NEPSE Trading

बजारबाट ६० अर्ब रुपैयाँ निक्षेप संकलन गर्दै राष्ट्र बैंक, आज असार ८ मा बोलकबोल

बजारबाट ६० अर्ब रुपैयाँ निक्षेप संकलन गर्दै राष्ट्र बैंक, आज असार ८ मा बोलकबोल बजारमा अधिक तरलता देखिएपछि नेपाल राष्ट्र बैंकले आज आइतबार (असार ८ गते) ६० अर्ब रुपैयाँसम्मको निक्षेप संकलन गर्न लागेको छ । राष्ट्र बैंकको मौद्रिक व्यवस्थापन विभागमार्फत ४२ दिनका लागि निक्षेप संकलन बोलकबोल प्रक्रियाबाट सो रकम संकलन गरिनेछ । यस बोलकबोल प्रक्रियामा राष्ट्र बैंकबाट इजाजतप्राप्त "क", "ख" र "ग" वर्गका बैंक तथा वित्तीय संस्थाहरू मात्र सहभागी हुन सक्नेछन् । बोलकबोल ब्याजदरमा हुनेछ भने बहुब्याजदरको आधारमा पनि बहुबोलकबोल गर्न सकिनेछ । आवेदन दिने क्रममा संस्थाले निक्षेपको रकम र ब्याजदर (दशमलव पछाडिको चार अंकसम्म) उल्लेख गर्नुपर्नेछ । बोलकबोलका लागि आवेदन राष्ट्र बैंकको अनलाइन बिडिङ सिस्टम सफ्टवेयरमार्फत आज अपरान्ह ३ बजेभित्र दिइसक्नुपर्नेछ ।

NEPSE TRADING22 Jun, 20251 min read

Investor

AVYAN अभियान लघुवित्तले मर्जर प्रस्तावसहित वार्षिक साधारणसभा असार ३० गते बोलायो

अभियान लघुवित्तले मर्जर प्रस्तावसहित वार्षिक साधारणसभा असार ३० गते बोलायो अभियान लघुवित्त वित्तीय संस्था लिमिटेडले मर्जर प्रस्तावसहित वार्षिक साधारणसभा आह्वान गरेको छ । कम्पनीको साधारणसभा यही असार ३० गते मध्यान्ह १२:30 बजे ताम्राकार पार्टी भेन्यु, पनौतीमा बस्नेछ । सभामा उपयुक्त लघुवित्त वित्तीय संस्थासँग मर्जर प्रक्रिया अघि बढाउन आवश्यक सम्पूर्ण कार्य गर्न तथा आवश्यक परेमा प्रबन्धपत्र र नियमावली संशोधन गर्न सञ्चालक समितिलाई अधिकार दिने प्रस्ताव पेश गरिनेछ । यस वर्ष शेयरधनीलाई लाभांश वितरण नगर्ने निर्णय गरिएको छ । सभाले अघिल्लो आर्थिक वर्षका सम्पूर्ण वित्तीय विवरणमाथि छलफल गरी पारित गर्नुका साथै चालू आर्थिक वर्षका लागि लेखापरीक्षकको नियुक्ति र निजको पारिश्रमिक निर्धारण गर्नेछ । साधारणसभा प्रयोजनार्थ कम्पनीले असार १६ गते १ दिनका लागि बुक क्लोज गर्नेछ । त्यसैले असार १५ गतेसम्म नेप्सेमा कायम रहेका शेयरधनीहरूले मात्र सभामा भाग लिन सक्नेछन् ।

NEPSE TRADING22 Jun, 20251 min read

Investor

GBLBS ग्रामीण विकास लघुवित्त र समाज लघुवित्त वित्तीय संस्था लिमिटेडबीच मर्जर हुने

ग्रामीण विकास लघुवित्त वित्तीय संस्था लिमिटेडले मर्जर प्रस्तावसहित १०औं वार्षिक साधारणसभा आह्वान गरेको छ । असार ५ गते बसेको सञ्चालक समितिको बैठकले उक्त सभा असार २८ गते बिहान ११ बजे बुटवलस्थित संस्थाको प्रधान कार्यालयमा गर्ने निर्णय गरेको हो । सभामा विशेष प्रस्तावअन्तर्गत ग्रामीण विकास लघुवित्त र समाज लघुवित्त वित्तीय संस्था लिमिटेडबीच मर्जर प्रक्रिया अघि बढाउने प्रस्ताव पेश हुनेछ । मर्जरपछि दुवै संस्थाबीच १ः१ को अनुपातमा शेयर आदानप्रदान गरिनेछ । हाल ग्रामीण विकास लघुवित्तको जारी तथा चुक्ता पुँजी ९८ करोड २५ लाख रुपैयाँ रहेको छ भने समाज लघुवित्तको चुक्ता पुँजी २ करोड २८ लाख ५० हजार रुपैयाँ छ । मर्जरपश्चात् शेयर संरचनामा परिवर्तन हुने भएकाले कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पनि सभामा पेश गरिनेछ ।

NEPSE TRADING22 Jun, 20251 min read

Top

नेपाली बजारमा सुन र चाँदीको मूल्य वृद्धि

असार ८ गते, आइतबार नेपाली बजारमा सुन र चाँदीको मूल्य बढेको छ। छापावाल सुन प्रतितोला ५०० रुपैयाँले बढेर १ लाख ९५ हजार २०० रुपैयाँ पुगेको छ भने चाँदी १० रुपैयाँले बढेर २ हजार १६० रुपैयाँमा कारोबार भएको छ।

NEPSE TRADING22 Jun, 2025<1 min read

Top

(ALICL) एशियन लाइफ इन्स्योरेन्सले असार २५ गतेदेखि ४२ प्रतिशत हकप्रद शेयर निष्कासन गर्ने

(ALICL) एशियन लाइफ इन्स्योरेन्सले असार २५ गतेदेखि ४२ प्रतिशत हकप्रद शेयर निष्कासन गर्ने (ALICL) एशियन लाइफ इन्स्योरेन्स कम्पनी लिमिटेडले यही असार २५ गतेदेखि ४२ प्रतिशत हकप्रद शेयर निष्कासन गर्ने भएको छ । कम्पनीले नेपाल धितोपत्र बोर्ड (सेबोन) बाट हाल कायम चुक्तापुँजीको अनुपातमा १ः०.४२ अर्थात् ४२ प्रतिशत हकप्रद शेयर निष्कासनको स्वीकृति पाइसकेको छ । यसअनुसार कम्पनीले प्रति कित्ता १०० रुपैयाँ अंकित दरमा कुल १ करोड ४२ लाख ७९ हजार ३१२.४८ कित्ता हकप्रद शेयर बिक्री गर्न लागेको हो ।

NEPSE TRADING22 Jun, 20251 min read

Investor

दोस्रो बजारमा दोर्दी खोला जलविद्युत कम्पनीको संस्थापक सेयर कारोबार खुला

दोस्रो बजारमा दोर्दी खोला जलविद्युत कम्पनीको संस्थापक सेयर कारोबार खुला दोर्दी खोला जलविद्युत कम्पनी लिमिटेडको संस्थापक सेयर आज आइतबार (असार ८ गते)देखि दोस्रो बजारमा कारोबार गर्न सकिने भएको छ । कम्पनीको तीन वर्षे लकइन अवधि हिजो शनिबार (असार ७ गते) समाप्त भएपछि नेप्सेमा सेयर किनबेचको अनुमति खुलेको हो । कम्पनीको कुल ८४ लाख १२ हजार ९६० कित्ता सेयरको लकइन अवधि सकिएको छ । यसमध्ये ७५ लाख ९० हजार ६७५ कित्ता सेयर संस्थापक समूहका, ७ लाख ५६ हजार ४२० कित्ता आयोजना प्रभावित स्थानीयका, र ६५ हजार ८६५ कित्ता सेयर कर्मचारी स्वामित्वका रहेका छन् ।

NEPSE TRADING22 Jun, 20251 min read

Top

आर्थिक वर्ष २०८२/८३ का लागि धितोपत्र बजार नीति तर्जुमा गर्न धितोपत्र बोर्डद्वारा सरोकारवालासँग सुझाव संकलन

नेपाल धितोपत्र बोर्डले आर्थिक वर्ष २०८२/८३ का लागि धितोपत्र तथा वस्तु विनिमय बजार सम्बन्धी नीति तथा कार्यक्रम तर्जुमाका लागि सरोकारवालासँग सुझाव संकलन कार्यक्रम सम्पन्न गरेको छ। बोर्ड अध्यक्ष सन्तोष नारायण श्रेष्ठले पुँजी बजारको विकासमा सबै पक्षको सहकार्य आवश्यक रहेको बताए। नेप्से, सिडिएस, दलाल, लगानीकर्ता र सञ्चारकर्मीहरूको सुझाव आगामी योजनामा समावेश गरिनेछ।

NEPSE TRADING22 Jun, 20251 min read

Top

रियल सेक्टर विस्तारमैत्री मौद्रिक नीति अपरिहार्य : योजना आयोग सदस्य श्रेष्ठ

रियल सेक्टर विस्तारमैत्री मौद्रिक नीति अपरिहार्य : योजना आयोग सदस्य श्रेष्ठ काठमाडौं, असार ६ – राष्ट्रिय योजना आयोगका सदस्य डा. प्रकाशकुमार श्रेष्ठले रियल सेक्टरको विस्तारलाई प्राथमिकतामा राख्ने गरी आगामी मौद्रिक नीति आउनुपर्ने बताएका छन्। शुक्रबार काठमाडौंमा नेपाल आर्थिक पत्रकार संघ (नाफिज) र नविल बैंकको सहकार्यमा सुरु भएको दुईदिने "एडभान्स बैकिङ ट्रेनिङ फर इकोनोमिक जर्नालिष्ट" कार्यक्रममा बोल्दै डा. श्रेष्ठले आर्थिक समृद्धिका लागि वास्तविक क्षेत्र (रियल सेक्टर) को विकास अनिवार्य भएको स्पष्ट पारे। उनका अनुसार अहिलेको आर्थिक शिथिलताले बैकिङ प्रणालीमा समेत असर पारेको छ। “रियल सेक्टर विस्तार हुन नसक्दा बैंकमा पनि असर देखिन थालेको छ,” उनले भने, “यसकारण वास्तविक क्षेत्रको विस्तारमार्फत अर्थतन्त्रमा गतिशीलता ल्याउनुपर्ने बेला आएको छ।”

NEPSE TRADING20 Jun, 20251 min read

Top

नेपालको वैदेशिक व्यापारमा १८.८० प्रतिशतको वृद्धिः निर्यात ७७.७७ प्रतिशतले बढ्यो

नेपालको वैदेशिक व्यापारमा १८.८० प्रतिशतको वृद्धिः निर्यात ७७.७७ प्रतिशतले बढ्यो चालु आर्थिक वर्ष २०८१/८२ को पहिलो ११ महिनामा नेपालको समग्र वैदेशिक व्यापारमा १८.८० प्रतिशतको उल्लेखनीय वृद्धि भएको छ। भन्सार विभागको तथ्यांक अनुसार यस अवधिमा कुल वैदेशिक व्यापार १८ खर्ब ९२ अर्ब ३६ करोड रुपैयाँ नाघेको छ, जुन अघिल्लो वर्षको सोही अवधिको तुलनामा ३ खर्ब बढी हो। आयाततर्फ यस वर्ष १६ खर्ब ४४ अर्ब रुपैयाँ बराबरको वस्तु भित्रिएको छ, जुन अघिल्लो वर्षको तुलनामा १३.१५ प्रतिशतले वृद्धि हो। मुख्यतया डिजेल, सोयाबिन तेलको कच्चा पदार्थ, पेट्रोल र एलपी ग्यास जस्ता वस्तुको आयात उच्च रहेको देखिन्छ। डिजेलको मात्र १ खर्ब १५ अर्ब रुपैयाँभन्दा बढीको आयात भएको छ। निर्यात पक्षमा ऐतिहासिक वृद्धि देखिएको छ। चालु वर्षको ११ महिनामा नेपालले २ खर्ब ४७ अर्ब ५७ करोड रुपैयाँ बराबरको वस्तु निर्यात गरेको छ, जुन अघिल्लो वर्षको तुलनामा ७७.७७ प्रतिशतले बढी हो। निर्यातमा प्रमुख योगदान सोयाबिन तेल र त्यससँग सम्बन्धित सामग्रीहरूले गरेका छन्, जसको निर्यातमात्र ९३ अर्ब ५१ करोड रुपैयाँ पुगेको छ। त्यसपछि सूर्यमुखी तेल (११.३३ अर्ब) र कार्पेट/टेक्सटाइल (९.७८ अर्ब) मुख्य निर्यात सामग्री बनेका छन्।

NEPSE TRADING20 Jun, 20251 min read

Top

राष्ट्रिय बिमा कम्पनीको असार २९ गते साधारण सभा, लाभांश वितरण नहुने

राष्ट्रिय बिमा कम्पनी लिमिटेडले असार २९ गते शंखमूल, काठमाडौंमा वार्षिक साधारण सभा बोलाएको छ । यस पटक कम्पनीले लाभांश वितरण नगर्ने भएको छ । सभा आर्थिक वर्ष २०७५/७६ र २०७६/७७ को प्रतिवेदनमा केन्द्रित हुनेछ । असार २२ गतेसम्म कायम सेयरधनी मात्र सभामा सहभागी हुन सक्नेछन् ।

NEPSE TRADING20 Jun, 2025<1 min read

Top

सुन र चाँदीको मूल्य घट्यो, कारोबार मूल्य कति ?

असार ६, शुक्रबार नेपाली बजारमा सुन र चाँदीको मूल्य घटेको छ। छापावाल सुन प्रतितोला ८०० रुपैयाँले घटेर १,९४,७०० रुपैयाँमा कारोबार भइरहेको छ भने चाँदी ५० रुपैयाँले घटेर प्रतितोला २,१५० रुपैयाँमा पुगेको छ।

NEPSE TRADING20 Jun, 20251 min read

Top

एलआईसी नेपालले १०% बोनससहित २३ औं साधारण सभा आह्वान, बुक क्लोज २०८२/०३/२६

एलआईसी नेपालले २३औं वार्षिक साधारण सभा २०८२/०४/३० गते जावलाखेलस्थित नेपाल प्रशासनिक प्रशिक्षण प्रतिष्ठानमा गर्ने भएको छ। कम्पनीले १०% बोनस शेयर प्रस्ताव गरेको छ भने नगद लाभांश छैन। शेयरधनी दर्ता बन्द (बुक क्लोज) मिति २०८२/०३/२६ गते तोकिएको छ। सो मितिसम्म नाम दर्ता भएका शेयरधनीहरू सभामा सहभागी हुन र बोनस शेयर पाउन योग्य हुनेछन्।

NEPSE TRADING19 Jun, 20251 min read

Top

युनाइटेड अजोड इन्स्योरेन्सको लाभांश घोषणा

युनाइटेड अजोड इन्स्योरेन्सले गत वर्षको नाफाबाट १०% बोनस शेयर र ०.५२६३% नगद लाभांश वितरण गर्ने प्रस्ताव गरेको छ। असार ४ गते बसेको सञ्चालक समितिको बैठकले निर्णय गरेको हो। बीमा प्राधिकरणको स्वीकृति र वार्षिक सभापछि वितरण हुनेछ।

NEPSE TRADING19 Jun, 2025<1 min read

Investor

एनआरएनका लागि नेपाली शेयर बजार खुला : अब नेपाली रुपैयाँमै लगानी र रकम फिर्ता सहज

एनआरएनका लागि नेपाली शेयर बजार खुला : अब नेपाली रुपैयाँमै लगानी र रकम फिर्ता सहज अब गैरआवासीय नेपाली (एनआरएन)हरूले नेपाली रुपैयाँमै नेपालका इन्भेष्टमेन्ट कम्पनीमा शेयर आवेदन दिन र लगानी तथा मुनाफा सहजै फिर्ता लैजान सक्ने व्यवस्था भएको छ। नेपाल राष्ट्र बैंकले विदेशी लगानी तथा विदेशी ऋण व्यवस्थापन विनियमावलीमा चौथो संशोधन गर्दै यस्तो सहजता ल्याएको हो। राष्ट्र बैंकले बुधबार सूचना जारी गर्दै विदेशी विनिमय व्यवस्थापन ऐन, २०१९ को दफा १०(क) अनुसार विनियमावली २०७८ मा आवश्यक संशोधन गरेको जनाएको छ। अब एनआरएनले इन्भेष्टमेन्ट कम्पनीको शेयर खरिद गर्न विदेशी लगानी स्वीकृतिपूर्व नै रकम नेपाल ल्याउन सक्नेछन्। स्वीकृति पछि मात्र लगानी प्रक्रिया अघि बढ्ने हो भन्ने अड्चन अब हटेको छ। संशोधनअनुसार, एनआरएनहरूले नेपाली बैंकमा नेपाली रुपैयाँमै खाता खोली त्यही खाताबाट आईपीओ आवेदन दिन सक्नेछन्। यसअघि विदेशी मुद्रामै खाता खोल्नुपर्ने र लगानी गर्नुपर्ने जटिलता हटाइएको छ। यससँगै एनआरएनहरूको १० अर्ब चुक्ता पुँजीमा आधारित एनडीएफ (NRN Development Fund) मार्फत ८ अर्ब ५० करोड रुपैयाँ बराबरको आईपीओ ल्याउन बाटो खुलेको छ।

NEPSE trading 19 Jun, 20252 min read

Top

हालैको वृद्धिपछि नेपाली बजारमा सुन र चाँदीको मूल्यमा गिरावट

असार ५ गते बिहीबार नेपाली बजारमा सुन र चाँदीको मूल्य घट्यो। छापावाल सुन प्रतितोला ४०० रुपैयाँ घटेर १,९५,५०० रुपैयाँमा पुगेको छ भने चाँदी २५ रुपैयाँ घटेर २,२०० रुपैयाँमा कारोबार भएको छ। चाँदीले अघिल्लो दिनमात्रै नयाँ उचाइ कायम गरेको थियो।

NEPSE TRADING19 Jun, 20251 min read

Investor

ऐतिहासिक लाभकर संकलन : ११ महिनामै १५ अर्ब नाघ्यो, सेयर बजारमा ट्रेन्डरहरूको दबदबा

ऐतिहासिक लाभकर संकलन : ११ महिनामै १५ अर्ब नाघ्यो, सेयर बजारमा ट्रेन्डरहरूको दबदबा चालु आर्थिक वर्ष २०८१/८२ मा सेयर कारोबारबाट संकलन हुने पुँजीगत लाभकरमा ऐतिहासिक वृद्धि भएको छ । सिडिएस एन्ड क्लियरिङ लिमिटेड (CDSC) का अनुसार, जेठ महिनासम्म मात्रै १५ अर्ब ३० करोड ९८ लाख रुपैयाँभन्दा बढी लाभकर संकलन भइसकेको छ । यो अहिलेसम्मकै सबैभन्दा ठूलो संकलन हो । विश्लेषकहरूले यो संख्यालाई “रेकर्ड ब्रेकर” भन्दै व्याख्या गरिरहेका छन् । असार महिनाको कारोबार अझै बाँकी रहेको हुँदा यो वर्षको अन्तिम संकलन अझै माथि जाने प्रक्षेपण गरिएको छ ।

NEPSE TRADING18 Jun, 20251 min read

Investor

नेप्सेमा गिरावट जारी, केही कम्पनीहरू उकालोमै — ठूला ब्रोकरबाट खरिद चाप

नेप्सेमा गिरावट जारी, केही कम्पनीहरू उकालोमै — ठूला ब्रोकरबाट खरिद चाप बुधबार सेयर बजार सूचक नेप्से १.०७ अंकले घटेर २६५३.६८ विन्दुमा झरेको छ। अघिल्लो दिनको सामान्य गिरावटपछि आज पनि बजार ओरालो लागेपछि लगानीकर्ता अझै विश्वस्त हुन सकेका छैनन्। खुद्रा लगानीकर्ता अझै बजारप्रवेश गर्न हिच्किचाइरहेका छन् भने केही कम्पनीमा भने ‘बुल रन’ जस्तै उकालो देखिएको छ। बजार विश्लेषकले यस्ता कम्पनीहरूमा अपरेटरको संलग्नता रहेको आशंका समेत व्यक्त गरेका छन्। यद्यपि, नेप्से परिसूचक घटे पनि आजको कारोबार रकम उल्लेख्य रूपमा बढेको छ। कुल ३१४ कम्पनीका २ करोड ३४ लाख कित्ता सेयर ७८ हजार पटकभन्दा बढी किनबेच हुँदै ९ अर्ब ८ करोड रुपैयाँको कारोबार भएको छ।

NEPSE TRADING18 Jun, 20252 min read

Investor

महिला उद्यमशील कर्जामा ६२ अर्बभन्दा बढी लगानी

महिला उद्यमशील कर्जामा ६२ अर्बभन्दा बढी लगानी महिलाको आर्थिक सशक्तिकरणका लागि सरकारले सुरु गरेको ‘महिला उद्यमशील कर्जा’ कार्यक्रम विस्तार हुँदै गएको देखिए पनि फिर्तीको अवस्था भने कमजोर रहेको नेपाल राष्ट्र बैंकको तथ्यांकले देखाएको छ। २०८२ सालको बैशाख मसान्तसम्ममा ६० हजार ९३७ महिलाले कर्जा लिएका छन्। उनीहरूले लिएको कर्जाको कूल रकम ६२ अर्ब २१ करोड रुपैयाँ नाघिसकेको छ। योजनामार्फत कर्जा लिएका मध्ये थुप्रै महिलाले व्यवसाय विस्तारमा लगानी गरेको दाबी गरे पनि २३ अर्ब ५६ करोड रुपैयाँ बराबरको कर्जा हालसम्म फिर्ता नभएको पाइएको छ। बाँकी कर्जाको अनुपात ३७.८७ प्रतिशत पुगेको छ, जुन खासै सन्तोषजनक छैन। यसले योजनाको प्रभावकारिता र दिगोपनमाथि प्रश्न उठाएको छ।

NEPSE TRADING18 Jun, 20252 min read

Investor

वैदेशिक रोजगारीबाट फर्किएका युवा उद्यम कर्जा : ५५९ जनाले लिए ४५ करोडभन्दा बढी

वैदेशिक रोजगारीबाट फर्किएका युवा उद्यम कर्जा : ५५९ जनाले लिए ४५ करोडभन्दा बढी कर्जा वैदेशिक रोजगारीबाट फर्किएका युवालाई स्वरोजगारतर्फ उन्मुख गराउने भन्दै सरकारले सुरु गरेको ‘फर्किएका युवा परियोजना कर्जा’ कार्यक्रम कागजमै सीमित देखिन थालेको छ। नेपाल राष्ट्र बैंकले सार्वजनिक गरेको तथ्यांक अनुसार २०८२ सालको बैशाख मसान्तसम्म देशभर ५५९ जना फर्किएका युवाले कर्जा लिएका छन्। तर, योजना लागू भएको लामो समय बितिसक्दा पनि बाँकी कर्जा फिर्तीको अवस्था कमजोर देखिएको छ।

NEPSE TRADING18 Jun, 20252 min read

Top

सुनको मूल्य सामान्य वृद्धि, चाँदी ऐतिहासिक उच्च विन्दुमा

असार ४ गते, २०८२ मा सुन प्रतितोला ४०० रुपैयाँले बढेर १ लाख ९५ हजार ९०० रुपैयाँ पुगेको छ भने चाँदी प्रतितोला ६५ रुपैयाँले बढेर २ हजार २२५ रुपैयाँमा पुग्दै नयाँ कीर्तिमान बनाएको छ। यसले पुरानो २१६५ रुपैयाँको रेकर्ड तोडेको हो।

NEPSE TRADING18 Jun, 2025<1 min read