NEPSE Trading

शिक्षित युवा स्वरोजगार कर्जा : ३६ लाख रुपैयाँ वितरण, ७५ जना युवाहरूले लिए कर्जा

२०८२ बैशाखसम्म शिक्षित युवा स्वरोजगार कर्जामा ३६ लाख रुपैयाँभन्दा बढी वितरण, ३० प्रतिशतभन्दा बढी अझै फिर्ता आउन बाँकी नेपाल राष्ट्र बैंकले सार्वजनिक गरेको तथ्यांक अनुसार २०८२ सालको बैशाख मसान्तसम्म देशभरका बैंक तथा वित्तीय संस्थाहरूले शिक्षित युवा स्वरोजगार कर्जा योजना अन्तर्गत कुल ३६ लाख २२ हजार रुपैयाँ (रु ३६,२२३ हजार) कर्जा स्वीकृत गरेका छन्। यस योजनामा हालसम्म ७५ जना शिक्षित बेरोजगार युवाहरूले कर्जा लिएका छन्। योजना विशेषगरी स्वरोजगार तथा साना उद्यम स्थापना गर्न चाहने युवालाई लक्षित गरी ल्याइएको हो। यस योजनाअन्तर्गत ‘क’ वर्गका बैंकहरू अग्रणी देखिएका छन्, जसले ६६ जना युवालाई ३० लाख ३२ हजार रुपैयाँ कर्जा उपलब्ध गराएका छन्। सो मध्ये १० लाख ५९ हजार रुपैयाँ फिर्ता आउन बाँकी छ। यस्तै, ‘ख’ वर्गका बैंकहरूले ९ जनालाई ५ लाख ९० हजार रुपैयाँ कर्जा दिएका छन्, जसमा ९७४ हजार रुपैयाँ बाँकी रहेको छ। ‘ग’ र ‘घ’ वर्गका बैंक तथा वित्तीय संस्थाले यो योजनामा कुनै सहभागिता जनाएका छैनन्।

NEPSE TRADING18 Jun, 20252 min read

Investor

२०८२ बैशाखसम्म बिना धितो सहुलियतपूर्ण कर्जामा २ अर्ब ३१ करोड वितरण

२०८२ बैशाखसम्म बिना धितो सहुलियतपूर्ण कर्जामा २ अर्ब ३१ करोड वितरण, १ अर्ब १४ करोड फिर्ता आउन बाँकी नेपाल राष्ट्र बैंकले प्रकाशित गरेको तथ्यांक अनुसार २०८२ सालको बैशाख मसान्तसम्म देशभरका बैंक तथा वित्तीय संस्थाहरूले ‘बिना धितो’ सहुलियतपूर्ण कर्जा अन्तर्गत २ अर्ब ३१ करोड रुपैयाँ (रु २,३१०,५३० हजार) कर्जा वितरण गरेका छन्। यो कर्जा योजना आर्थिक रूपले कमजोर, साना व्यवसायी, महिला, दलित तथा ग्रामीण भेगका जनतालाई लक्षित गरिएको हो, जसमा २,३९० जना ऋणी समावेश भएका छन्।

NEPSE TRADING18 Jun, 20251 min read

Top

२०८२ बैशाखसम्म सहुलियतपूर्ण कृषि कर्जामा ८५ अर्बभन्दा बढी लगानी, ६२ अर्बभन्दा बढी अझै फिर्ता आउन बाँकी

२०८२ बैशाखसम्म सहुलियतपूर्ण कृषि कर्जामा ८५ अर्बभन्दा बढी लगानी, ६२ अर्बभन्दा बढी अझै फिर्ता आउन बाँकी नेपाल राष्ट्र बैंकले सार्वजनिक गरेको तथ्यांक अनुसार २०८२ सालको बैशाख मसान्तसम्म देशभरका बैंक तथा वित्तीय संस्थाहरूले “व्यवसायिक कृषि तथा पशुपालन कर्जा” अन्तर्गत कुल ३७ हजार ७ सय ६८ वटा कर्जा स्वीकृत गरेका छन्। ती कर्जाको कूल रकम ८५ अर्ब ७१ करोड रुपैयाँ नाघेको छ। यो सरकारी सहुलियतमा दिइने प्राथमिक क्षेत्रको कर्जाअन्तर्गत अहिलेसम्मकै ठूलो रकम हो। तथ्यांक अनुसार स्वीकृत गरिएको कर्जामध्ये ६२ अर्ब ७५ करोड रुपैयाँ अझै बाँकी रहेको छ, जुन कुल स्वीकृत कर्जाको लगभग ७३ प्रतिशत हो। यसको अर्थ, कर्जाको ठूलो हिस्सा अझै समयमै फिर्ता भएको छैन वा कर्जा फिर्तीको प्रक्रिया ढिलो भइरहेको छ। यो अवस्था कृषिमा आधारित लगानीको प्रकृति (दीर्घकालीन प्रतिफल) सँग पनि सम्बन्धित देखिन्छ।

NEPSE TRADING18 Jun, 20251 min read

Investor

लघुवित्ततर्फ लगानीकर्ता आकर्षण, नेप्से अझै साइडवेज ट्रेन्डमै

लघुवित्ततर्फ लगानीकर्ता आकर्षण, नेप्से अझै साइडवेज ट्रेन्डमै पछिल्ला केही सातायता नेप्सेमा अल्पकालीन लगानीकर्ताको सक्रियता तीव्र भएको देखिएको छ। लगानीकर्ताले लगातार रूपमा विभिन्न समूहहरूमा सेक्टर सिफ्ट गरिरहेका छन्। बजेटपछिको सुरुवातमा बैंकिङ समूहमा देखिएको आकर्षण अहिले लघुवित्त समूहमा केन्द्रित हुन थालेको छ। मंगलबारको कारोबारमा नेप्से परिसूचक ३.९० अंकले घट्दै २६५४.७५ विन्दुमा झरेको छ। अघिल्लो दिन १३ अर्ब रुपैयाँभन्दा बढीको कारोबार भए पनि मंगलबार कारोबार रकम घटेर ७ अर्ब ६५ करोड ३२ लाख रुपैयाँमा सीमित भयो। १३ मध्ये १० उपसमूहमा गिरावट आउँदा लघुवित्त समूह भने १ प्रतिशतभन्दा बढीले बढ्यो। लघुवित्त अन्तर्गत ५० मध्ये ४५ कम्पनीको सेयरमूल्यमा वृद्धि देखिएको छ। सामुदायिक लघुवित्तको मूल्य ७ प्रतिशतले बढ्दा विपरित गार्डियन माइक्रो लाइफ इन्स्योरेन्सको मूल्य ४.६२ प्रतिशतले घट्यो।

NEPSE TRADING17 Jun, 20251 min read

Top

इजरायल–इरान तनावले तेल मूल्य आकाशिँदा विश्व बजारमा तरंग, नेपालसमेत महँगीको मारमा पर्न सक्ने चिन्ता

इजरायल–इरान तनावले तेल मूल्य आकाशिँदा विश्व बजारमा तरंग, नेपालसमेत महँगीको मारमा पर्न सक्ने चिन्ता इजरायलले इरानमाथि गरेको आक्रमण र त्यसपछिको इरानको प्रतिक्रियाले विश्वव्यापी वित्तीय बजारमा व्यापक हलचल ल्याएको छ। युद्ध तत्काल रोकिने संकेत नदेखिएपछि आइतबार खाडी मुलुकसहितका केही देशका शेयर बजारमा ठूलो गिरावट आएको अन्तर्राष्ट्रिय समाचार संस्था रोयर्टसले जनाएको छ। बीबीसीका अनुसार, इजरायलले शुक्रबार बिहान इरानको आणविक केन्द्रमा आक्रमण गरेपछि तेलको मूल्यमा एकाएक उछाल आएको थियो। केही कम्पनीहरूले प्रति ब्यारेल १० प्रतिशतभन्दा बढीले मूल्य वृद्धि गरेका थिए। इरान र इजरायलबीचको युद्धले इरानी तेल आपूर्तिमा अवरोध आउने आशंकाले बजारमा मूल्य चुलिएको हो।

NEPSE TRADING17 Jun, 20252 min read

Investor

घरजग्गा कारोबार घट्यो, तर राजस्वमा ८ प्रतिशत वृद्धि

घरजग्गा कारोबार घट्यो, तर राजस्वमा ८ प्रतिशत वृद्धि चालु आर्थिक वर्षको जेठ महिनामा घरजग्गा कारोबारमा गत वर्षको तुलनामा उल्लेख्य कमी आएको देखिएको छ। भूमि व्यवस्था तथा अभिलेख विभागका अनुसार घरजग्गा कारोबार १२ प्रतिशतले घटेको छ भने सोही अवधिमा संकलन भएको राजस्व भने ८ प्रतिशतले बढेको छ। यो परिघटना नेपालको वर्तमान रियल स्टेट बजारमा भइरहेको मूल्य वृद्धिको सूचक हो। गत वर्षको जेठ महिनामा देशभर १ लाख ७५ हजार ६२० पटक घरजग्गाको कारोबार भएको थियो। तर, यो वर्ष उक्त संख्या घटेर १ लाख ५६ हजार ७५२ मा सीमित भयो। त्यसमध्ये ५६ हजार कारोबार लिखत पारित भएर सम्पन्न भएका छन्। गत वर्ष यो संख्या ६१ हजार १६१ थियो। कारोबार घटे पनि राजस्वमा आएको वृद्धिले उच्च मूल्यको सम्पत्ति किनबेच भएको संकेत गर्छ।

NEPSE TRADING17 Jun, 20252 min read

Top

सुनको मूल्यमा भारी गिरावट, चाँदीको दर पनि घट्यो

२०८२ असार ३ गते मंगलबार, नेपाली बजारमा सुनको मूल्य प्रतितोला २,५०० रुपैयाँले घट्दै १ लाख ९५ हजारमा झरेको छ। चाँदी पनि ५ रुपैयाँले घटेर २ हजार १६० रुपैयाँमा कारोबार भइरहेको छ।

NEPSE TRADING17 Jun, 2025<1 min read

Investor

सन नेपाल लाइफ इन्स्योरेन्सको हकप्रद शेयरमा आवेदन दिने आज अन्तिम दिन

सन नेपाल लाइफ इन्स्योरेन्सको हकप्रद शेयरमा आवेदन दिने आज अन्तिम दिन सन नेपाल लाइफ इन्स्योरेन्स कम्पनी लिमिटेडको हकप्रद शेयरमा आवेदन दिने आज (असार ३) अन्तिम दिन हो। कम्पनीले वैशाख ३० गतेदेखि हकप्रद शेयर निष्कासन गरेको थियो। पहिले जेठ १९ गतेसम्म आवेदन दिन सकिने समयसीमा तोकिएको भए पनि सो अवधिभित्र पर्याप्त आवेदन नपरेपछि असार ३ गतेसम्म म्याद थप गरिएको हो। नेपाल धितोपत्र बोर्डबाट अनुमति पाएअनुसार कम्पनीले प्रतिकित्ता १०० रुपैयाँको दरमा १:०.२७ अनुपातमा कुल १ करोड ६ लाख ९६ हजार ३२० कित्ता हकप्रद शेयर जारी गरेको हो।

NEPSE TRADING17 Jun, 20251 min read

Investor

मोदी इनर्जीले शतप्रतिशत हकप्रद शेयर जारी गर्ने, विशेष साधारणसभा असार १९ मा

मोदी इनर्जीले शतप्रतिशत हकप्रद शेयर जारी गर्ने, विशेष साधारणसभा असार १९ मा मोदी इनर्जी लिमिटेडले हाल कायम चुक्ता पुँजीको १:१ अनुपातमा शतप्रतिशत हकप्रद शेयर जारी गर्ने भएको छ। यस प्रस्तावलाई पारित गर्न कम्पनीले विशेष साधारणसभा आगामी असार १९ गते रानीमहल बैंक्वेट, ज्ञानेश्वरमा बिहान ११ बजेका लागि बोलाएको छ। हाल कम्पनीको चुक्ता पुँजी २ अर्ब ९० करोड रुपैयाँ रहेको छ। हकप्रद शेयर जारीपछि पुँजी वृद्धि हुने भएकाले उक्त पुँजीको उपयोग सम्बन्धी योजना पनि सभामा प्रस्तुत गरिनेछ। साथै, अधिकृत र जारी पुँजी वृद्धि गर्ने तथा संस्थापक समूहबाट एक जना सञ्चालक नियुक्त गर्ने प्रस्ताव पनि सभामा छलफलका लागि राखिनेछ।

NEPSE TRADING17 Jun, 20251 min read

Investor

नेप्से विश्लेषण: नाफा बुकिङ, साइडवेज बजार र ब्रोकरको गतिविधि

नेप्से बजार विश्लेषण: नाफा बुकिङ, साइडवेज बजार र ब्रोकरको गतिविधि पछिल्ला केही दिनदेखि जलविद्युत् क्षेत्रका ठूला कम्पनीहरूमा लगानीकर्ताले नाफा बुकिङ गर्न थालेपछि सेयर बजारमा दबाब देखिएको छ। विशेषगरी सोमबार बजार खुलेको सुरुको दुई घण्टासम्म नेप्से सूचक सकारात्मक देखिए पनि पछि बजारमा व्यापक गिरावट आएपछि सूचक फेरि तल झर्न बाध्य भयो। यसले बजारमा अनिश्चितता कायम रहेको स्पष्ट देखिन्छ। आजको बजारमा होटल तथा पर्यटन उपसमूहमा लगानीकर्ताको आकर्षण देखियो। यो उपसमूहको सूचक साढे ४ प्रतिशतले बढ्दा अरु अधिकांश उपसमूहमा सामान्य वृद्धि देखियो। कुल १३ उपसमूहमध्ये ८ उपसमूह हरियो रहे भने ५ उपसमूह रातो देखिए। वित्त उपसमूहमा सबैभन्दा धेरै १.२२ प्रतिशतको गिरावट आयो, जसले वित्तीय कम्पनीहरूमा लगानीकर्ताको चासो घट्दै गएको संकेत गर्छ।

NEPSE TRADING16 Jun, 20253 min read

Top

नेपाली बजारमा सुन र चाँदीको मूल्य स्थिर

असार २ गते (२०७८), सोमबारको दिन नेपाली बजारमा सुन र चाँदीको मूल्य स्थिर रह्यो। छापावाल सुन प्रतितोला १ लाख ९७ हजार ५०० रुपैयाँ र चाँदी प्रतितोला २ हजार १६५ रुपैयाँमा कारोबार भइरहेको छ। अघिल्लो बजार मूल्यकै आधारमा कारोबार जारी छ।

NEPSE TRADING16 Jun, 20251 min read

Top

नयाँ १० रुपैयाँको नोट चलनचल्तीमा, निवर्तमान गभर्नर अधिकारीको हस्ताक्षर

नयाँ १० रुपैयाँको नोट चलनचल्तीमा, निवर्तमान गभर्नर अधिकारीको हस्ताक्षर रहेको छ नेपाल राष्ट्र बैंकले सोमबारदेखि नयाँ १० रुपैयाँ दरका नोट चलनचल्तीमा ल्याएको छ। निवर्तमान गभर्नर महाप्रसाद अधिकारीको हस्ताक्षर भएको ६ करोड ३० लाख थान नयाँ नोट बजारमा पठाइएको हो। मुद्रा व्यवस्थापन विभागका कार्यकारी निर्देशक रामु पौडेलका अनुसार, कुल ६३ करोड रुपैयाँ बराबरको नोट सोमबारदेखि वितरण गरिएको हो। नयाँ नोटमा सङ्केत नं‍ दर/३२ ०००००१ देखि प/९४ ९९९९९९ सम्मको क्रमाङ्क रहेको छ। नोटको बायाँतर्फ सगरमाथाको चित्र छ भने दायाँतर्फ लालीगुराँसको पानी छाप राखिएको छ। साथै, नोटको तल्लो भागको किनारमा ‘वि.सं. २०८१’ अंकित गरिएको छ। नेपाल राष्ट्र बैंकले पुराना नोट सँगै नयाँ नोटहरू पनि समान रूपमा प्रयोगमा ल्याइने जानकारी दिएको छ।

NEPSE TRADING16 Jun, 20251 min read

Investor

सातवटै प्रदेशको बजेट सार्वजनिक: खर्च भन्दा स्रोतको अभाव मुख्य चुनौती

सातवटै प्रदेशको बजेट सार्वजनिक: खर्च भन्दा स्रोतको अभाव मुख्य चुनौती सातवटै प्रदेश सरकारले आगामी आर्थिक वर्ष २०८२/८३ का लागि वार्षिक आय–व्ययको अनुमान (बजेट) सार्वजनिक गरेका छन् । अधिकांश प्रदेशले आर्थिक वर्षको अन्तिम दिनसम्ममा बजेट प्रदेशसभामा प्रस्तुत गरेका छन् । कर्णाली प्रदेशले मध्यरातमा मात्रै बजेट पेश गर्न सफल भएको हो । प्रदेश सरकारले संघीय सरकारजस्तै आन्तरिक राजस्व संकलनको न्यून अवस्था र स्रोत व्यवस्थापनको चुनौती खेपिरहेका छन् । धेरै प्रदेशले अघिल्लो वर्षमा खर्च हुन नसकेको रकमलाई समेत बजेट स्रोतमा देखाएका छन् । गण्डकी र मधेश प्रदेशले घाटा बजेट ल्याई आन्तरिक ऋण उठाउने योजना सार्वजनिक गरेका छन् ।

NEPSE TRADING16 Jun, 20251 min read

Top

प्रतिनिधिसभाको बैठक आज ११ बजे, बजेटसम्बन्धी दुई विधेयक प्रस्तुत हुने

प्रतिनिधिसभाको बैठक आज ११ बजे, बजेटसम्बन्धी दुई विधेयक प्रस्तुत हुने सङ्घीय संसद् प्रतिनिधिसभाको बैठक आज बिहान ११ बजेका लागि बोलाइएको छ। संसद् भवन नयाँ बानेश्वरमा बस्ने बैठकको सम्भावित कार्यसूची अनुसार उपप्रधानमन्त्री तथा अर्थमन्त्री विष्णुप्रसाद पौडेलले बजेटसँग सम्बन्धित दुई महत्वपूर्ण विधेयकहरू प्रस्तुत गर्नेछन्। सङ्घीय संसद् सचिवालयका अनुसार अर्थमन्त्री पौडेलले ‘विनियोजन विधेयक, २०८२’ र ‘राष्ट्र ऋण उठाउने विधेयक, २०८२’ संसद्मा टेबुल गर्ने कार्यक्रम छ। यस्तै, चालु आर्थिक वर्ष २०८२/८३ का लागि प्रस्तुत गरिएको बजेटमाथि सांसदहरूले उठाएका प्रश्न तथा जिज्ञासाको जवाफ पनि आजै दिने कार्यसूचीमा उल्लेख गरिएको छ। त्यस्तै, आजकै बैठकमा ‘संवैधानिक परिषद् (काम, कर्तव्य, अधिकार र कार्यविधि) सम्बन्धी (पहिलो संशोधन) विधेयक, २०७९’ राष्ट्रिय सभाबाट प्राप्त सन्देश सहित टेबुल गरिनेछ। सरकारको नीति, कार्यक्रम तथा बजेटलाई अघि बढाउन आवश्यक विधेयकहरू प्रस्तुत हुँदै गर्दा आजको बैठकलाई अर्थपूर्ण रुपमा हेरिएको छ।

NEPSE TRADING16 Jun, 20251 min read

Investor

नेप्से सामान्य अंकले हरियाली, इन्वर्टेड ह्याम्बर बनेपछि....

नेप्से सामान्य अंकले हरियाली, इन्वर्टेड ह्याम्बर बनेपछि बजार अझै अन्योलमै काठमाडौं, असार १ – साताको पहिलो दिन आइतबार नेप्से परिसूचक सामान्य अंकले हरियालीमा बन्द भएको छ । अघिल्ला दुई दिन लगातार घटेको बजारमा आइतबार ०.४७ अंकले वृद्धिसँगै नेप्से २६५५.८५ विन्दुमा पुगेको हो । पछिल्लो समय सेयर धितो कर्जामा तीव्र वृद्धि देखिएको छ । नेपाल राष्ट्र बैंकको तथ्यांकअनुसार २०८२ वैशाख मसान्तसम्ममा बैंक तथा वित्तीय संस्थाहरूले १ खर्ब २५ अर्ब रुपैयाँभन्दा बढी सेयर धितो कर्जा प्रवाह गरिसकेका छन् । यो अघिल्लो वर्षको तुलनामा ३५ अर्बले बढी हो । नबिल बैंक, ग्लोबल आइएमई र कुमारी बैंक मुख्य कर्जा प्रवाहकर्तामध्ये पर्छन् भने विकास बैंक र फाइनान्स कम्पनीहरू क्रमशः १८ अर्ब र ४ अर्बभन्दा बढी कर्जा प्रवाह गरेका छन् । १ करोडभन्दा माथिको सेयर धितो कर्जा पनि ५३% ले बढेर ८५ अर्ब नाघेको छ ।

NEPSE TRADING15 Jun, 20252 min read

Investor

उपभोक्ता र व्यापारीमै बढी बैंकको कर्जा : उत्पादन क्षेत्रमा अपेक्षित वृद्धि देखिएन

उपभोक्ता र व्यापारीमै बढी बैंकको कर्जा : उत्पादन क्षेत्रमा अपेक्षित वृद्धि देखिएन चालु आर्थिक वर्ष २०८१/८२ को पहिलो १० महिनामा नेपालका बैंक तथा वित्तीय संस्थाहरूले सबैभन्दा बढी कर्जा उपभोक्ता र होलसेलर (थोक व्यापारी) तथा रिटेलर (खुद्रा व्यापारी) क्षेत्रलाई प्रवाह गरेका छन्। नेपाल राष्ट्र बैंकले सार्वजनिक गरेको तथ्यांक अनुसार सो अवधिमा कुल कर्जामध्ये १९% उपभोक्ता ऋण र १८% होलसेल तथा रिटेल कारोबारमा गएको छ। उक्त अवधिमा बैंकहरूले ५५ खर्ब २६ अर्ब रुपैयाँ कर्जा प्रवाह गरेका छन्। तीमध्ये ११ खर्ब २ अर्ब ४७ करोड उपभोक्ता कर्जाका लागि छुट्याइएको हो, जुन अघिल्लो वर्षको सोही अवधिको तुलनामा १२ प्रतिशतले बढी हो। गत आवमा यस क्षेत्रमा ९ खर्ब ७८ अर्ब २२ करोड कर्जा प्रवाह भएको थियो। होलसेलर तथा रिटेलर क्षेत्रमा भने १० खर्ब ४८ अर्ब ४५ करोड रुपैयाँ कर्जा प्रवाह भएको छ। यो पनि अघिल्लो वर्षको तुलनामा ३.२८ प्रतिशतले बढी हो।

NEPSE TRADING15 Jun, 20251 min read

Investor

फिक्स्ड डिपोजिटमा ग्लोबल आइएमई बैंक सबैभन्दा अगाडि

फिक्स्ड डिपोजिटमा ग्लोबल आइएमई बैंक सबैभन्दा अगाडि वाणिज्य बैंकहरूमा स्थायी खातामार्फत संकलन भएको निक्षेपमा ग्लोबल आइएमई बैंक अग्रस्थानमा देखिएको छ। नेपाल राष्ट्र बैंकको तथ्यांकअनुसार २०८२ सालको बैशाख मसान्तसम्म बैंकले रु. २७२ अर्ब ८६ करोड स्थायी (फिक्स्ड) निक्षेप संकलन गरेको छ। ग्लोबल आइएमई पछ्याउँदै नेपाल इन्भेस्टमेन्ट मेगा बैंक (NIMB) ले रु. २५५ अर्ब ८० करोड र नबिल बैंकले रु. २३५ अर्ब १८ करोड फिक्स्ड निक्षेप संकलन गरेका छन्। स्थायी निक्षेप संकलनको दृष्टिकोणले यी बैंकहरू नेपालको बैंकिङ क्षेत्रको अग्रपंक्तिमा रहेका छन्। फिक्स्ड डिपोजिट संकलनमा कुमारी बैंकले रु. १९८ अर्ब ५२ करोड र आरबीबीले रु. १७४ अर्ब ८८ करोड बराबरको योगदान जुटाएका छन्। फिक्स्ड डिपोजिट संकलनमा शीर्ष पाँच बैंकको कूल हिस्सा एक खर्बभन्दा बढीको अन्तरले बाँकी बैंकहरूभन्दा स्पष्ट अग्रता लिएको छ।

NEPSE TRADING15 Jun, 20251 min read

Investor

आरबीबीको बचत खातामा सबैभन्दा बढी रकम

आरबीबीको बचत खातामा सबैभन्दा बढी रकम राष्ट्रिय वाणिज्य बैंक (आरबीबी) ले बचत खाताबाट सबैभन्दा धेरै निक्षेप संकलन गरेको देखिएको छ। नेपाल राष्ट्र बैंकले सार्वजनिक गरेको २०८२ सालको बैशाख मसान्तसम्मको विवरणअनुसार आरबीबीको बचत खातामा रहेको रकम रु. २२४ अर्ब ५८ करोड पुगेको छ। यो सबै वाणिज्य बैंकहरूमध्ये सबैभन्दा धेरै हो। बचत खाताबाट संकलन गरिएको रकममा नबिल बैंक दोस्रो स्थानमा परेको छ। नबिलको बचत खातामा रु. १८१ अर्ब १२ करोड संकलन भएको छ। त्यसपछि ग्लोबल आइएमई बैंक रु. १९७ अर्ब १६ करोड सहित तेस्रो स्थानमा छ। ग्लोबलले पछिल्लो केही वर्षमा ग्रामीण र शहरी दुवै क्षेत्रमा शाखा विस्तार गरेसँगै बचत संकलनमा तीव्र वृद्धि भएको देखिन्छ।

NEPSE TRADING15 Jun, 20251 min read

Investor

ग्लोबल आइएमईको निक्षेप सबैभन्दा बढी, नबिल र आरबीबी पछि पछि

ग्लोबल आइएमईको निक्षेप सबैभन्दा बढी, नबिल र आरबीबी पछि पछि बैंक तथा वित्तीय संस्थामार्फत आम नागरिकको पैसा व्यवस्थापन गरिने निक्षेप संकलनमा ग्लोबल आइएमई बैंक अग्रस्थानमा देखिएको छ। नेपाल राष्ट्र बैंकको तथ्यांकअनुसार २०८२ सालको बैशाख मसान्तसम्म ग्लोबल आइएमईले रु. ५४ खर्ब ७२ अर्ब ५४ लाख निक्षेप संकलन गरेको छ। निक्षेप संकलनका आधारमा दोस्रो स्थानमा नबिल बैंक रहेको छ, जसको कुल निक्षेप रु. ५० खर्ब ७१ अर्ब ४६ लाख पुगेको छ। यस्तै, तेस्रो स्थानमा राष्ट्रिय वाणिज्य बैंक (आरबीबी) रहेको छ, जसले रु. ४६ खर्ब २५ अर्ब ३३ लाख निक्षेप संकलन गरेको छ। यी तीन बैंकहरू हाल नेपाली बैंकिङ बजारको सबैभन्दा ठूला निक्षेपकर्ता बनेका छन्।

NEPSE TRADING15 Jun, 20252 min read

Investor

नबिल बैंकको सामान्य जगेडा सबैभन्दा उच्च, अन्य बैंकको अवस्था कस्तो ? — २०८२ बैशाख मसान्तसम्मको विवरण

नबिल बैंकको सामान्य जगेडा सबैभन्दा उच्च, अन्य बैंकको अवस्था कस्तो ? — २०८२ बैशाख मसान्तसम्मको विवरण नेपाल राष्ट्र बैंकको नियामकीय निर्देशिकाअनुसार वाणिज्य बैंकहरूले आवधिक रूपमा आन्तरिक नाफाबाट सञ्चित कोष संकलन गर्दै आएका छन्। यसै अन्तर्गत, २०८२ सालको बैशाख मसान्तसम्मको सामान्य जगेडा (General Reserve) विवरण अनुसार नबिल बैंक सबैभन्दा अग्रस्थानमा देखिएको छ।

NEPSE TRADING15 Jun, 20252 min read