Top News
Stay informed and invest with latest NEPSE news and analysis.
1 min read
हिमालयन लाइफ इन्स्योरेन्स म्युचुअल फन्ड अन्तर्गत एचएलआई लार्ज क्याप फन्डको इकाईको सार्वजनिक निष्कासन र बिक्री खुला काठमाडौं । हिमालयन लाइफ इन्स्योरेन्स म्युचुअल फन्ड अन्तर्गत सञ्चालन हुने एचएलआई लार्ज क्याप फन्ड (HLI Large Cap Fund) को इकाई बिक्री खुला गरिएको छ। उक्त फन्डको अधिकतम १० अर्ब रुपैयाँ बराबरको १० करोड इकाई निष्कासन गरिएको छ।
NEPSE TRADING
·3 Sep, 2025
1 min read
दशैंअघि र पछाडिको नेप्से ट्रेन्डबारे विश्लेषक सुवासचन्द्र ढुंगानाको अध्ययन नेपाली पूँजी बजार विश्लेषक सुवासचन्द्र ढुंगानाले दशैंअघि र पछाडिको नेप्से ट्रेन्डबारे अघिल्ला पाँच वर्षको तथ्यांकसहितको अध्ययन सार्वजनिक गरेका छन्। उनले आफ्नो फेसबुक पेजमार्फत २०७७ देखि २०८१ सालसम्मको फूलपाती अघिल्लो कारोबार दिन, फूलपातीकै दिन र त्यसपछिका १५ कारोबार दिनसम्मको नेप्से परिसूचकको तुलना गर्दै बजारको चलनचल्तीको प्रवृत्ति प्रस्ट पारेका हुन्।
NEPSE TRADING
·3 Sep, 2025
1 min read
ग्लोबल आईएमई ब्यालेन्स फण्ड–१ को इकाइधनी दर्ता किताब बन्द हुने ग्लोबल आईएमई क्यापिटल लिमिटेडले सञ्चालित बन्दमुखी म्युचुअल फण्ड ‘ग्लोबल आईएमई ब्यालेन्स फण्ड–१’ को इकाइधनी दर्ता किताब (Book Closure) २०७९ भदौ २७ गते गर्ने भएको छ। कम्पनीको सञ्चालक समितिको १९४औं बैठकले १२ प्रतिशत नगद लाभांश (करीब १२ करोड ३० लाख रुपैयाँ) वितरण गर्ने निर्णय गरेपछि इकाइधनी दर्ता किताब बन्द गर्ने घोषणा गरिएको हो। सोही अनुसार भदौ २६ गतेसम्म नाम दर्ता भएका इकाइधनीहरू मात्र लाभांश पाउने योग्य हुनेछन्।
NEPSE TRADING
·3 Sep, 2025
1 min read
बुधबार नेपालमा सुनको मूल्य प्रतितोला २ हजारले बढ्दै २ लाख ७ हजार ९०० रुपैयाँमा पुगेर लगातार पाँचौं दिन नयाँ रेकर्ड कायम गरेको छ। यसैबीच, चाँदीको मूल्य भने ५ रुपैयाँले घटेर प्रतितोला २ हजार ४८० रुपैयाँमा झरेको छ, जुन मंगलबारको उच्च मूल्यभन्दा अलि कम हो।
NEPSE TRADING
·3 Sep, 2025
<1 min read
कुमारी क्यापिटल लिमिटेड : १७ प्रतिशत नगद लाभांश कुमारी क्यापिटल लिमिटेड (KCL) आफ्नो सातौं वार्षिक साधारण सभा (AGM) आगामी भदौ २५ गते बस्ने भएको छ। सभा कुमारी क्यापिटल लिमिटेड, नक्साल, काठमाडौंमा सोही दिन साँझ ५:०० बजे सुरु हुने कम्पनीले जनाएको छ। सभाले बोर्ड अफ डाइरेक्टरले प्रस्ताव गरेको १७ प्रतिशत नगद लाभांश (कर सहित) पारित गर्नेछ। उक्त लाभांशको कुल रकम ६ करोड ८० लाख रुपैयाँ बराबरको हुनेछ। यसका साथै, आर्थिक वर्ष २०८१/८२ को वित्तीय प्रतिवेदन स्वीकृत गर्ने, तथा आर्थिक वर्ष २०८२/८३ का लागि लेखापरीक्षक नियुक्त गर्ने लगायतका एजेन्डामाथि पनि सभाले निर्णय गर्नेछ।
NEPSE TRADING
·3 Sep, 2025
1 min read
आबिबि मर्चेन्ट बैंकिङ लिमिटेडले आजदेखि आरबिबि म्युचुअल फण्ड अन्तर्गत सञ्चालित हुने सामूहिक लगानी कोष ‘आरबिबि फोकस ४०’ को इकाई सार्वजनिक निष्काशन खुला गरेको छ। कम्पनीले प्रतिइकाई अंकित मूल्य १० रुपैयाँका दरले एक अर्ब रुपैयाँ बराबरका १० करोड इकाई निष्काशन गर्न लागेको हो। यसमा न्यूनतम १ करोड ४० लाख इकाई (१४ प्रतिशत) राष्ट्रिय वाणिज्य बैंक (कोष प्रबर्द्धक) का लागि र न्यूनतम १० लाख इकाई (१ प्रतिशत) आरबिबि मर्चेन्ट बैंकिङ (योजना व्यवस्थापक) का लागि सुरक्षित गरिएको छ। बाँकी ८ करोड ५० लाख इकाईका लागि सर्वसाधारणले आवेदन दिन सक्नेछन्।
NEPSE TRADING
·3 Sep, 2025
1 min read
हङकङमा ‘गोर्खाज फाइनान्स लिमिटेड’को शुभारम्भ हङकङमा नेपाली समुदायलाई लक्षित गरी गोर्खाज फाइनान्स लिमिटेडको भव्य शुभारम्भ गरिएको छ। शुभारम्भ कार्यक्रममा कम्पनीका निर्देशक आकाश बन्जाराले गोर्खाज फाइनान्सलाई हङकङमा नेपाली समाजका लागि एउटा बैंक सरहको संस्था बनाउने र नेपाली समुदायलाई एकीकृत गर्ने मुख्य उद्देश्य रहेको घोषणा गरे। नेपालबाट आएका नबिल बैंकका प्रमुख कार्यकारी अधिकृत मनोज ज्ञवाली र युवा उद्यमी हिक्मतजंग कार्कीलगायतका विशिष्ट अतिथिहरुको उपस्थितिमा सम्पन्न उक्त कार्यक्रममा कम्पनीको नेतृत्व डीके दाहाल, आकाश बन्जारा, बिबश सुवेदीसहित ४७ जना सेयरधनीहरूको टोलीले गरिरहेको जानकारी दिइयो।
NEPSE TRADING
·3 Sep, 2025
1 min read
ऊर्जा, जलस्रोत तथा सिँचाइमन्त्री दीपक खड्काले होटल व्यवसायलाई उत्पादनमूलक उद्योग सरह सुविधा दिने प्रतिबद्धता जनाएका छन्। मन्त्रालयमा जिल्ला होटल व्यवसायी सङ्घले बुझाएको ज्ञापनपत्र ग्रहण गर्दै मन्त्री खड्काले पर्यटनसँग प्रत्यक्ष जोडिएको संवेदनशील क्षेत्र भएकाले होटल व्यवसायलाई उत्पादनमुखी उद्योगको श्रेणीमा राखेर आवश्यक सहुलियत दिने विषयमा सरकार सकारात्मक रहेको स्पष्ट पारे। होटल व्यवसायी सङ्घले हालको अवस्थामा होटल व्यवसाय निरन्तर घाटामा गएको, सञ्चालन खर्च धान्न कठिन भएको भन्दै विद्युत् महसुल उत्पादनमुखी उद्योग सरह छुटको व्यवस्था गर्न आग्रह गरेको थियो।
NEPSE TRADING
·2 Sep, 2025
1 min read
एसवाई प्यानल नेपाललाई ५२ लाखभन्दा बढी कित्ता सेयर निष्कासनको अनुमति दक्षिण कोरियाली कम्पनी SY Co. Ltd. को सहायक कम्पनी एसवाई प्यानल नेपाल लिमिटेड ले सर्वसाधारणमा शेयर निष्कासन गर्ने अनुमति पाएको छ। नेपाल धितोपत्र बोर्डले कम्पनीलाई ५२ करोड ३२ लाख ५४ हजार ८०० रुपैयाँ बराबरको ५२ लाख ३२ हजार ५४८ कित्ता साधारण सेयर (आईपीओ) निष्कासन गर्न अनुमति दिएको हो। कम्पनीले यस कार्यका लागि प्रभु क्यापिटल लिमिटेडलाई बिक्री प्रबन्धकमा नियुक्त गरेको छ। एसवाई प्यानल नेपाल, एसियाकै नम्बर १ प्यानल निर्माता मानिने दक्षिण कोरियाली कम्पनी SY Co. Ltd. को सहायक कम्पनी हो। कम्पनीले उच्च गुणस्तरका EPS र PUF स्यान्डविच प्यानलहरू उत्पादन गर्दै आएको छ।
NEPSE TRADING
·2 Sep, 2025
1 min read
स्वस्तिक एग्रो इण्डष्ट्रिज लिमिटेडले आईपीओ ल्याउने तयारी, नबिल इन्भेष्टमेन्ट बिक्री प्रबन्धकमा नियुक्त स्वदेशी दुग्ध तथा दुग्धजन्य पदार्थ उत्पादनमा संलग्न स्वस्तिक एग्रो इण्डष्ट्रिज लिमिटेड ले सर्वसाधारणका लागि आईपीओ (प्राथमिक शेयर) निष्काशन गर्ने भएको छ। यसका लागि कम्पनीले नबिल इन्भेष्टमेन्ट बैंकिङ लिमिटेडलाई शेयर निष्काशन तथा बिक्री प्रबन्धकमा नियुक्त गरेको छ। आज सम्पन्न सम्झौतामा कम्पनीका अध्यक्ष तथा प्रबन्ध सञ्चालक सत्य नारायण झा र नबिल इन्भेष्टमेन्ट बैंकिङका प्रमुख कार्यकारी अधिकृत मनिष नारायण जोशीले हस्ताक्षर गरेका छन्। कम्पनीले धितोपत्र बोर्डका नियमावली अनुसार निकट भविष्यमा आवश्यक स्वीकृति प्राप्त गरी आईपीओ निष्काशन गर्ने जनाएको छ।
NEPSE TRADING
·2 Sep, 2025
1 min read
भूमि सम्बन्धी ऐन संशोधन विधेयक राष्ट्रियसभामा स्वीकृत प्रतिनिधिसभाबाट सन्देशसहित आएको ‘भूमिसम्बन्धी केही नेपाल ऐनलाई संशोधन गर्ने विधेयक, २०८२’ माथि विचार गरियोस् भन्ने प्रस्ताव राष्ट्रियसभाले बहुमतले स्वीकृत गरेको छ। मन्त्री बलराम अधिकारीले विधेयक प्रस्तुत गर्दै जग्गा व्यवस्थापन पारदर्शी र निष्पक्ष हुने प्रतिबद्धता व्यक्त गरे। उनका अनुसार प्रत्येक वडा र पालिकामा सबै दलको सहभागिता रहने सर्वदलीय समिति मार्फत काम हुने भएकाले कुनै प्रकारको बदमासी हुने छैन। जग्गा कमाएर पनि नाममा जग्गा नभएका अव्यवस्थित बसोबासीलाई बसोबासको व्यवस्था गरिने र जोखिमयुक्त क्षेत्रका बासिन्दालाई सुरक्षित स्थानमा सारिने उनको भनाइ थियो। बैठकमा सदस्यहरूले कृषि वा उद्यमका लागि राखिएका जग्गामा प्लटिङ गर्ने प्रवृत्ति, भूमिहीन र सुकुम्बासीको अधिकार, अव्यवस्थित बसोबासीको सुरक्षाको सवाल, साथै भू–माफिया र दलाललाई लाभ पुग्ने आशंका प्रष्ट पार्नुपर्नेमा जोड दिए। केही सदस्यहरूले सरकारी, सार्वजनिक र गुठी जग्गा अपचलन हुने सम्भावना देखिएकाले विधेयक पुनर्लेखन गर्नुपर्ने मागसमेत गरे। त्यसैगरी, विधायन व्यवस्थापन समितिका सभापति तुलसाकुमारी दाहालले ‘सङ्घीय निजामती सेवा विधेयक, २०८०’ सम्बन्धी समितिको प्रतिवेदन पेस गर्दै निजामती कर्मचारीले अवकाश लिएपछि दुई वर्षसम्म अन्यत्र नियुक्ति नपाउने व्यवस्था गरिएको जानकारी दिइन्।
NEPSE TRADING
·2 Sep, 2025
1 min read
एसियाली बजार : सुनको मूल्य ऐतिहासिक उचाइमा, सेयर बजार मिश्रित कमजोर डलर र अमेरिकी ब्याजदर कटौतीको अपेक्षाले लगानीकर्ताहरूलाई सुरक्षित आश्रयतर्फ धकेलेपछि मङ्गलबार अन्तर्राष्ट्रिय बजारमा सुनको मूल्य ऐतिहासिक उचाइमा पुगेको छ। एसियाली बजारको प्रारम्भिक कारोबारमा सुन प्रति औँस ३,५०१.५९ अमेरिकी डलरसम्म पुगेको छ, जुन यसअघि अप्रिलमा बनेको ३,५००.० डलरको रेकर्डभन्दा माथि हो। स्विसकोट बैंककी इपिक ओजकार्डेस्कायाका अनुसार यो वृद्धि नरम डलर मात्र नभई, विदेशी केन्द्रीय बैंक र संस्थागत लगानीकर्ताहरूको बढ्दो मागले पनि देखाएको हो। अमेरिकी ऋणप्रति बढ्दो चिन्ता, व्यापार तनाव र भू–राजनीतिक जोखिमका कारण यस वर्ष ठूलो मात्रामा लगानी सुनतर्फ मोडिएको उनको भनाइ छ।
NEPSE TRADING
·2 Sep, 2025
1 min read
लघुवित्त पीडित आन्दोलन थप सशक्त हुँदै, नयाँ विद्रोहको चेतावनी लघुवित्त तथा वित्तीय शोषण विरुद्ध संघर्ष गर्दै आएका पीडितहरुले आफ्नो आन्दोलनलाई अझै सशक्त बनाउने घोषणा गरेका छन्। मंगलबार राजधानीमा आयोजित कार्यक्रममा चार वर्षदेखि निरन्तर संघर्ष गरिरहे पनि न्याय नपाएको भन्दै उनीहरुले नयाँ आन्दोलनका कार्यक्रम सार्वजनिक गरेका हुन्। लघुवित्त तथा वित्तीय शोषण विरुद्धको संघर्ष समिति नेपालका अध्यक्ष मनिराम ज्ञवालीले वैशाख २०८३ सम्म पनि माग सम्बोधन नभए राष्ट्रिय सम्मेलनपछि विद्रोह सुरु गर्ने चेतावनी दिए। उनले राजनीतिक दलहरुले वित्तीय दलाल र माफियालाई संरक्षण गरे सडकबाटै लखेट्ने उद्घोषसमेत गरे।
NEPSE TRADING
·2 Sep, 2025
2 min read
दुई दिनको ठुलो गिरावटपछि सोमबार थोरै सुधार देखिएको नेप्से मंगलबार फेरि ओरालो लागेको छ। यस दिन नेप्से १९.८९ अंकले घटेर २,७४१.९७ विन्दुमा पुगेको छ। कारोबार रकम पनि घट्दै ५ अर्ब १० करोड रुपैयाँबाट ४ अर्ब ४३ करोड रुपैयाँमा सीमित भएको छ। विश्लेषकहरूले घट्दो कारोबारलाई आगामी सुधारको संकेतका रूपमा व्याख्या गरेका छन्। मंगलबारका सबै १३ उपसमूहमा गिरावट आयो। तीमध्ये व्यापार उपसमूह सबैभन्दा धेरै १.९६% ले घट्यो। नेपाल पुनर्बीमा कम्पनीको २२ करोड ७० लाख रुपैयाँ सबैभन्दा ठूलो कारोबार रह्यो भने हिमालयन रिइन्स्योरेन्स र यूनियन हाइड्रोपावर पछिपछि रहे। हिम स्टार उर्जा सर्किट लेभलमा पुगेको छ भने उन्नती सहकार्य लघुवित्त ७.४७% ले घटेको छ। आइजीन विवाद, भारित औसत गणनाविधि, मार्जिन कारोबार र नियामक नीतिहरु बजारमा मुख्य बहसको विषय बनेका छन्। प्राविधिक विश्लेषणले बजारलाई अहिले साइडवेज अवस्थामा देखाएको छ र लगानीकर्ताले पर्ख र हेर रणनीति अपनाउनु पर्ने सुझाव दिइएको
NEPSE TRADING
·2 Sep, 2025
1 min read
राष्ट्र बैंकद्वारा ‘सिस्टमेटिकली इम्पोर्टेन्ट पेमेन्ट सिस्टम्स (SIPS) फ्रेमवर्क’ सार्वजनिक नेपाल राष्ट्र बैंकले भुक्तानी प्रणालीहरूको पहिचान र जोखिम न्यूनीकरणका लागि सिस्टमेटिकली इम्पोर्टेन्ट पेमेन्ट सिस्टम्स (SIPS) फ्रेमवर्क सार्वजनिक गरेको छ। भुक्तानी तथा सेटलमेन्ट ऐन, २०७६ को प्रावधानअनुसार जारी गरिएको यो फ्रेमवर्कले अन्तर्राष्ट्रिय मापदण्डको पालना गर्दै प्रणालीगत रूपमा महत्वपूर्ण भुक्तानी प्रणाली (SIPS) को पहिचान र नियमन गर्ने लक्ष्य राखेको छ।
NEPSE TRADING
·2 Sep, 2025
1 min read
अर्थ मन्त्रालयमा अर्थमन्त्री र विश्व बैंक उपाध्यक्षबीच भेट उपप्रधानमन्त्री तथा अर्थमन्त्री विष्णुप्रसाद पौडेल र विश्व बैंकका दक्षिण एशिया क्षेत्रका उपाध्यक्ष जोहानेस जुटबीच मंगलबार अर्थ मन्त्रालयमा शिष्टाचार भेट भएको छ। भेटमा अर्थतन्त्र, शहरी भौतिक पूर्वाधार, लगानी, पर्यटन, वातावरण लगायतका विषयमा विस्तृत छलफल गरिएको थियो।
NEPSE TRADING
·2 Sep, 2025
1 min read
धौलागिरी लघुवित्तका प्रवर्द्धक तथा कर्मचारी सेयरको लक–इन अवधि सकिँदै धौलागिरी लघुवित्त वित्तीय संस्था लिमिटेड (DLBS) ले आफ्नो प्रवर्द्धक तथा कर्मचारी सेयरको लक–इन अवधि आगामी असोज १९ गते, २०८२ मा समाप्त हुने जानकारी सार्वजनिक गरेको छ। नेपाल धितोपत्र बोर्ड (सेबोन) द्वारा जारी हालैको निर्देशिका अनुसार, कम्पनीले लगानीकर्ता तथा सरोकारवालालाई प्रवर्द्धक र कर्मचारीले राखेका सेयरको लक–इन अवधि समाप्त हुने जानकारी गराएको हो। धौलागिरी लघुवित्तका कुल १३ लाख ३१ हजार कित्ता सेयर नेप्सेमा सूचीकरण भइसकेका छन्। तीमध्ये प्रवर्द्धकले २ लाख १ हजार कित्ता र कर्मचारीले १ हजार ५०० कित्ता सेयर राखेका छन्, जुन तीन वर्षअघि आईपीओ बाँडफाँड भएपछि लक–इन अवधिमा रहेका थिए।
NEPSE TRADING
·2 Sep, 2025
1 min read
नबिल म्युचुअल फन्ड अन्तर्गत NI 31 योजनाको इकाई बाँडफाँड सम्पन्न नबिल बैंक लिमिटेडले कोष प्रवर्द्धकको रूपमा र नबिल इन्भेष्टमेन्ट बैंकिङ लिमिटेडले जारीकर्ता तथा बिक्री प्रबन्धकको रूपमा नबिल म्युचुअल फन्ड अन्तर्गतको खुला प्रकारको NI 31 म्युचुअल फन्ड योजनाको इकाई बाँडफाँड सम्पन्न गरेको छ। प्रति इकाई १० रुपैयाँ अंकित दरका २ करोड ५० लाख इकाईमध्ये पहिलो चरणमा १ करोड ५० लाख इकाई निष्कासन गरिएको थियो। यसमध्ये ३७ लाख ५० हजार इकाई कोष व्यवस्थापकका लागि सुरक्षित राखिएको र बाँकी १ करोड १२ लाख ५० हजार इकाई २०८२ साल साउन ३० गतेदेखि भदौ ३ गतेसम्म सर्वसाधारणलाई बिक्री गरिएको हो।
NEPSE TRADING
·2 Sep, 2025
1 min read
बुंगल हाइड्रोको आईपीओ पहिलो दिनमै ४.२३ गुणा बढी माग बुंगल हाइड्रो लिमिटेडले भदौ १६ गतेदेखि निष्कासन तथा बिक्री खुला गरेको प्रारम्भिक सार्वजनिक निष्कासन (आईपीओ)मा पहिलो दिनमै मागभन्दा धेरै आवेदन परेको छ। कम्पनीले सर्वसाधारणका लागि प्रतिकित्ता १०० रुपैयाँ अंकित मूल्यका १७ लाख १ हजार ५०० कित्ता साधारण सेयर निष्कासनमा ल्याएको हो, जसको कुल मूल्य १७ करोड १ लाख ५० हजार रुपैयाँ बराबर हुन्छ। सिडिएस एण्ड क्लिरिङका अनुसार हिजो साँझ ५ बजेसम्ममा ६ लाख ३६ हजार ४८७ लगानीकर्ताबाट जम्मा ७२ लाख ८ हजार ३६० कित्ता सेयरका लागि आवेदन परेको छ। यो माग निष्कासित संख्याको ४.२३ गुणा बढी हो।
NEPSE TRADING
·2 Sep, 2025
