याट), अन्तःशूल्कलगायत कर प्रत्येक महिनाको २५ गतेभित्र कर कार्यालयमा बुझाउनुपर्ने व्यवस्था छ। तर यसपटकको जेन–जी आन्दोलन र पछिल्ला राजनीतिक घटनाक्रमका कारण उद्योगी–व्यवसायीहरूले समयमै कर बुझाउन नसकेको भन्दै सरकारसँग समय थप गर्न आग्रह गरेका थिए।

NEPSE TRADING

·

17 Sep, 2025

सुनचाँदीको मूल्यमा गिरावट, सुन प्रतितोला १ हजारले घट्यो

Investor

<1 min read

सुनचाँदीको मूल्यमा गिरावट, सुन प्रतितोला १ हजारले घट्यो

सुनचाँदीको मूल्यमा गिरावट, सुन प्रतितोला १ हजारले घट्यो काठमाडौं । लगातार बढिरहेको सुनचाँदीको मूल्य आज भने घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजारले घटेर २ लाख १६ हजार १०० रुपियाँ पुगेको छ। यस्तै, चाँदीको मूल्य पनि आज घटेको छ। चाँदी प्रतितोला ४५ रुपियाँले घटेर २ हजार ५५० रुपियाँमा कारोबार भइरहेको छ। हालसम्म निरन्तर बढ्दै गएको सुनचाँदीको मूल्य आज पहिलो पटक घट्दा लगानीकर्तासहित उपभोक्ताले केही राहतको अनुभव गर्ने देखिन्छ।

NEPSE TRADING

·

17 Sep, 2025

एसवाई प्यानल नेपाल लिमिटेडको आईपीओ असोज ७ गतेदेखि खुल्ने

Investor

1 min read

एसवाई प्यानल नेपाल लिमिटेडको आईपीओ असोज ७ गतेदेखि खुल्ने

एसवाई प्यानल नेपाल लिमिटेडको आईपीओ असोज ७ गतेदेखि खुल्ने काठमाडौं । जेन–जी आन्दोलनका कारण स्थगित भएको एसवाई प्यानल नेपाल लिमिटेडको आईपीओ असोज ७ गतेदेखि बिक्रीमा आउने भएको छ। भदौ १७ गते कम्पनीले नेपाल धितोपत्र बोर्ड (सेबोन) बाट पूँजी १ अर्ब ३० करोड ८९ लाख ३७ हजार १०० रुपियाँमध्ये ४० प्रतिशत अर्थात् ५२ करोड ३२ लाख ५४ हजार ८०० रुपियाँ बराबरको ५२ लाख ३२ हजार ५४८ कित्ता साधारण शेयर निष्काशन गर्न अनुमति पाएको थियो।

NEPSE TRADING

·

17 Sep, 2025

नेप्सेले शेयर कारोबार खुल्ने घोषणा, असोज २ गतेदेखि पूर्ववत् ढंगले कारोबार गर्न सक्ने

Investor

1 min read

नेप्सेले शेयर कारोबार खुल्ने घोषणा, असोज २ गतेदेखि पूर्ववत् ढंगले कारोबार गर्न सक्ने

नेप्सेले शेयर कारोबार खुल्ने घोषणा, असोज २ गतेदेखि पूर्ववत् ढंगले कारोबार गर्न सक्ने नेपाल स्टक एक्सचेन्ज (नेप्से) ले असोज २ गतेदेखि धितोपत्रको द्वितीयक बजार कारोबार पुनः सुरु हुने जानकारी दिएको छ। नेपाल धितोपत्र बोर्डको भदौ २७ गतेको निर्णयअनुसार, असोज २ गतेदेखि नेप्सेमा नियमित शेयर कारोबार सञ्चालन हुने सूचित गरिएको हो। यसअघि विभिन्न कारणले अस्थायी रूपमा रोकिएको कारोबार अब पुनः नियमित ढंगले सञ्चालन हुने भएको छ। नेप्सेका प्रवक्ता मुहारिर पराजुलीले हस्ताक्षरित सूचना अनुसार, लगानीकर्ताले असोज २ गतेदेखि पूर्ववत् ढंगले कारोबार गर्न सक्नेछन्। यस घोषणाले हालैको राजनीतिक तथा सामाजिक घटनाक्रमका कारण प्रभावित बनेका लगानीकर्तामा केही हदसम्म सहजता ल्याउने अपेक्षा गरिएको छ।

NEPSE TRADING

·

16 Sep, 2025

पुनर्निर्माण र निर्वाचनका लागि तीन सदस्यीय कार्यदल गठन, १ खर्ब जुटाउने योजना

Top

1 min read

पुनर्निर्माण र निर्वाचनका लागि तीन सदस्यीय कार्यदल गठन, १ खर्ब जुटाउने योजना

अर्थ मन्त्रालयले जेनजी आन्दोलनका क्रममा भएको भौतिक क्षतिको पुनर्निर्माण र आसन्न निर्वाचनका लागि आवश्यक स्रोत जुटाउन तीन सदस्यीय कार्यदल गठन गरेको छ। कार्यदलमा सुमन दाहाल, धनीराम शर्मा र उत्तरकुमार खत्री रहेका छन्। मन्त्रालयले साना तथा टुक्रे आयोजना कटौतीबाट करिब १ खर्ब रुपैयाँ जुट्ने जनाएको छ।

NEPSE TRADING

·

16 Sep, 2025

भदौ २३ गतेको शेयर कारोबारको राफसाफ अनिश्चित, सिडिएससीले प्रक्रिया स्थगित गर्‍यो

Top

1 min read

भदौ २३ गतेको शेयर कारोबारको राफसाफ अनिश्चित, सिडिएससीले प्रक्रिया स्थगित गर्‍यो

भदौ २३ गते सोमबार भएको शेयर कारोबारको राफसाफ तथा फछर्यौट प्रक्रिया स्थगित गरिएको छ। आन्दोलनका क्रममा तोडफोड र आगजनीका कारण दलाल भुक्तानी प्रणालीमा समस्या देखिएपछि स्टक ब्रोकर एसोसिएसनको अनुरोधमा सिडिएस एण्ड क्लियरिङ्गले अर्को सूचना नआएसम्मका लागि प्रक्रिया रोक्ने निर्णय गरेको हो। सो दिन बजार ३५.९९ अंकले घटेर २६७२.२५ विन्दुमा झरेको थियो, भने भदौ २२ गतेको कारोबारको राफसाफ भने पूरा भएको छ।

NEPSE TRADING

·

16 Sep, 2025

वाणिज्य बैंकको मुद्दती ब्याजदर असोजमा झन् घट्यो, निक्षेपकर्ताको प्रतिफल थप चापमा

Investor

4 min read

वाणिज्य बैंकको मुद्दती ब्याजदर असोजमा झन् घट्यो, निक्षेपकर्ताको प्रतिफल थप चापमा

वाणिज्य बैंकको मुद्दती ब्याजदर असोजमा झन् घट्यो, निक्षेपकर्ताको प्रतिफल थप चापमा काठमाडौं। देशभर सञ्चालनमा रहेका २० वटै वाणिज्य बैंकले असोज महिनाका लागि नयाँ ब्याजदर सार्वजनिक गरेका छन्। भदौको तुलनामा असोजमा मुद्दती निक्षेपको औसत अधिकतम दर झन् तल झरेको छ। उपलब्ध तथ्यांकअनुसार व्यक्तिगत मुद्दती निक्षेपको औसत अधिकतम दर भदौको ५.५७७ प्रतिशतबाट असोजमा ५.४६३५ प्रतिशतमा झरेको छ, जसले ०.११३५ प्रतिशत बिन्दुको थप गिरावट देखाउँछ। यसरी झरेको दरले साना बचतकर्तादेखि नियमित मुद्दती खातामा भरोसा गर्ने आम निक्षेपकर्तासम्मको प्रतिफलमा सीधा असर पार्ने देखिन्छ। बैंक–बैंकको सूचीकृत दर हेर्दा २० मध्ये ९ वटा बैंकले व्यक्तिगत मुद्दती निक्षेपमा कटौती गरेका छन्। प्राइम कमर्सियल, सानिमा, एभरेष्ट, सिटिजन्स, एनआइसी एशिया, कुमारी, कृषि विकास, नेपाल बैंक र नेपाल एसबीआईले असोजमा कटौती गरेर अघि बढेका छन्। यीमध्ये केही बैंकले एकैपटक ०.५० प्रतिशत बिन्दुसम्म झारेका छन् भने केहीले ०.०७–०.२५ प्रतिशत बिन्दुबीच सानो तर महत्त्वपूर्ण कटौती गरेका छन्। कटौतीको यो लहरले बजारमा ‘सस्तो निक्षेप’ नै बैंकहरूको हालको प्राथमिकता भएको संकेत गर्छ।

NEPSE TRADING

·

16 Sep, 2025

सुन र चाँदीको मूल्यले नयाँ रेकर्ड कायम, बजारमा ऐतिहासिक उचाइ

Top

1 min read

सुन र चाँदीको मूल्यले नयाँ रेकर्ड कायम, बजारमा ऐतिहासिक उचाइ

भदौ ३१ गते, मंगलबार नेपाली बजारमा सुन र चाँदीको मूल्य ऐतिहासिक उच्चतामा पुगेका छन्। छापावाल सुन प्रतितोला १,९०० रुपैयाँले बढेर दुई लाख १७ हजार १०० रुपैयाँमा पुगेको छ भने चाँदी प्रतितोला २० रुपैयाँले बढेर दुई हजार ५९५ रुपैयाँमा कारोबार भएको छ। यससँगै दुवै धातुको मूल्यले नयाँ रेकर्ड कायम गरेका छन्।

NEPSE TRADING

·

16 Sep, 2025

जेनजी आन्दोलन : नेपालको बीमा इतिहासकै सबैभन्दा ठूलो दाबी हुने

Investor

2 min read

जेनजी आन्दोलन : नेपालको बीमा इतिहासकै सबैभन्दा ठूलो दाबी हुने

जेनजी आन्दोलन : नेपालको बीमा इतिहासकै सबैभन्दा ठूलो दाबी हुने भदौ २३ र २४ गते देशभर फैलिएको जेनजी आन्दोलनले नेपाली समाजलाई मात्र होइन, वित्तीय क्षेत्रमा समेत गहिरो घाउ बनाइदिएको छ। राजधानीदेखि बाहिरी शहरसम्म भएको तोडफोड, आगजनी र लुटपाटका कारण बीमा कम्पनीहरूमा हालसम्मकै सबैभन्दा ठूलो दाबी पर्ने आकलन गरिएको छ। बीमा कम्पनीहरूको छातामन्त्री संस्था नेपाल बीमक संघका अध्यक्ष तथा सिद्धार्थ प्रिमियर इन्स्योरेन्सका प्रमुख कार्यकारी अधिकृत वीरेन्द्र वैदावर क्षेत्रीका अनुसार यस पटकको क्षतिको परिमाण २०७२ सालको भूकम्पभन्दा पनि धेरै ठूलो हुन सक्नेछ। “सबैभन्दा धेरै दाबी भाटभटेनी सुपर स्टोर र हिल्टन होटलतर्फबाट आउने देखिन्छ,” उनले भने। भाटभटेनी सुपर स्टोरका २८ शाखामध्ये २१ वटामा क्षति पुगेको छ। तीमध्ये १२ शाखा पूर्णरूपमा नष्ट भएका छन्। काठमाडौंको नक्साल र चुच्चेपाटी शाखा पूर्णरूपमा जलेर खरानी बनेका छन् भने महाराजगञ्ज, कोटेश्वरलगायतका शाखा पनि ध्वस्त भएका छन्। उपत्यकाबाहिर धरान, विराटनगर, दमक, बिर्तामोडका शाखा समेत जलेर खरानी बनेका छन्।

NEPSE TRADING

·

16 Sep, 2025

अध्ययनका लागि मात्र एक महिनामा १४ अर्बभन्दा बढी रुपैयाँ विदेशियो

Top

1 min read

अध्ययनका लागि मात्र एक महिनामा १४ अर्बभन्दा बढी रुपैयाँ विदेशियो

अध्ययनका लागि मात्र एक महिनामा १४ अर्बभन्दा बढी रुपैयाँ विदेशियो देशभित्रै विश्वविद्यालय, कलेज र शैक्षिक संस्था भए पनि विदेशिने विद्यार्थीको संख्या झन् बढ्दै गएको छ। नेपाल राष्ट्र बैंकले सोमबार सार्वजनिक गरेको तथ्यांकअनुसार चालु आर्थिक वर्षको पहिलो महिनामा मात्र अध्ययनका लागि रु १४ अर्ब ३१ करोड बराबरको रकम विदेशिएको छ। गत आर्थिक वर्षको सोही अवधिमा अध्ययनका लागि रु १४ अर्ब ९६ करोड व्यय भएको थियो। यस वर्षको खर्च अलि कम भए पनि अध्ययनका लागि विदेशिने प्रवृत्ति अझै उच्च नै देखिएको राष्ट्र बैंकको प्रतिवेदनमा उल्लेख छ। शिक्षासँगै सेवा खातामा समेत ठूलो रकम बाहिरिएको छ। समीक्षा अवधिमा भ्रमण व्यय २.८ प्रतिशतले घटेर रु २१ अर्ब ७० करोड पुगेको छ। अघिल्लो वर्षको सोही अवधिमा भ्रमण व्यय रु २२ अर्ब ३२ करोड थियो।

NEPSE TRADING

·

16 Sep, 2025

आन्दोलनमा सिंहदरबार वरिपरिकै सरकारी निकायका ४४४ साना गाडी र ६०९ मोटरसाइकल जले

Top

1 min read

आन्दोलनमा सिंहदरबार वरिपरिकै सरकारी निकायका ४४४ साना गाडी र ६०९ मोटरसाइकल जले

आन्दोलनमा सिंहदरबार वरिपरिकै सरकारी निकायका ४४४ साना गाडी र ६०९ मोटरसाइकल जले हालैको आन्दोलनका क्रममा सिंहदरबार र आसपासका सरकारी निकायमा रहेका ठूलो संख्यामा सवारीसाधनमा आगजनी भएको तथ्याङ्क सार्वजनिक भएको छ। गोरखापत्रमा प्रकाशित विवरणअनुसार सबैभन्दा बढी सडक विभागका ६५ वटा साना गाडी जलेका छन्। त्यसपछि सर्वोच्च अदालतका ५१ वटा, सहरी विकास तथा भवन निर्माण विभागका ५० वटा, प्रधानमन्त्री तथा मन्त्रिपरिषद् कार्यालयका ४७ वटा, अर्थ मन्त्रालयका ३६ वटा, र संघीय मामिला तथा सामान्य प्रशासन मन्त्रालयका ३५ वटा सवारी साधन नष्ट भएका छन्।

NEPSE TRADING

·

16 Sep, 2025

Investor

1 min read

एचएलआई लार्ज क्याप फण्डको इकाइ बाँडफाँट

एचएलआई लार्ज क्याप फण्डको इकाइ बाँडफाँट सम्पन्न हिमालयन इन्भेष्टमेन्ट बैंकर लिमिटेडले सञ्चालन गरेको ‘एचएलआई लार्ज क्याप फण्ड’को इकाइ बाँडफाँट भदौ ३० गते सम्पन्न भएको छ। कम्पनीले भदौ १५ गतेदेखि १९ गतेसम्म बिक्री खुला गरेको उक्त योजना अत्यधिक मागसहित सम्पन्न भएको हो। प्रतिइकाइ १० रुपियाँ अंकित दरमा कुल ४ अर्ब रुपियाँबराबरको ४० करोड इकाइ निष्काशन गरिएकोमा, बीजपुँजी स्वरूप ५० प्रतिशत अर्थात् २ अर्ब रुपियाँ बराबरको २० करोड इकाइ कोष प्रवद्र्धक हिमालयन लाइफ इन्स्योरेन्सलाई सुरक्षित गरिएको थियो। बाँकी न्यूनतम २ अर्ब रुपियाँबराबरको २० करोड इकाइ भने सर्वसाधारणका लागि खुला गरिएको थियो।

NEPSE TRADING

·

16 Sep, 2025

खानीखोला हाइड्रोपावरको हकप्रद आवेदन म्याद फेरि असोज ६ गतेसम्म

Investor

1 min read

खानीखोला हाइड्रोपावरको हकप्रद आवेदन म्याद फेरि असोज ६ गतेसम्म

खानीखोला हाइड्रोपावरको हकप्रद आवेदन म्याद फेरि असोज ६ गतेसम्म खानीखोला हाइड्रोपावर कम्पनी लिमिटेडले जारी गरेको हकप्रद शेयरमा आवेदन दिने म्याद दोस्रोपटक पनि थपिएको छ। कम्पनीले सुरुमा भदौ २३ गतेसम्म आवेदन दिने व्यवस्था गरेको थियो। तर पर्याप्त आवेदन नपरेपछि भदौ ३१ गतेसम्म लम्ब्याइएको थियो। देशमा देखिएको पछिल्लो जेन–जी घटनाक्रमका कारण कम्पनीले फेरि म्याद बढाउँदै असोज ६ गतेसम्म पुर्‍याएको छ। कम्पनीले हाल कायम ४६ करोड ५७ लाख १४ हजार ३०० रुपैयाँ बराबरको चुक्ता पुँजीको शतप्रतिशत अनुपातमा (१:१) हकप्रद शेयर निष्कासन गरिरहेको छ। यसअन्तर्गत प्रतिकित्ता १०० रुपैयाँ दरका ४६ लाख ५७ हजार १४३ कित्ता हकप्रद शेयर बिक्रीमा छन्।

NEPSE TRADING

·

16 Sep, 2025

साउनमा चालु खाता र शोधनान्तर दुवै बचतमा, प्रत्यक्ष लगानी भने घट्यो

Investor

1 min read

साउनमा चालु खाता र शोधनान्तर दुवै बचतमा, प्रत्यक्ष लगानी भने घट्यो

साउनमा चालु खाता र शोधनान्तर दुवै बचतमा, प्रत्यक्ष लगानी भने घट्यो काठमाडौं, भदौ — आर्थिक वर्ष २०८२/८३ को पहिलो महिनामा नेपालले चालु खाता र शोधनान्तर दुवै क्षेत्रमा बचत देखाएको छ। नेपाल राष्ट्र बैंकले सार्वजनिक गरेको तथ्याङ्कअनुसार विप्रेषण आप्रवाह, सेवा आय र अन्य वैदेशिक भुक्तानी सुधारसँगै देशको बाह्य क्षेत्र मजबुत बनेको हो। समीक्षा अवधिमा चालु खाता रु. ७८ अर्ब १४ करोडले बचतमा रहेको छ। अघिल्लो वर्ष सोही महिनामा यो बचत रु. ३३ अर्ब ८ करोड मात्र थियो। अमेरिकी डलरमा हेर्दा गत वर्ष चालु खाता २५ करोड डलर बचतमा रहेकामा यस वर्ष साउनमा यो ५६ करोड डलर पुगेको छ। यसले नेपालमा वैदेशिक विनिमय भुक्तानी क्षमतामा उल्लेखनीय सुधार भएको देखाउँछ। समीक्षा अवधिमा खुद पुँजीगत ट्रान्सफर रु. १ अर्ब ४ करोड पुगेको छ। गत वर्ष सोही महिनामा यो रकम रु. २२ करोड मात्र थियो। तर, प्रत्यक्ष वैदेशिक लगानी (इक्विटी मात्र) भने घटेर रु. ६९ करोडमा सीमित भएको छ। गत वर्ष साउनमा प्रत्यक्ष लगानी रु. ८० करोड आएको थियो। यसले लगानीकर्ताको सतर्कता अझै कायम रहेको देखाउँछ।

NEPSE TRADING

·

16 Sep, 2025

साउनमा विप्रेषण झण्डै ३० प्रतिशतले बढ्यो, श्रम स्वीकृति लिने संख्यामा पनि वृद्धि

Investor

1 min read

साउनमा विप्रेषण झण्डै ३० प्रतिशतले बढ्यो, श्रम स्वीकृति लिने संख्यामा पनि वृद्धि

साउनमा विप्रेषण झण्डै ३० प्रतिशतले बढ्यो, श्रम स्वीकृति लिने संख्यामा पनि वृद्धि काठमाडौं, भदौ — आर्थिक वर्ष २०८२/८३ को पहिलो महिनामा विप्रेषण आप्रवाहमा उल्लेख्य वृद्धि भएको छ। नेपाल राष्ट्र बैंकले सार्वजनिक गरेको तथ्याङ्कअनुसार साउन महिनामा विप्रेषण आप्रवाह २९.९ प्रतिशतले बढ्दै रु. १७७ अर्ब ४१ करोड पुगेको छ। गत वर्ष सोही अवधिमा विप्रेषण १७.७ प्रतिशतले बढेको थियो र जम्मा रु. १३६ अर्ब ६० करोडमा सीमित भएको थियो। नेपालले पाएको विप्रेषण रकम अमेरिकी डलरमा पनि उच्च वृद्धि देखिएको छ। समीक्षा अवधिमा डलरमा विप्रेषण आप्रवाह २५ प्रतिशतले बढेर १ अर्ब २७ करोड डलर पुगेको छ। गत वर्ष सोही अवधिमा यो वृद्धि दर १५.८ प्रतिशत थियो। यसले देखाउँछ कि नेपाली श्रमिकहरूले पठाउने रकम मात्र बढेको छैन, विनिमय दर र डलरमै पनि उल्लेख्य वृद्धि भएको छ।

NEPSE TRADING

·

16 Sep, 2025

सेवा खातामा घाटा निरन्तर, पर्यटन आय बढ्दा पनि शिक्षा खर्च उच्च

Investor

1 min read

सेवा खातामा घाटा निरन्तर, पर्यटन आय बढ्दा पनि शिक्षा खर्च उच्च

सेवा खातामा घाटा निरन्तर, पर्यटन आय बढ्दा पनि शिक्षा खर्च उच्च काठमाडौं, भदौ — चालु आर्थिक वर्ष २०८२/८३ को पहिलो महिनामा नेपालले सेवा खातामा अझै घाटा व्यहोर्नु परेको छ। नेपाल राष्ट्र बैंकले सार्वजनिक गरेको तथ्याङ्कअनुसार साउन महिनामा खुद सेवा आय रु. १३ अर्ब ३९ करोडले घाटा रहेको छ। गत वर्ष सोही अवधिमा यो घाटा रु. १५ अर्ब ६ करोड रहेको थियो। सेवा खातामै सकारात्मक पक्ष भनेको पर्यटन आयमा आएको वृद्धि हो। साउन महिनामा भ्रमण आय १२.७ प्रतिशतले बढेर रु. ५ अर्ब ३८ करोड पुगेको छ। गत वर्ष सोही महिनामा यो रकम रु. ४ अर्ब ७७ करोड मात्र थियो। पर्यटन क्षेत्रमा विदेशी आगन्तुकको चाप बढ्न थालेपछि आयमा वृद्धि भएको देखिन्छ।

NEPSE TRADING

·

16 Sep, 2025

साउनमा निर्यात संरचनामा उपभोग्य वस्तुको दबदबा, व्यापार सर्त ३.७ प्रतिशतले घट्यो

Investor

1 min read

साउनमा निर्यात संरचनामा उपभोग्य वस्तुको दबदबा, व्यापार सर्त ३.७ प्रतिशतले घट्यो

साउनमा निर्यात संरचनामा उपभोग्य वस्तुको दबदबा, व्यापार सर्त ३.७ प्रतिशतले घट्यो काठमाडौं, भदौ — नेपाल राष्ट्र बैंकले सार्वजनिक गरेको तथ्याङ्कअनुसार आर्थिक वर्ष २०८२/८३ को पहिलो महिनामा वैदेशिक व्यापार संरचना र मूल्य सूचकाङ्कमा उल्लेख्य परिवर्तन देखिएको छ। निर्याततर्फ अन्तिम उपभोग्य वस्तुको हिस्सा उच्च भए पनि आयाततर्फ मध्यवर्ती वस्तुको प्रभावकारी दबदबा देखिएको छ। समीक्षा अवधिमा कुल निर्यातमा अन्तिम उपभोग्य वस्तुको हिस्सा ६९.१ प्रतिशत पुगेको छ। मध्यवर्ती वस्तुको हिस्सा २९.९ प्रतिशत र पुँजीगत वस्तुको हिस्सा १ प्रतिशत मात्र रहेको छ। गत वर्ष सोही अवधिमा भने निर्यात संरचना फरक थियो — अन्तिम उपभोग्य वस्तुको हिस्सा ४४.३ प्रतिशत, मध्यवर्ती वस्तुको ५४.६ प्रतिशत र पुँजीगत वस्तुको १.१ प्रतिशत रहेको थियो। यसले देखाउँछ कि यसपटक निर्यातमा घरेलु उपभोगका वस्तुको भूमिका उच्च बनेको छ।

NEPSE TRADING

·

16 Sep, 2025